mangat jijak peugah ubak Zedekia bahwa Tuhan, Po teu Allah Israel, geupeugah lagée nyoe, “Zedekia, Ulôn ku peutaloe pasokan gata nyang teungoh meu heungko jilawan raja Babel dan pasokan jihnyan. Sinjata-sinjata tantra gata Lôn tumpok di teungoh-teungoh banda.
Gata dan banmandum peugawée gata dan ureuëng-ureuëng nyang teuhinda di mideuen prang, deuek dan wabah peunyakét, banmandum Lôn peubiyeu jidrob lé Raja Nebukadnezar dan lé musoh-musoh nyang keuneuk drob gata. Nebukadnezar jipeu maté gata banmandum deungon hana amphon dan hana gaséh sayang. Ulôn, Tuhan, ka Lôn peugah haba.”
Tieb-tieb ureuëng nyang na tinggai lam banda ureuëng nyan teuma maté lé sabab prang, deuek atawa sabab wabah peunyakét. Teuma awaknyan nyang jiteubiet keujijak seurah droe ubak ureuëng Babel nyang teungoh jiprang banda nyoe, teuhinda dan hana teupoh maté.
Ulôn ka Lôn peuputôh keuteupeuhanco banda nyoe, dan hana Lôn wéueh. Banda nyoe teuseurah ubak raja Babel; raja nyan nyang tot banda nyoe sampoe habéh hana tinggai meusapeue pih. Ulôn, Tuhan, ka Lôn peugah haba.”