“Râpthlâk takin an thi ang a, tu man an ṭah lo vang a, phûm lohvin bawlhhlawh angin an awm phung ang. Khandaih leh ṭâm tuarin an thi ang a, an ruangte chu chunglêng savate leh ramsate chaw a ni ang,” tiin.
Lalpa chuan heti hian a ti: “Khawhar inah lêng suh la, sûnpui tûr leh ṭanpui tûrin kal hek suh. Ka thlamuanna te, ka khawngaihna te, ka lainatna te hêng mite lak aṭang hian ka la kiang tawh si a,” tih hi Lalpa thuchhuak a ni.
Engkim Lalpa, Israel-te Pathian chuan heti hian a ti: “Ngai teh, in dam chhûng ngei hian in mit hmuhah hlim leh lâwm thâwm te, mo leh a pasal hlim thâwm te he hmun ata hi ka titâwp vek ang.
“Hêng thil zawng zawng hi hêng mite i hrilh hunah annin, ‘Engati nge hetiang chhiatna nasa tak hi Lalpa chuan kan chunga a thlentîr le? Thil dik lo eng nge kan tiha, kan Pathian chungah eng nge kan tihsual?’ an tih chuan
Chuvângin, nangni leh in pate hriat loh ramah ka hnawt chhuak ang che u; tah chuan a chhûn a zân pathian dangte rawng in bâwl ang a, ka duhsak tawh dâwn lo che u a ni,’ tiin,” a ti a.
“Ngai teh, sangha man mi tam tak anmahni man tûrin ka tîr dâwn e,” tih hi Lalpa thuchhuak a ni. “Chumi hnuah chuan tlâng tin leh mual tin lung keh kâr chen khawrh chhuak tûr sapêl mi tam tak ka tîr ang.
Aw Lalpa, mi tichaktu leh mi hum ṭhîntu, Mangan nia ka phen tûr, Hnamte chu kâwlkil ata i hnênah an lo kal ang a, Kan pate chuan pathian lem, Hlutna leh ṭangkaina rêng nei lo milem An rochung a.
“Chuvângin, tûn ṭum na na na chu ka thiltihtheihzia leh chakzia anni chu ka han hriattîr leh teh ang; tichuan, ka hming chu Lalpa a ni tih an hria ang.”