×

أَتَّوْرَتْ دَ أَنَّبَاوَا 2020

Irmiya 16

1
غَا مَغَنَرْ دَ يَهْوٜىٰهْ يَڢَطَا مِنِ،
2
«بَذَاكَيِ عَوْرٜىٰ، كُواْ كَحَيْڢِ یَیَ مَظَا دَ مَاتَا أَوُرِنَّنْ بَ؞
3
غَمَا غَ أَبِنْدَ يَهْوٜىٰهْ يَڢَطَا غَمٜىٰدَ یَیَ مَظَا دَ مَاتَا وَطَنْدَ عَكَ حَيْڢَ أَوُرِنَّنْ دَ كُمَ إِيَايٜىٰ مَظَا دَ مَاتَا وَطَنْدَ سُكَيِ رٜىٰنُوانْسُ عَڧَسَرْ نَنْ؞
4
ذَاسُ مُتُ دَغَ مُوغُوَرْ ثُوتَا؞ بَابُ كُمَ وَنْدَ ذَيْ يِكُوكَنْ مُتُوَرْسُ، كُواْ كُوَ يَبِنّٜىٰسُ؞ غَوَوَّكِنْسُ ذَاعَ تَتَّاكٜىٰسُ كَمَرْ كَاشِنْ دَبَّ أَ ڢُسْكَرْ ڧَسَا؞ ذَاسُ مُتُ تَوُرِنْ تَكُواْبِے دَ يُنْوَ، غَوَوَّكِنْسُ كُمَ ذَاسُ ذَمَ عَبِنْثِنْ ڟُنْڟَيٜىٰنْ سَرَرِنْ سَمَ دَ نَمُواْمِنْ دَاجِ عَڧَسَا؞»
5
إِنْجِ يَهْوٜىٰهْ «كَدَ كَشِغَ غِدَنْ دَ عَكٜىٰيِنْ كُوكَنْ مُتُوَ، كُواْ كَتَڢِے عِنْدَ عَكٜىٰيِنْ بَڧِنْ ثِكِ؞ غَمَا نَارِغَا نَا جَنْيٜىٰ سَلَمَتَ دَ ڧَوْنَتَ مَرَرْ ثَنْجَاوَا دَ جِنْڧَيْنَ دَغَ جَمَعَرْ نَنْ؞ نِے يَهْوٜىٰهْ نَا ڢَطَا؞
6
دَ مَنْيَ دَ ڧَنَانَا دُكْ ذَاسُ مُتُ عَڧَسَرْ نَنْ؞ بَابُ كُمَ وَنْدَ ذَيْبِنّٜىٰسُ، كُواْ يَيِ كُوكَنْسُ؞ بَا كُوَ وَنْدَ ذَيْ ڟَٰغَ جِكِنْسَ كُواْ يَ أَسْكٜىٰ كَنْسَ ڨُولْڨُولْ دُواْمِنْ نُونَ بَڧِنْ ثِكِنْسُ؞
7
بَابُوَنْدَ ذَيْ كَيْ عَبِنْثِ دُواْمِنْ تَعَظِيَّرْ مَيْ مَكُواْكِنْ مُتُوَ، كُواْ دَمَا مُتُوَرْ مَامَرْسَ كُواْ بَابَنْسَ نٜىٰ؞ بَابُ مَا وَنْدَ ذَيْبَاشِ ضُوً دَ ذَيْ شَا نَݣُونْتَرْ دَ ذُوثِيَارْسَ؞
8
«كَدَ كَشِغَ غِدَنْ دَ عَكٜىٰيِنْ بِكِ، كَدَمَا كَثِ كُواْ كَشَا تَرٜىٰدَسُو؞
9
غَمَا نِے يَهْوٜىٰهْ مَيْ ضُنْدُنَا ، اللَّهْ نَ إِسْرَٰٓءِيلَ نَثٜىٰ، غَاشِ ذَنْسَا مُرْيَرْ مُرْنَ دَ تَڢَضٍ ثِكِ دَ مُرْيَرْ أَنْ‌غُواْ دَ تَأَمَرْيَ سُٻَثٜىٰ دَغَ وُرِنَّنْ؞ نِے يَهْوٜىٰهْ ذَنْيِ وَنَّنْ كُوَ أَعِدُوانْكُ دَ كُمَ أَ زَامَانِنْكُ؞
10
«سَعَدَّ كَڢَطَا وَجَمَعَرْ نَنْ وَنَّنْ مَغَنَ، ذَاسُثٜىٰ مَكَ، ‹دُوانْمٜىٰ يَهْوٜىٰهْ يَڢَطِ وَنَّنْ بَبَّرْ مَسِيڢَ عَكَنْمُ؟ مٜىٰنٜىٰنٜىٰ لَيْڢِنْمُ؟ وَنٜىٰ إِرِنْ ذُنُوبِ نٜىٰ مُكَيِ وَ يَهْوٜىٰهْ اللَّهْ نْمُ؟›
11
سَيْ كَثٜىٰمُسُ، ‹نِے يَهْوٜىٰهْ نَا يِوَنَّنْ سَبُواْدَ كَاكَنِّنْكُ سُنْڧِينِ، سُنْ كُمَبِے وَطَنْسُ أَلُّواْلِ، سُنْيِ مُسُ سُجَّدَ، سُنْيِ مُسُ بَوْتَا؞ سُنْڧِينِ بَسُ كُوَ كِيَايٜىٰ كُواْيَرْوَاتَابَ؞
12
كُو كُمَ كُنْڢِيسُ عَيْكَتَ مُغُنْتَا؞ غَاشِ، كُواْوَنّٜىٰنْكُ يَنَ بِنْ مُوغُنْ نُڢِنْ تَوْرِنْ ذُوثِيَارْسَ، يَنَ ڧِنْ جِنْ مَغَنَاتَ؞
13
سَبُواْدَ حَكَ، ذَنْ جٜىٰڢَرْ دَكُو وَجٜىٰ دَغَ وَنَّنْ ڧَسَا ذُوَا وَتَ ڧَسَا، ڧَسَرْدَ كُواْ كُو كُواْ كَاكَنِّنْكُ بَكُسَنْتَبَ؞ أَوُرِنْ ذَاكُ بَوْتَاوَ وَطَنْسُ أَلُّواْلِ دَرٜىٰ دَ رَانَ، غَمَا نِے بَذَنْ نُونَ مُكُ جِنْڧَيْبَ؞ نِے يَهْوٜىٰهْ نَا ڢَطَا؞› »
14
إِنْجِ يَهْوٜىٰهْ «ݣُونَكِے سُنَ ذُوَا، عِنْدَ بَذَاعَ ڧَارَ ثٜىٰوَ ‹نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، وَنْدَ يَڢِتَرْدَ إِسْرَٰٓءِيلَ دَغَ مَصَرْ› بَ؞
15
أَ مَيْمَكُوانْ حَكَ ذَاعَ ثٜىٰ، ‹نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، وَنْدَ يَڢِتَرْدَ إِسْرَٰٓءِيلَ دَغَ ڧَسَرْ أَرٜىٰوَ دَ دُكَنْ ڧَسَاشٜىٰنْدَ يَوَرْوَاڟَرْ دَسُو؞› غَمَا ذَنْ كُواْمُواْ دَسُو ذُوَا ڧَسَرْسُ وَدَّ نَبَا كَاكَنِّنْسُ؞
16
«دُكْدَهَكَ، يَنْذُ غَاشِ، إِنَ شِرِنْ كِرَوُاْ مُتَنٜىٰ مَاسُ كَامُنْ كِيڢِ دَيَوَ، سُكَامَ مُتَنٜىٰنَّنْ؞ دَغَ بَايَ كُمَ ذَنْ كِرَوُاْ مُتَنٜىٰ مَاسُ ڢَرَوْتَ دَيَوَ، سُڢَرَوْثِ مُتَنٜىٰنَّنْ؞ ذَاعَيِ ڢَرَوْتَرْسُ عَكُواْوَنٜىٰ بَبَّنْ تُدُ دَ كُمَ عَكُواْوَنٜىٰ تُدُ، حَرْ مَا عَثِكِنْ كُواْغُوانْ دُوَڟُو؞
17
غَمَا عِدَنُونَ سُنَ عَكَنْ هَنْيُواْيِنْ رَايُوَرْسُ، بَا أَبِنْدَ يَكٜىٰ عَٻُواْيٜىٰ دَغَ غَرٜىٰنِ؞ كُواْ لَيْڢُواْڢِنْسُ مَا بَعَٻُواْيٜىٰ سُكٜىٰ دَغَ عِدَنُونَبَ؞
18
ذَنْ حُكُنْتَسُ دَ ثِكَكّٜىٰنْ حُكُنْثِ ڠُورْڠُودُوانْ لَيْڢُواْڢِنْسُ دَ ذُنُبَنْسُ، غَمَا سُنْ ڧَظَنْتَرْدَ ڧَسَاتَ تَوُرِنْ غُمَكَنْسُ مَرَسَ رَيْ مَاسُ ڧَظَنْتَا؞ سُنْ كُمَ ثِكَ ڧَسَاتَ دَ أَبُبُوَ بَنْ ڨَمَ، ڧَسَرْدَ تَكٜىٰ أَبِنْ غَادُواْنَ؞»
19
يَا يَهْوٜىٰهْ ، ڧَرْڢِينَ دَ وُرِنْ ٻُيَنَ، مَڢَكَتَ أَ لُواْكَثِنْ وَهَلَ، أَغَرٜىٰكَ أَلْعُمَّيْ ذَاسُذُواْ، دَغَ إِيَاكَرْ دُونِيَا ذَاسُذُواْ سُثٜىٰ، «كَاكَنِّنْمُ بَسُغَاجِ كُواْمٜىٰبَ، سَيْ أَلُّواْلِنْ ڧَضْيَا كَوَيْ، بَنْظَنْ غُمَكَنْ مَرَسَ أَمْڢَانِ؞
20
طَنْ ءَادَمُ ذَيْ عِيَيِ وَكَنْسَ أَلُّواْلِنٜىٰ؟ أَيْ، وَطَنَّنْ بَ أَلُّواْلِ بَنٜىٰ!»
21
يَهْوٜىٰهْ يَأَمْسَ يَثٜىٰ، «عِ، غَاشِ، أَوَنَّنْ لُواْكَثِ كَمْ، ذَنْسَا سُسَنْ ڧَرْڢِينَ دَ إِيكُواْنَ، ذَاسُ كُوَ سَنِ سُونَنَ يَهْوٜىٰهْ نٜىٰ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula