|
| 1 |
|
| سَرْكِے نٜىٰبُكَدْنٜىٰزَّرْ نَ بَابِيلَ يَكَامَ سَرْكِے يٜىٰكُواْنِيَ طَنْ يٜىٰهُواْيَكِمْ نَ يَهُودَ، تَرٜىٰدَ دَتَّاوَنْسَ دَ دُكَنْ مَاسُ سَنَعَرْ حَنُّ دَ مَاسُ عَيْكِنْ ڧَرْڢٜىٰ نَ يَهُودَ؞ يَݣُوشٜىٰسُ دُكَ دَغَ عُرُوشَلِيمَ يَكَيْسُ بَوْتَا عَ بَابِيلَ؞ بَايَنْ وَنَّنْ يَهْوٜىٰهْ يَا نُونَ مِنِ رُعُيَ نَݣُونْدُواْ بِيُ نَٻَوْرٜىٰ وَطَنْدَ عَكَ أَجِيٜىٰ أَغَبَنْ يَهْوٜىٰهْ أَ هَيْكَلِ؞ |
|
| 2 |
|
| عَثِكِنْ ݣُونْدُواْ طَيَ أَݣَويْ ٻَوْرٜىٰ مَاسُ ݣَوْ، كَمَرْ نَنُونً ڢَارِ؞ عَثِكِنْ طَيَنْ كُوَ مَرَسَ ݣَوْنٜىٰ، وَطَنْدَ بَعَ عِيَ ثِنْسُ سَبُواْدَ رَشِنْ ݣَنْسُ؞ |
|
| 3 |
|
| سَيْ يَهْوٜىٰهْ يَثٜىٰ مِنِ «مٜىٰ كَغَنِ إِرْمِيَ؟» نَا أَمْسَ نَثٜىٰ «نَا غَ یَیَنْ ٻَوْرٜىٰ؞ مَاسُ ݣَوْ سُنَدَ ݣَوْ سُواْسَيْ، عَمَّا مَرَسَ ݣَوْ طِنْ سُنْ ضُٻَ يَدَّ بَعَ عِيَ ثِنْسُ سَبُواْدَ رَشِنْ ݣَنْسُ؞» |
|
| 4 |
|
| غَا أَبِنْدَ يَهْوٜىٰهْ يَثٜىٰ مِنِ، |
|
| 5 |
|
| «إِنْجِنِ يَهْوٜىٰهْ اللَّهْ نَ إِسْرَٰٓءِيلَ، كَمَرْ يَدَّ وَطَنَّنْ ٻَوْرٜىٰ مَاسُ ݣَوْ سُكٜىٰ، حَكَ ذَنْ كٜىٰٻٜىٰ مُتَنٜىٰنْ يَهُودَ وَطَنْدَ نَكُواْرٜىٰسُ دَغَ وَنَّنْ وُرِے نَكَيْسُ بَوْتَا عَڧَسَرْ كَلْدِيَاوَا دُواْمِنْ أَبُ مَيْݣَوْ؞ |
|
| 6 |
|
| ذَنْ دُوبٜىٰسُ دَ ڢُسْكَرْ أَلْحٜىٰرِ، إِنْ سَاكٜىٰ كُواْمَرْ دَسُو عَڧَسَرْ يَهُودَ؞ ذَنْ غِنَسُ، بَذَنْ رُشٜىٰسُبَ؞ ذَنْ دَسَسُ، بَذَنْ تُمْٻُكٜىٰسُبَ؞ |
|
| 7 |
|
| ذَنْبَاسُ ذُوثِيَارْدَ ذَاتَ سَنْ نِے، سُسَنِ نِنٜىٰ يَهْوٜىٰهْ ؞ ذَاسُ كُوَ ذَمَ جَمَعَتَ، نِے كُوَ ذَنْ ذَمَ اللَّهْ نْسُ، غَمَا ذَاسُ كُواْمُواْ وُرِينَ دَ ذُوثِيَا طَيَ؞ |
|
| 8 |
|
| «عَمَّا كَمَرْ يَدَّ ٻَوْرٜىٰ مَرَسَ ݣَوْ سُنْ ضُٻَ يَدَّ بَعَ عِيَ ثِنْسُ سَبُواْدَ رَشِنْ ݣَنْسُ، حَكَ ذَنْ مَيْدَ سَرْكِے صَدِڧِيَ نَ يَهُودَ دَ دَتَّاوَنْسَ دَ ضَغُواْوَرْ مُتَنٜىٰنْ عُرُوشَلِيمَ وَطَنْدَ سُكَ ضَغٜىٰ عَڧَسَرْ نَنْ دَ كُمَ وَطَنْدَ سُكَ تَڢِے ڧَسَرْ مَصَرْ؞ نِے يَهْوٜىٰهْ نَا ڢَطَا؞ |
|
| 9 |
|
| ذَنْ مَيْدَسُو أَبِنْ ڟُواْرُواْ دَ أَبِنْ ڨَمَ غَ دُكَنْ مُلْكُواْكِنْ دُونِيَا؞ ذَاسُ ذَمَ أَبِنْ ڧَسْڧَنْثِ دَ أَبِنْ مِصَالِ دَ أَبِنْ غُواْرِ دَ لَعَنَ أَدُكَنْ وُرَارٜىٰنْ دَ ذَنْ وَرْوَڟَاسُ؞ |
|
| 10 |
|
| ذَنْ عَيْكَ مُسُ دَ تَكُواْبِے دَ يُنْوَ دَ بَلَعِ حَرْ سَيْ أَنْهَلَكَاسُ كَكَڢْ دَغَ ثِكِنْ ڧَسَرْدَ نَبَاسُ، سُو دَ كَاكَنِّنْسُ؞» |
|
|
|
|