Lalpa chuan ka hnênah, “Ziakna tûr phêk hlai tak la la, mi tin chhiar theih tûrin, ‘Maher-salal-khas-Baza’ tân, tih thîr zumin ziak kuau rawh,” a ti a.
Nausên chuan, ‘Ka nu, ka pa,’ a tih theih hmain Damaska hausakna leh Samaria khua ata râllâk sum an lâk tûr chu Asuria lal hnênah an thlen ang,” a ti a.
A kuang a khat ang a, a kamah chuan a luang liam dûl dûl ang, Judai ram chu a rawn pan ang a, a rawn hrût zêl ang a, Nghâwng thleng zawkin ram pum a rawn chîm ang, I ram chungah a thla a zâr duai dâwn, Aw! Imanuel.
A thianghlim êm avângin Israel chhûng hnihte tân inchhuihna tûr lung, chhuiha tlûkna tûr chu a ni. Jerusalem-a chêngte tân tlâkna tûr hum leh awhna tûr thang a ni.
Mitthi thlûk thiam te, eng emaw zâwla chiap chiapa phun bul bul te chu râwn tûrin an ti ang che u. Anni chuan, ‘Thlaraute hi râwn tûr a ni a, thi tawhte pawh la damte tân râwn tûr an ni,’ an lo ti ang.