Mas lub laujkaub av uas nws tabtom puab ntawd txawm piam rau hauv tus Kws puab laujkaub txhais tes, nws txawm muab puab dua ib lub raws li nws pom zoo ua.
“Cov Yixayee 'e, kuv yuav ua rau nej ib yam li tus Kws laujkaub no ua tsis tau lov?” Yawmsaub hais li no ntag. “Cov Yixayee 'e, saib maj, nej nyob hauv kuv txhais tes yam nkaus li cov av nplaum nyob hauv tus Kws puab laujkaub txhais tes.
Vim li no, koj cia li hais rau cov Yuda thiab cov uas nyob hauv Yeluxalees tias, Yawmsaub hais li no tias, ‘Saib maj, kuv tabtom npaj xwm txheej phem rau nej thiab ntaus ib txoj tswvyim tawm tsam nej. Nej txhua tus cia li tig ntawm nej txojkev phem rov los, cia li kho dua nej lub neej thiab tej uas nej ua huvsi.’
Vim li ntawd Yawmsaub hais li no tias, “Cia li mus nug thoob plaws ib tsoom tebchaws saib leejtwg txeev tau hnov tej yam li no. Yixayee uas yog tus nkauj dawb huv tau ua yam uas txaus ntxub kawg.
ua rau lawv lub tebchaws ua chaw ceeb thiab ntshai, ua lub chaw rau luag thuam mus ib txhis. Txhua tus uas hla mus yuav ceeb thiab ntshai thiab co hau nto.
Vim li no thov koj muab lawv tej menyuam cob rau kev tshaib nqhis, thiab muab lawv cob rau hniav ntaj hniav riam lub hwjchim. Thov cia lawv tej pojniam tsis muaj menyuam thiab ua poj ntsuam. Thov cia cov txivneej raug mob kis tuag tag, cia cov tub hluas raug hniav ntaj tuag tag rau hauv tshav rog.