×

أَتَّوْرَتْ دَ أَنَّبَاوَا 2020

Irmiya 23

1
إِنْجِ يَهْوٜىٰهْ «كَيْتُوانْكُ، كُو مَكِيَايَنْ جَمَعَتَ وَطَنْدَ كُكَ هَلَّكَرْ كُكَ كُمَ وَرْوَاڟَرْ دَ تُمَكِينَ نَكِيوُاْ!
2
سَبُواْدَ حَكَ، غَ أَبِنْدَ نِے يَهْوٜىٰهْ اللَّهْ نَ إِسْرَٰٓءِيلَ نَا ڢَطَا غَمٜىٰدَ مَكِيَايَنْ دَسُكٜىٰ دَ حَكِّنْ كُلَ دَ جَمَعَتَ؞ كُنْ وَرْوَاڟَرْدَ تُمَكِينَ، كُكَ كُواْرٜىٰسُ، بَكُ كُلَ دَسُوبَ؞ غَاشِ، نِے ذَنْيِ دَكُو بِسَغَ مُغُنْتَارْ دَ كُكَ عَيْكَتَ؞ نِے يَهْوٜىٰهْ نَا ڢَطَا؞
3
«نِے دَكَيْنَ ذَنْ تَتَّارَ ضَغُواْوَرْ غَرْكٜىٰنَ دَغَ كُواْوَثٜىٰ ڧَسَرْدَ نَتُورَسُ؞ ذَنْ كُواْمَرْ دَسُو وُرِنْ كِيوُاْ، ذَاسُيِ تَحَيْڢُوَ سُڧَارُ سُواْسَيْ؞
4
ذَنْ نَطَ مُسُ مَكِيَايَ مَاسُ كِرْكِ وَطَنْدَ ذَاسُ كُلَ دَسُو؞ تُمَكِنْ بَذَاسُ ڧَارَ جِنْ ڟُواْرُواْ كُواْ سُڢِرْغِتَبَ، بَكُوَ ذَاعَ رَسَ وَنِ عَثِكِنْسُبَ؞ نِے يَهْوٜىٰهْ نَا ڢَطَا؞
5
«إِنْجِنِ يَهْوٜىٰهْ ، غَاشِ، ݣُونَكِے سُنَ ذُوَا سَعَدَّ ذَنْتَادَ رٜىٰشٜىٰ مَيْ أَدَلْثِے، سَرْكِے دَغَ ذُرِيَرْ دَاوُدَ، سَرْكِنْ دَ ذَيْ يِمُلْكِ ثِكِنْ حِكِمَ، سَرْكِنْ دَ ذَيْ عَيْكَتَ غَسْكِيَ دَ أَدَلْثِے عَڧَسَرْ؞
6
عَݣُونَكِنْسَ ذَاعَ ثٜىٰثِ يَهُودَ، إِسْرَٰٓءِيلَ كُمَ ذَاتَ ذَوْنَ لَاڢِيَ؞ غَا سُونَنْ دَ ذَاعَ كِرَشِ، يَهْوٜىٰهْ أَدَلْثِنْمُ؞
7
«سَبُواْدَ حَكَ، نِے يَهْوٜىٰهْ نَثٜىٰ، غَاشِ ݣُونَكِے سُنَ ذُوَا عِنْدَ بَذَاعَ ڧَارَ ثٜىٰوَ ‹نَا ضَنْڟٜىٰ دَ سُونَنْ يَهْوٜىٰهْ مَيْ رَيْ وَنْدَ يَڢِتَرْدَ جَمَعَرْ إِسْرَٰٓءِيلَ دَغَ ثِكِنْ ڧَسَرْ مَصَرْ› بَ؞
8
أَ مَيْمَكُوانْ حَكَ ذَاعَ ثٜىٰ، ‹نَا ضَنْڟٜىٰ دَ سُونَنْ يَهْوٜىٰهْ مَيْ رَيْ وَنْدَ يَڢِتَرْدَ ذُرِيَرْ غِدَنْ إِسْرَٰٓءِيلَ دَغَ ڧَسَرْ أَرٜىٰوَ دَغَ ڧَسَاشٜىٰنْدَ يَوَرْوَاڟَرْ دَسُو؞› سَعَنً ذَاسُ سَاكٜىٰ ذَمَ عَڧَسَرْسُ؞»
9
ذُوثِيَاتَ تَا ٻَثٜىٰ سَبُواْدَ أَنَّبَاوَا، دُكَنْ ڧَسُسُوَنَ سُنَ ضَوَ أَجِكِينَ، نَذَمَ كَمَرْ وَنْدَ يَبُغُ، كَمَرْ وَنْدَ ضُوً إِنَبِے يَشَا كَنْسَ سَبُواْدَ يَهْوٜىٰهْ دَ كُمَ مَغَنَرْسَ مَيْ ڟَرْكِے؞
10
غَمَا ڧَسَرْ تَثِكَ دَ مَاسُ يِنْ ظِنَ، سَبُواْدَ لَعَنَ ڧَسَرْ تَنَ مَكُواْكِ، حَرْ ثِيَوَرْ كِيوُاْ تَثِكِنْ دَاجِ سُنْ بُوشٜىٰ؞ مَنُڢَرْ مَكِيَايَ مُغُنْتَا ثٜىٰ، بَسُيِ أَمْڢَانِ دَ إِيكُوانْسُ أَ حَنْيَرْ غَسْكِيَابَ؞
11
«أَنَّبِے دَ ڢِرِسْتِ، دُكَنْسُ مَرَسَ حَلِنْ اللَّهْ نٜىٰ، حَرْ مَا عَثِكِنْ غِدَانَ نَتَرَرْ دَ مُغُنْتَارْسُ؞ نِے يَهْوٜىٰهْ نَا ڢَطَا؞
12
سَبُواْدَ حَكَ، حَنْيَرْسُ ذَاتَ ذَمَ مُسُ حَنْيَرْ سَنْڟِ ثِكِنْ دُهُ، عِنْدَ ذَاعَ تُورَسُ سُڢَاطِ؞ غَمَا ذَنْسَا مَسِيڢَ تَڢَاطُواْ مُسُ أَ شٜىٰكَرَرْ دَ ذَاسُ شَا حُكُنْثِنْسُ؞ نِے يَهْوٜىٰهْ نَا ڢَطَا؞
13
«عَثِكِنْ أَنَّبَاوَنْ سَمَرِيَ، نَغَ أَبِنْ بَنْ ڨَمَ؞ سُنْيِ أَنَّبْثِ دَ سُونَنْ بَعَلْ، سُكَسَا جَمَعَتَ إِسْرَٰٓءِيلَ سُكَوْثٜىٰ دَغَ حَنْيَ؞
14
عَثِكِنْ أَنَّبَاوَنْ عُرُوشَلِيمَ، نَغَ وَنِ أَبُ مَڢِے بَنْ ڨَمَ؞ سُنَيِنْ ظِنَ سُنَ تَڢِيَ ثِكِنْ ڧَضْيَا، سُنَ ڧَرْڢَڢَ حَنُّنْ مَاسُ عَيْكَتَ مُغُنْتَا، حَرْ بَاوَنْدَ يَجُويَ دَغَ حَلِنْ مُغُنْتَارْسَ؞ دُكَنْسُ سُنْ ذَمَ كَمَرْ سُواْدُوامْ أَغَرٜىٰنِ، مَذَوْنَنْ بِرْنِنْسُ كُوَ كَمَرْ غُواْمُواْرَ؞»
15
سَبُواْدَ حَكَ إِنْجِ يَهْوٜىٰهْ مَيْ ضُنْدُنَا غَمٜىٰدَ أَنَّبَاوَنَّنْ، «غَاشِ، عَبِنْثِ مَيْ طَاثِ ذَنْسَا سُثِ، ضُوَ مَيْ دَڢِ كُمَ سُشَا؞ غَمَا دَغَ أَنَّبَاوَنْ عُرُوشَلِيمَ نٜىٰ رَشِنْ ڟُواْرُوانْ اللَّهْ يَبَظُو كُواْعِنَ عَڧَسَرْ؞»
16
إِنْجِ يَهْوٜىٰهْ مَيْ ضُنْدُنَا ، «كَدَ كُكَسَ كُنّٜىٰ غَ مَغَنَرْ أَنَّبَاوَنَّنْ، سُنَ رُوطِنْكُ كُنَسَا ذُوثِيَا عَبَنْظَ؞ سُنَ ڢَطِنْ رُعُيُواْيِنْ رَعَيِنْسُ، بَمَغَنَ دَغَ بَاكِنْ يَهْوٜىٰهْ بَ؞
17
أَنَّبَاوَنَّنْ سُنَ تَڢَطَا وَمَاسُ رٜىٰنَ مَغَنَرْ يَهْوٜىٰهْ ، ‹أَيْ، ذَاكُ ذَوْنَ لَاڢِيَ!› سُنَ تَڢَطَا وَمَاسُ تَڢِيَ ثِكِنْ تَوْرِنْ ذُوثِيَارْسُ، ‹بَابُ مَسِيڢَرْ دَ ذَاتَ ذُواْ مُكُ!›
18
غَمَا وَنٜىٰنٜىٰ عَثِكِنْ أَنَّبَاوَنَّنْ يَتَٻَ ڟَيَاوَا ثِكِنْ تَارُوانْ حَلِتُّو نَسَمَ أَغَبَنْ يَهْوٜىٰهْ دُواْمِنْ يَغَانٜىٰ كُواْ يَجِ مَغَنَرْسَ؟ وَنٜىٰنٜىٰ عَثِكِنْسُ يَكَسَ كُنّٜىٰ غَ مَغَنَرْسَ، دُواْمِنْ يَيِ بِيَيَّ دَ عِتَ؟
19
غَاشِ، هَدَرِنْ ڢُشِنْ يَهْوٜىٰهْ يَٻَرْكٜىٰ يَڢِتُواْ، كَمَرْ إِسْكَرْ غُوغُوَ مَيْ هَلَّكَرْوَ ذَيْ ڢَاطُواْ عَكَنْ مُوغَيٜىٰ؞
20
ڢُشِنْ يَهْوٜىٰهْ بَذَيْ جُويَابَ سَيْ يَعَيْكَتَ يَثِكَ نُڢِنْ ذُوثِيَارْسَ؞ عَكْوَانَكِے مَاسُ ذُوَا، ذَاكُ غَانٜىٰ وَنَّنْ سُواْسَيْ؞
21
بَنْ عَيْكِ أَنَّبَاوَنَّنْ بَ، عَمَّا دُكْدَهَكَ سُكَ غُدُ دَ سَڧُوانْسُ؞ بَنْيِ مَغَنَ دَسُو بَ، عَمَّا دُكْدَهَكَ سُنَ أَنَّبْثِ؞
22
عَمَّا دَاعَثٜىٰ سُنْ ڟَيَ عَتَارُوانْ حَلِتُّو نَسَمَ أَغَبَنَ، دَ سُنْيِ شٜىٰلَرْ مَغَنَاتَ وَجَمَعَتَ، دَ سُنْسَا مُتَنٜىٰنَ سُجُويَا سُبَرْ بِنْ حَنْيَرْسُ تَمُغُنْتَا دَ كُمَ مُوغَيٜىٰنْ أَيُّكَنْسُ؞
23
إِنْجِنِ يَهْوٜىٰهْ ، نِے اللَّهْ نٜىٰ وَنْدَ يَكٜىٰ كُرْكُسَ، نِے اللَّهْ نٜىٰ كُمَ وَنْدَ يَكٜىٰ نٜىٰسَ؞
24
بَاوَنْدَ ذَيْ ٻُواْيٜىٰ عِنْدَ بَذَنْ غَنْ شِبَ؞ نِے يَهْوٜىٰهْ نَا ڢَطَا؞ أَيْ، نَا ثِكَ سَمَّيْ دَ ڧَسَا دُكَ! نِے يَهْوٜىٰهْ نَا ڢَطَا؞
25
«نَجِ أَبِنْدَ أَنَّبَاوَا سُكَ ڢَطَا، وَطَنْدَ سُكٜىٰ أَنَّبْثِنْ ڧَضْيَا دَ سُونَنَ، سُنَ ثٜىٰوَ ‹نَيِ مَڢَرْكِ، نَيِ مَڢَرْكِ!›
26
حَرْ يَوْشٜىٰ ڧَضْيَا ذَاتَ ڢِتَ دَغَ ذُوثِيَارْ أَنَّبَاوَنَّنْ مَاسُ ڧَضْيَا؟ حَرْ يَوْشٜىٰ أَنَّبَاوَنَّنْ ذَاسُيِتَيِ أَنَّبْثِنْ رُوطُنْ دَيَكٜىٰ أَ ذُوثِيَارْسُ؟
27
تَوُرِنْ مَڢَرْكَنْ دَسُكٜىٰ ڢَطَا وَجُونَنْسُ، أَنَّبَاوَنْ سُنَ ظَتُواْ ذَاسُسَا جَمَعَتَ سُمَنْتَادَ سُونَنَ، كَمَرْ يَدَّ كَاكَنِّنْسُ سُكَ مَنْتَادَ سُونَنَ سُنْبِے بَعَلْ؞
28
«بَرِ أَنَّبِے مَيْ مَڢَرْكِ، يَڢَطَا أَ ڢِيلِ ثٜىٰوَ مَڢَرْكِنْسَ نٜىٰ؞ عَمَّا بَرِ مَيْ مَغَنَاتَ يَڢَطَا مَغَنَاتَ ثِكِنْ غَسْكِيَ؞ غَمَا، مٜىٰيَهَطَ ثِيَوَ دَ أَلْكَمَ؟ نِے يَهْوٜىٰهْ نَا ڢَطَا؞
29
أَشٜىٰ، مَغَنَاتَ بَكَمَرْ وُتَا بَثٜىٰ؟ بَ تَنَ كَمَرْ غُدُمَ مَيْ ڢَرْڢَشٜىٰ دُووَڟُبَ؟ نِے يَهْوٜىٰهْ نَا ڢَطَا؞»
30
إِنْجِ يَهْوٜىٰهْ «سَبُواْدَ حَكَ، غَاشِ، إِنَ غَابَادَ أَنَّبَاوَنْ دَ سُكَ سَاتَا مَغَنَ دَغَ جُونَنْسُ سُنَ كُمَ شٜىٰلَرْتَ كَمَرْ تَذُواْ دَغَ غَرٜىٰنِنٜىٰ؞
31
عِ، إِنَ غَابَادَ أَنَّبَاوَا مَاسُ بُوطٜىٰ بَاكِ سُڢَطِ رَعَيِنْ كَنْسُ سُثٜىٰ، ‹إِنْجِ يَهْوٜىٰهْ ؞›
32
غَاشِ، إِنَ كُمَ غَابَادَ مَاسُ يِنْ أَنَّبْثِنْ مَڢَرْكَنْ ڧَضْيَا؞ سُنَ ڢَطِنْ مَڢَرْكَنْ سُنَ سَا جَمَعَتَ سُكَوْثٜىٰ دَغَ حَنْيَرْ غَسْكِيَ تَدَلِيلِنْ ڧَضْيَارْسُ دَ تَاڧَمَرْسُ تَبَنْظَ؞ نِے بَنْعَيْكٜىٰسُبَ، بَنْ كُوَ عُمَرْثٜىٰسُبَ، بَذَاسُ كُوَ ذَمَ دَ أَمْڢَانِ غَ وَطَنَّنْ مُتَنٜىٰ كُواْ كَطَنْبَ؞ نِے يَهْوٜىٰهْ نَا ڢَطَا؞»
33
«كَيْ إِرْمِيَ، عِدَنْ وَنِ دَغَ ثِكِنْ جَمَعَرْ نَنْ، كُواْ أَنَّبِے، كُواْ ڢِرِسْتِ يَتَمْبَيٜىٰكَ يَثٜىٰ، ‹إِرْمِيَ، مٜىٰنٜىٰنٜىٰ نَوْيِنْ سَڧُوانْ يَهْوٜىٰهْ ؟› ذَاكَ أَمْسَ مَسَ كَثٜىٰ، ‹كُو نٜىٰ نَوْيِنْ سَڧُوانْ؞ نِے يَهْوٜىٰهْ ذَنْ رَبُ دَكُو؞ نِے يَهْوٜىٰهْ نَا ڢَطَا؞›
34
عَمَّا عِدَنْ أَنَّبِے، كُواْ ڢِرِسْتِ، كُواْ وَنِ يَثٜىٰ، ‹غَا نَوْيِنْ سَڧُواْ دَغَ يَهْوٜىٰهْ ›، ذَنْ حُكُنْتَشِ دُكْ دَ عِيَلِنْسَ؞
35
عَمَّا غَا يَدَّ كُواْوَنّٜىٰنْكُ ذَيْثٜىٰ وَطَنْعُوَنْسَ دَ مَڨُوبْثِنْسَ، ‹وَثٜىٰ أَمْسَ يَهْوٜىٰهْ يَبَايَرْ؟› كُواْ كُثٜىٰ، ‹مٜىٰنٜىٰنٜىٰ يَهْوٜىٰهْ يَڢَطَا؟›
36
عَمَّا بَذَاكُ ڧَارَ ثٜىٰوَ ‹غَا نَوْيِنْ سَڧُوانْ يَهْوٜىٰهْ بَ›، غَمَا سَڧُوانْ كُواْوَنٜىٰ مُتُمْ ذَيْ ذَمَ نَوْيِ عَكَنْسَ؞ غَاشِ، كُنَ ٻَاتَ مَغَنَرْ اللَّهْ مَيْ رَيْ، يَهْوٜىٰهْ مَيْ ضُنْدُنَا ، اللَّهْ نْمُ؞
37
غَا يَدَّ ذَاكُيِ مَغَنَ دَ أَنَّبِے؞ كُثٜىٰ مَسَ، ‹وَثٜىٰ أَمْسَ يَهْوٜىٰهْ يَبَايَرْ؟› كُواْ كُوَ ‹مٜىٰنٜىٰنٜىٰ يَهْوٜىٰهْ يَڢَطَا؟›
38
عَمَّا كَدَ كُثٜىٰ، ‹غَا نَوْيِنْ سَڧُوانْ يَهْوٜىٰهْ ؞› عِدَنْ كُكَيِ أَمْڢَانِ دَ وَطَنَّنْ كَلْمُواْمِ، تُواْ، غَا أَبِنْدَ نِے يَهْوٜىٰهْ نَثٜىٰ، ‹تُنْدَيَكٜىٰ كُنْثٜىٰ «غَ نَوْيِنْ سَڧُوانْ يَهْوٜىٰهْ ،» كُمَ نَعُمَرْثٜىٰكُ كَدَ كُيِ أَمْڢَانِ دَ وَطَنَّنْ كَلْمُواْمِ،
39
حَڧِيڧَ ذَنْ طَغَكُ إِنْ جٜىٰڢَرْ دَكُو دَغَ غَبَنَ دَ كُو دَ بِرْنِنْدَ نَبَاكُ، كُو دَ كَاكَنِّنْكُ؞
40
ذَنْسَا كُذَمَ أَبِنْ ڧَسْڧَنْثِ دَ أَبِنْ كُنْيَا حَرْ أَبَدَا؞ بَذَاعَ كُوَ مَنْتَادَ وَنَّنْبَ؞› »
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula