Ako Yekova, mo ni ruru ro, ho mi nazungadi he ni foro; ono mo ídi he mi sana ro tipa gu pai dũ bangire. Tipagine ga gbegberẽ boro pai au ti ni? Tipagine agu yo dunduko nga airabiriki nau ti ni?
Ono mo, Ako Yekova, mo ini re; mo nabi re, ki niasadi gi berã koyo du mo ni. Mo gbéfe yo ku zegi yo wa akandoro sa imo ra, ki kpara yo ku bani tipa gu uru nga ga imo yo.
Rago adú waĩ ringara nikpari kpenunga, anvuo ati yo dunduko ki ugu? Bambiko gu gbegberẽpai nga ga agu yo naraka rogo ho anya na azire merẽ ku sa yo, bambiko ya aboro, “Ko abí nga gaani digida pai te.”
Yekova aya: “Ka mo zo abangira na aboro ni nduro, i ki mbusi ro, waĩ ka mo zo abangira na afarasi? Si ngia rogo zezeredi ringara mo ki ti sande, waĩ ka mo mangi rogo gu gbuku nga ga Yaradene?
Bambiko awirinamo na ga bamo aborokporo, kina yo namangi pai ni biriki foro; i nado fuo ro ni rimbasa yo nita wawa; ka mo ídi nga gayo apai ya, ka i vura ka gumba betedi apai foro vuru.”
Gimi siasia yo fere wa kenekene zire ninazia akurai? Agu azire nazia akurara ami pati yo kirikiri? Oni yé, oni nga kere anya dunduko; oni yé ka rita yo.
Abagbarasi rago ye ku ri gu kungba sosono arago du rogo ngbi ngume yo; bambiko gu basape nga ga Yekova riti ahe tona ti gu digida ringara sa, sa gu kura ha; boro ho du na zereda te.
I rú nganu ki ke kina akiwe, i mbusi tiyo ono ka mokiisa adu nga be yo ya. I adú na zee ti regbo gayo ke ahe bambiko gu ngariangaria zinga nga ga Yekova.”
Ya Yekova wẽ tipa gu gbigbita akuare dunduko nga agu yo zadi gu ukumbo nga gu fu mi fu gimi aboro aYisaraere ni gayo: “Mo ngére, mi amófa yo rogo gayo ringara, mi ki mofo aboro Yuda dagba yo.
Si ki ye ka du wa gere, ka i wiriki agu apai nga ga gimi aboro ngangarã, ka zunga he ti rimore, ‘Wa du Yekova ni ungako,’ zavura wa yugu yo pai fu gimi aboro i zunga he ti rimo Bara, i ki du ni duadua yo bangbanda gimi aboro.