Jerimaya nọ sị, “Euu Osolobuẹ, y'a han ezigbo eṅẹn, ogẹn ile m gi e kinghọsị ị. Kanị nị ẹnyi lebankwọ ihiẹnni ẹnya: kị haịn ihiẹn gi a rịnị ndị eje-omumẹ mma? Kị haịn ẹhụ gi e fu ndị ghalẹni a gbaye Osolobuẹ?
Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”
Ndị m kpọ nke m nọ m nwan kẹ nnụnụ e ri anụ; nnụnụ e ri anụ e fihunmẹgụọ a nwan ni wẹ maye ẹ. “D'a kpọkikomẹ ni anụ ile rị ọfịa; wẹhẹni wẹ d'e gburi ndị nke m.
Ndị-nze alị ichẹn-ichẹn kịla ndị-agha wẹ nọkẹ atụnrụn d'a zọgbu ugbo-vaịnị m wụ Izrẹlụ; wẹ sikọ d'a zọkpụkpọ ihiẹn-ugbo m; wẹ k'e mẹ ugbo m hụn ma mma họnrin alị la iwi ihiẹn anaị rịlẹni.
Mmẹ wụ Osolobuẹ sị, “O mẹ nke eje-alị ndị ahụn ile nọkunmẹ ndị nke m Izrẹlụ, alị ndị hụn rị a napụ wẹ alị m ye wẹ, m jẹnkọ d'e huepụsọnmẹ wẹ alị wẹ nọkẹ osisi, zụọpụha ikpụlọ Juda ẹka wẹ.
Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.