o le kama, ne Matigi bena jiba bila ka n'u kan, jii caaman, ka bɔ Efarati baji la. Asiri masacɛ lo, a n'a ka fangatigiya bɛɛ. Baji bena caya, fɔɔ ka bɔ a dingɛ kɔnɔ, a bena yɛrɛkɛ a dagolo la yɔrɔ bɛɛ.
Siya wɛrɛw, aw ka yɛrɛyɛrɛ, aw jaa ka tigɛ! Yɔrɔjan mɔgɔw bɛɛ, aw ka mɛnni kɛ. Aw y'aw ka kɛlɛkɛminanw ta, aw jaa ka tigɛ. Aw y'aw ka kɛlɛkɛminanw ta, aw jaa ka tigɛ.
Masaba Setigi ye tangayɔrɔ ye, nga a ye talonkabakuru ye fana. A bena kɛ Isirayɛli ni Zuda mara talonfarakulu ye. A bena kɛ jɔɔ ni jaan ye Zeruzalɛmukaw fɛ.
Masaba ye deen minw di ne ma, ne ni olu kɛnin be taamasiɲɛw ye Isirayɛlidenw fɛ, ani koo nata yirafɛnw ye Masaba, Setigi tɔgɔ la. Min sigiyɔrɔ be * Siyɔn kulu kan.
Dɔw b'a fɔ ko: «Mɔgɔ ka kan ka taga sukɔrɔ welebagaw ni lagwɛlikɛlaw fɛ, minw be to ka ŋunuŋunu. Ko siya man kan k'u ka joow ni sukɔrɔw ɲininga, nimanw ka hɛrɛ koo la wa?» Ni u y'o fɔ aw ye,
Jama sɛgɛnninba bena yaalayaala jamana kɔnɔ, u kɔnɔbara lakolon. Kɔngɔ sababu la, u bena dimi k'u ka masacɛ nɛni, k'u ka Ala nɛni. U bena filɛli kɛ sanfɛ,
Nga minw tun be dusukasi la, olu ka ɲanafin banna. Masaba tun ye maloya bila Zabulɔn ni Nɛfutali mara kan fɔlɔfɔlɔ. O kɔ, a ye boɲa la Zurudɛn baji kɔrɔn fɛ, ni siya min be kɔgɔjida la, ani siya wɛrɛw ka mara kan min ye Galile mara ye.