“यिर्मयाह, जा अउर यरूसलेम क लोगन क सँदेसा द्या। ओनसे कहा: “‘जउने समय तू नवा रास्ट्र रह्या, तू मोर बिस्सास क जोग्ग रह्या। तू मोर अनुसरण नई दुलहिन जइसा किहा। तू मोर अनुसरण रेगिस्तान मँ स होइके किहा, उ प्रदेस मँ अनुसरण किहा जेका कबहुँ खेती क भूमि न बनावा गवा रहा।
तोहार पुरखन इ नाहीं कहेन, ‘यहोवा हमका मिस्र स निकारेस। यहोवा मरूभूमि मँ हमार अगुअइँ किहेस। यहोवा हमका झुरान चट्टानी प्रदेस स लइके आवा, यहोवा हमका अँधियारा स पूर अउर भय से भरे देसन मँ राह देखाएस। कउनो भी लोग हुआँ नाहीं रहतेन। कउनो भी लोग उ देस स जात्रा नाहीं करतेन। मुला यहोवा उ प्रदेस मँ हमार अगुवाई किहेस। एह बरे उ यहोवा अब कहाँ अहइ?’”
“याजक लोग नाहीं पूछेन, ‘यहोवा कहाँ अहइ?’ उ लोग जउन व्यवस्था क सिच्छा देत ह उहइ मोका नाहीं जानत ह। इस्राएल क लोगन क प्रमुख मोरे खिलाफ चला गएन। नबी लोग लबार बाल देवता क नाउँ भविस्सवाणी किहन। उ पचे निरर्थक देव मूरतियन क पूजा किहन।”
का कउनो रास्ट्र क लोग कबहुँ आपन पुरान देवतन क नवा देवतन स बदेलन ह? नाहीं। नि:संदेह ओनकर देवतन असल मँ देवतन अहइँ ही नाहीं। मुला मोर लोग आपन यसस्वी परमेस्सर क निरर्थक देव मूरतियन स बदलेन ह।
एकरे बारे मँ सोचा: का तू मिस्र जाइ समइ मँ सहायता पाएहस? का तू पानी पिअइ बरे नील नदी गएहस? नाहीं। क तू अस्सूर जाइ समइ मँ सहायता पाएस? का तू परात नदी क जल पिअइ बरे गएस? नाहीं।
“तू बहोत पहिले आपन जुआ लोकाइ दिहे रह्या। तू उ रस्सियन तोड़ पेंक्या जेका मइँ तू पचन्क अपने लगे धरइ मँ काम मँ लिआवत रह्या। तू मोहसे कह्या, ‘मइँ आप क सेवा नाहीं करब।’ तू रंडी क नाई हर एक ऊँची पहाड़ी पइ अउर हर एक हरियर बृच्छ क नीचे झुटे देवतन क उपासना कइ के तू बेवफाइ किहा।
उ पचे लोग काठे क टूकन स बात करत हीं, उ पचे कहत हीं, ‘तू मोर पिता अहा।’ उ सबइ लोग चट्टान स बात करत हीं, उ पचे कहत हीं, ‘तू मोका जन्म दिहा ह।’ उ पचे सबहिं लोग लजाइ जइहीं। उ पचे लोग मोरी कइँती धियान नाहीं देतेन। उ पचे मोहसे पीठ फेरि लिहन ह। किन्तु जब ओन लोगन पइ बिपद आवत ह तब उ पचे मोहसे कहत हीं, ‘आवा अउर हमका बचावा।’
“मइँ तोहरे गदेलन क दण्ड दिहेउँ, मुला एकर कउनो नतीजा नाहीं निकरा। तू पचे तब लउटिके नाहीं आया जब दण्डित कीन्ह गया। तू पचे ओन नबियन क तरवार क घाट उतार्या जउन तोहरे पचन्क लगे आए रहेन। तू पचे खूखार सिंह क नाईँ रह्या अउर तू पचे नबियन क मार डाया।”
किन्तु तू पचे फुन भी कहत रहत अहा, ‘हम निरपराध अही। परमेस्सर मोहे पइ कोहान नाहीं अहइ।’ एह बरे मइँ तू पचन्क झूठ बोलइवाला अपराधी होइ क भी निर्णय देब। काहेकि तू कहत बाट्या, ‘मइँ कछू भी बुरा नाहीं किहेउँ ह।’
अइसा होइ कि तू पचे मिस्र भी तजब्या अउ तू पचन्क हाथ लज्जा स तोहार पचन्क आँखिन होइहीं। मुला तू पचन्क ओन देसन स कउनो कामयाबी नाहीं मिली। काहेकि यहोवा ओन देसन्क अस्वीकार कइ दिहस ह।