Masaba, i y'u nisɔn diya kosɔbɛ. E y'u dusu diya haali! U be nisɔndiyara i ɲakɔrɔ i ko sɛnɛkɛlaw, suman tigɛtuma la. U be nisɔndiyara i ɲakɔrɔ i ko nisɔndiya min be kɛ juguw bololafɛnw tilantuma la.
A ka fanga bena boɲa, a ka masaya hɛrɛ tena ban. A bena to Dawuda ka masasigilan kan masaya la. A bena o masaya sabati, ka barika don a la tiɲɛ, ni tilenninya la kabini sisan ni tuma bɛɛ. Masaba, Setigi bena o kɛ bari a jijanin lo o kama.
Sirikaw ka bɔ kɔrɔn fɛ, ani filisiw ka bɔ tileben faan fɛ, u ye Isirayɛli mara kunu yɛrɛ le! O n'a ta bɛɛ, Masaba ka dimi ma ban, halibi, a bolo wilinin be sanfɛ.
O kama, Matigi tena nisɔndiya u ka kanbelenw koo la, a tena makari u ka falatɔw n'u ka firiyamusow la. Bari, u bɛɛ kɛra Alaɲasiranbaliw ni mɔgɔjuguw ye, kumakolon le be bɔ u bɛɛ daa la. O n'a ta bɛɛ, Masaba ka dimi ma ban, halibi, a bolo wilinin be sanfɛ.