|
| 1 |
|
| Nyakubaho akangambira ati: |
|
| 2 |
|
| Otarishwera omukazi, nobu kwakuba okuzaarira batabani baawe na bahara baawe omuri ogu mwanya. |
|
| 3 |
|
| Manya Nyowe Nyakubaho, oku nikwo ndikugamba aha boojo n'abaishiki abarikuzaarirwa omuri ogu mwanya, n'ahari baanyinabo abarikubazaara, n'ahari baishebo abarikubabazaaraho omuri egi nsi. |
|
| 4 |
|
| Baryaitwa endwara mbi. Tibaricurirwa nobu kwakuba okuziikwa; babe nk'amasha ganaganagirwe aha itaka. Baryaitwa rurara n'enjara, emitumbi yaabo eriibwe amahungu n'enyamaishwa. |
|
| 5 |
|
| Ekindi, Nyakubaho naagira ati: Otaritaaha omu nju y'abari omu kyosi, nobu kwakuba okucura nabo nari okuganya nabo; ahabw'okuba aba bantu mbaihireho obusingye, tinkibainiire rukundo yangye etahararuka, nari okubagirira embabazi; Nyakubaho nikwo arikugamba. |
|
| 6 |
|
| Abakuru n'abato boona baryagwa omuri egi nsi. Tibariziikwa, kandi tiharibaho oribacurira, nari oryekambura, nainga orimwa enkomborora. |
|
| 7 |
|
| Tihariho oribegyera ori omu kyosi omugaati kumuyaagira; nobu kwakuba omuntu weena kuha ofeereirwe ishe nari nyina ekyokunywa kumugwisiriza. |
|
| 8 |
|
| Otaritaaha omu nju y'abaine obugyenyi okashutama, okarya nabo kandi okanywa nabo. |
|
| 9 |
|
| Ahabw'okuba Nyowe Mukama ow'amahe, Ruhanga wa Isiraeli ningira nti: Ndyahunamya omu mwanya ogu amaraka g'abarikushemererwa n'ag'abarikwesiima, aga baakishwera n'aga baakishwerwa, mukiriho nimureeba. |
|
| 10 |
|
| Reero aba bantu ku oribagambira ebyo byona, baakubuuza bati: Ahabw'enki Nyakubaho arangiriire ngu ebihikiirizi ebyo byona biryatuhikaho? Tucumwire ki? Ni kibi ki eki tukozire, kugwisa kubi Mukama Ruhanga waitu. |
|
| 11 |
|
| Obagire oti: Nyakubaho naagira ati: Baashwenkuriimwe bakaanyimuura, baakuratira baaruhanga abandi, baabaheereza, baabaramya, bantsigaho kandi tibaakuratira mateeka gangye. |
|
| 12 |
|
| Kandi naimwe mukirize baashwenkuriimwe okukora kubi. Reeba, buri omwe omuriimwe naakuratira ebi omutima gwe omubi kandi ogugangaire gurikwenda; ayanga kumpurira. |
|
| 13 |
|
| Nikyo ndibabingira, nkabaiha omuri egi nsi, nkabata omu nsi ei imwe na baashwenkuriimwe mutakamanyaga. Okwo niyo muriheerereza baaruhanga abandi nyomushana na nyekiro, ahabw'okuba tindibagirira saasi. |
|
| 14 |
|
| Nyakubaho naagira ati: Obunaku buryahika obu hataribaho orikugira ati: Nindahira Nyakubaho owaihire Abaisiraeli omu nsi ya Misiri; |
|
| 15 |
|
| kureka okugira ati: Nindahira Nyakubaho owaihire Abaisiraeli omu nsi y'omu bukiizi-bwa-bumosho n'omu nsi zoona ezi yaabataataaniiremu, ahabw'okuba ndyabagarura omu nsi yaabo, ei naahaire baishebo. |
|
| 16 |
|
| Kandi Nyakubaho naagira ati: Reeba, niinyija kutuma aha bajubi bangi baije babajube. Na bwanyima ntume aha bahiigi baingi, baije babahiigye ahari buri rushozi, n'ahari buri kibungo, babafurumure omu nyanga z'omu nkiri. |
|
| 17 |
|
| Manya amaisho gangye ngataire aha mitwarize yaabo, teenyesherekire; n'ebibi byabo timbuzire kubireeba. |
|
| 18 |
|
| Ndyabahoora kabiri ahabw'ebibi byabo n'ebicumuro byabo, ahabw'okuba bakahagazisa ensi yangye emitumbi y'ebishushani byabo ebirikunugwa, obutaka bwangye baabwijuzamu ebihagaro. |
|
| 19 |
|
| Ai Nyakubaho, maani gangye, kandi ekigo kyangye ekigumire, buhungiro bwangye omu bunaku bw'akabi, amahanga garyaruga aha mperu z'ensi gakwetuurire nigagira gati: Ebi baatatenkuriitwe baahungwire n'ebishuba bisha, ebitaine muhoho na mugasho. |
|
| 20 |
|
| Mbwenu omuntu akaayekorera baaruhanga? Baaruhanga nk'abo ti baaruhanga. |
|
| 21 |
|
| N'ahabw'ekyo reeba, ndyabamanyisa. Aha murundi ogu ndyabamanyisa obushoboorozi bwangye n'amaani gangye, bamanye ku eiziina ryangye mba Nyakubaho. |
|
|
|
|