Kobu da kapaarasia nuka Yekoiakim okoku loka Yosia, ekabaka loka Yuda, kiton osaŋe loka ekaru lokitomonet kalodiop loka Sedekia okoku loka Yosia, ekabaka loka Yuda; kiton neejoreorere luko Yerusalem olap lokikanyet,
Konye kabala EJAKAIT eoŋ ebe, “Sirikiner ebe, ‘Arai eoŋ esapat:’ Naarai ilosenenei mama ejaas ŋul kere lukejukanari jo, Inerenenei da ŋun kere nukecoranakini joo
Naarai ebala EJAKAIT ebe, Koany, anyarauni atekerin kere nuka ajakanuto nuka agolitomei; epote do, esipokinete kesi ŋinituŋanan ekeicoloŋ loka ajakanut neelomarere orutei luka Yerusalem, asurokin arwatatinike kere airimor, asurokin da ireria kere luka Yuda.
Naarai koany, ketuluo jo lolo ere loebwaitai, epir da lokasuat, arwatatin nukaisinin, aluikin akwap kere, aluikin ikabakan luka Yuda, aluikin ikapolokoke da, aluikin isasedotinike, ido aluikin ituŋa luka akwap kana.