Ka la ka moswana ge a mo ntšha kgolegong, Jeremia a bolela nae a re: Morena ga a sa tlo go bitša ka la Pashuri; bjale leina la gago ke Tšhogothokotšohle.
Gobane Morena o re: Ge e le nna ke go beile wa go tšhoga le go tšhoša bohle ba ba go ratago; ka gobane ba tlo fela ka lerumo la manaba a bona wena o di bona ka mahlo a gago. Bajuda ka moka Ke tlo ba gafela diatleng tša kgoši ya Babele, e ba thope e ba iše kua Babele, e ba bolaye ka lerumo.
Mme mahumo ka moka a motse wo le menono ka moka ya wona, le matsaka ohle a wona, le thoto yohle ya magoši a Juda, Ke tlo di gafela diatleng tša manaba a bona; a tlo di thopa a di iša kua Babele.
Mme wena Pashuri, le bohle ba lapeng la gago, le tlo ya bothopša. O tlo fihla kua Babele, wa tlo hwela gona, wa bolokwa gona, wena le bohle ba ba go ratago, ba o ba porofetelago ka maaka.
Ge nka re ke mo lebale, ke lese go bola leina la gagwe, ke kwa mo pelong go mphiša boka mollo o tukago, o ntsene mašapong. Ka ipolaiša kgotlelelo ka palelwa.
Ka kwa ge ba ntsota ba re: Tšhogothokotšohle mmege, le rena re tle re mmege; ka moka e le baagišani ba ka, mme ba nthea ba re: Mohlomongwe a ka šaetša, ra mo swara ra itefeletša.
Morena o na le nna. Yena mogale yo maatla. Ke tšona di tlogo uša bantlhoi; ba ka se kgone selo; ba tlo lewa ke dihlong tše kgolo ba paletšwe; e tlo ba dihlong tše kgolo ba paletšwe; e tlo ba dihlong tša neng le neng di sa lebalwego.