×

أَتَّوْرَتْ دَ أَنَّبَاوَا 2020

Irmiya 26

1
أَ ڢَرْكُوانْ مُلْكٍ سَرْكِے يٜىٰهُواْيَكِمْ طَنْ يُواْسِيَا نَ يَهُودَ، يَهْوٜىٰهْ يَا يِمَغَنَ دَنِے إِرْمِيَ يَثٜىٰ،
2
«إِنْجِنِ يَهْوٜىٰهْ ، كَڟَيَ أَ ڢِيلِنْ غِدَانَ، كَيِ مَغَنَ دَ مُتَنٜىٰنْ دَ سُكَذُواْ دَغَ دُكَنْ غَرُضُوً يَهُودَ، سُو دَ سُكَذُواْ غِدَنْ يَهْوٜىٰهْ دُواْمِنْ سُيِ سُجَّدَ؞ كَڢَطَا مُسُ دُكَنْ مَغَنَرْدَ نَعُمَرْثٜىٰكَ، كَدَ كَضَغٜىٰ كُواْ كَلْمَ طَيَ؞
3
وَتَڧِيلَ ذَاسُجِ، كُواْوَنّٜىٰنْسُ يَجُويَ دَغَ بِنْ مُوغُوَرْ حَنْيَرْسَ؞ عِدَنْ سُنْيِ حَكَ، تُواْ، ذَنْ ثَنْجَ نِيَّتَ إِنْجَنْيٜىٰ مَسِيڢَرْدَ نَشِرْيَ عَكَنْسُ سَبُواْدَ مُوغَيٜىٰنْ أَيُّكَنْسُ؞
4
كَثٜىٰمُسُ، ‹إِنْجِنِ يَهْوٜىٰهْ ، بَكُ سَوْرَرَتَبَ، بَكُيِ تَڢِيَ بِسَغَ كُواْيَرْوَاتَادَ نَشِمْڢِطَا أَغَبَنْكُبَ؞
5
نَعَيْكَ مُكُ بَايِنَ أَنَّبَاوَا عَكَيْ عَكَيْ، عَمَّا بَكُجِ مَغَنَرْ دَسُكٜىٰ ڢَطَا مُكُبَ؞
6
عِدَنْ بَكُ جُويَا كُيِ مِنِ بِيَيَّبَ، ذَنْ رُشٜىٰ غِدَنَّنْ، كَمَرْ يَدَّ نَرُشٜىٰ وُرِنْ سُجَّدَ أَ شِلُواْ؞ سَعَنً ذَنْ مَيْدَ سُونَنْ بِرْنِنَّنْ يَذَمَ أَبِنْ لَعَنَ ثِكِنْ دُكَنْ أَلْعُمَّنْ دُونِيَا؞› »
7
ڢِرِسْتُواْثِے دَ أَنَّبَاوَا دَ دُكَنْ مُتَنٜىٰ سُكَجِ إِرْمِيَ يَنَ ڢَطِنْ وَطَنَّنْ كَلْمُواْمِ أَ غِدَنْ يَهْوٜىٰهْ ؞
8
سَعَدَّ إِرْمِيَ يَغَمَ ڢَطِنْ دُكَنْ أَبِنْدَ يَهْوٜىٰهْ يَعُمَرْثٜىٰشِ يَڢَطَا، سَيْ ڢِرِسْتُواْثِے دَ أَنَّبَاوَا دَ دُكَنْ مُتَنٜىٰ سُكَ كَامَ شِ سُنَ ثٜىٰوَ «حَڧِيڧَ، ذَاكَ مُتُ!
9
دُوانْمٜىٰ كَيِ أَنَّبْثِ دَ سُونَنْ يَهْوٜىٰهْ ثٜىٰوَ ذَاعَ رُشٜىٰ وَنَّنْ غِدَا كَمَرْ يَدَّ عَكَيِ دَ شِلُواْ؟ دُوانْمٜىٰ كَثٜىٰ وَنَّنْ بِرْنِ ذَيْ ذَمَ كُڢَيْ بَابُ كُواْوَ عَثِكِنْسَ؟» سَيْ دُكَنْ مُتَنٜىٰنْ سُكَ تَارُ سُكَ كٜىٰوَيٜىٰ إِرْمِيَ عَثِكِنْ غِدَنْ يَهْوٜىٰهْ ؞
10
سَعَدَّ دَتَّاوَنْ يَهُودَ سُكَجِ وَطَنَّنْ أَبُبُوَ، سَيْ سُكَ ڢِتَ دَغَ غِدَنْ سَرْكِے سُكَ تَڢِے غِدَنْ يَهْوٜىٰهْ ، سُكَ ذَوْنَ كُواْوَ أَوُرِنْ ذَمَنْسَ، سُكَيِ تَارُواْ عَبَاكِنْ سَابُوَرْ ڧُواْڢَرْ غِدَنْ يَهْوٜىٰهْ ؞
11
سَيْ ڢِرِسْتُواْثِے دَ أَنَّبَاوَنَّنْ سُكَ ڢَطَا وَدَتَّاوَا دَ دُكَنْ جَمَعَ سُكَثٜىٰ «مُتُمِنَّنْ إِرْمِيَ يَثَنْثَنْثِ حُكُنْثِنْ مُتُوَ، غَمَا يَيِ أَنَّبْثِ نَغَابَادَ بِرْنِنَّنْ، يَدَّ كُكَجِ دَ كُنُّوَنْكُ؞»
12
سَيْ إِرْمِيَ يَيِ مَغَنَ دَ دَتَّاوَنْ دَ كُمَ دُكَنْ جَمَعَ يَثٜىٰ « يَهْوٜىٰهْ نٜىٰ يَعَيْكٜىٰنِ إِنْ ڢَطِ دُكَنْ وَنَّنْ أَنَّبْثِ غَابَادَ غِدَنَّنْ دَ بِرْنِنَّنْ، يَدَّ كُكَجِ؞
13
دُواْمِنْ حَكَ، سَيْ كُڠَرَ رَايُوَرْكُ دَ أَيُّكَنْكُ، كُيِ بِيَيَّ دَ مُرْيَرْ يَهْوٜىٰهْ اللَّهْ نْكُ، يَهْوٜىٰهْ كُوَ ذَيْ ثَنْجَ نِيَّرْسَ غَمٜىٰدَ مَسِيڢَرْدَ يَسَنَرْ ذَيْ يِمُكُ؞
14
عَمَّا نِے دَيْ غَاشِ، إِنَ أَ حَنُّنْكُ؞ سَيْ كُيِ مِنِ أَبِنْدَ يَيِ مُكُ ݣَوْ، يَكُمَيِ مُكُ دَيْدَيْ؞
15
عَمَّا كُسَنِ ڢَا، بَابُ شَكَّ عِدَنْ كُكَ كَشٜىٰنِ، ذَاكُ جَٰوُاْ وَكَنْكُ أَلْحَكِنْ جِنِنْ مَرَرْ لَيْڢِے دَ كُمَ عَكَنْ بِرْنِنَّنْ دَ مَذَوْنَنْسَ؞ غَمَا غَسْكِيَرْ عِتَثٜىٰ يَهْوٜىٰهْ يَا عَيْكٜىٰنِ وُرِنْكُ دُواْمِنْ إِنْ ڢَطِ دُكَنْ مَغَنَرْ نَنْ عَكُنّٜىٰنْكُ؞»
16
سَيْ دَتَّاوَنْ دَ دُكَنْ جَمَعَرْ سُكَثٜىٰ وَڢِرِسْتُواْثِنْ دَ أَنَّبَاوَنْ «وَنَّنْ مُتُمْ بَيْ ثَنْثَنْثِ حُكُنْثِنْ مُتُوَبَ، غَمَا يَيِ مَنَ مَغَنَ دَ سُونَنْ يَهْوٜىٰهْ اللَّهْ نْمُ؞»
17
سَعَنً وَطَنْسُ دَغَ ثِكِنْ دَتَّاوَنْ ڧَسَرْ، سُكَتَاشِ ڟَيٜىٰ سُكَيِ وَدُكَنْ تَارُوانْ جَمَعَرْ مَغَنَ سُكَثٜىٰ،
18
«أَنَّبِے مِيكَ دَغَ مُواْرٜىٰشٜىٰتْ يَيِ أَنَّبْثِنْسَ أَ لُواْكَثِنْ دَ سَرْكِے هٜىٰزٜىٰكِيَ يَكٜىٰ مُلْكِ أَ يَهُودَ؞ مِيكَ يَيِ وَدُكَنْ جَمَعَرْ يَهُودَ مَغَنَ ثٜىٰوَ « ‹إِنْجِنِ يَهْوٜىٰهْ مَيْ ضُنْدُنَا ، سِهِيُواْنَ ذَاعَ نُواْمٜىٰتَ كَمَرْ ڢِيلِنْ غُواْنَ، عُرُوشَلِيمَ ذَاتَ ذَمَ تُلِنْ بُواْلَ، تُدُنْ دَ عَكَ غِنَا غِدَنْ يَهْوٜىٰهْ عَكَنْسَ ذَيْ ذَمَ ڧَرَمِنْ وُرِنْ سُجَّدَ عَكُرْمِ؞› »
19
سَيْ سُكَ ثِيغَبَدَ مَغَنَ ثٜىٰوَ «تُواْ، سَرْكِے هٜىٰزٜىٰكِيَ نَ يَهُودَ دَ دُكَنْ جَمَعَرْ يَهُودَ سُنْ كَشٜىٰ أَنَّبِے مِيكَ نٜىٰ؟ كُواْ كَطَنْ! بَ هٜىٰزٜىٰكِيَ يَجِڟُواْرُوانْ يَهْوٜىٰهْ ، يَضُواْڧِ يَهْوٜىٰهْ يَثَنْجَ نِيَّرْسَ غَمٜىٰدَ مَسِيڢَرْدَ يَشِرْيَ ذَيْ كَٰوُاْ عَكَنْسُ بَ؟ يَنْذُ مُنَ غَبْ دَ جَٰوُاْ وَكَنْمُ بَبَّرْ مَسِيڢَ!»
20
أَݣَويْ كُوَ وَنِ مُتُمْ وَنْدَ يَيِ أَنَّبْثِ دَ سُونَنْ يَهْوٜىٰهْ ؞ سُونَنْ مُتُمِنَّنْ شِينٜىٰ عُرِيَ طَنْ شٜىٰمَيَ دَغَ كِرِيَتْ يٜىٰيَرِمْ؞ يَيِ أَنَّبْثِ نَغَابَادَ بِرْنِنَّنْ دَ ڧَسَرْ نَنْ دَ إِرِنْ كَلْمُواْمِنْ دَ سُكَيِ دَيْدَيْ دَ نَ إِرْمِيَ؞
21
دَ سَرْكِے يٜىٰهُواْيَكِمْ دَ دُكَنْ سُواْجُواْجِنْسَ دَ دُكَنْ دَتَّاوَنْسَ سُكَجِ كَلْمُواْمِنْ مُتُمِنَّنْ، سَيْ سَرْكِے يَنٜىٰمِ يَكَشٜىٰشِ؞ عَمَّا سَعَدَّ عُرِيَ يَجِ شِرِنْ سَرْكِے، سَيْ يَجِڟُواْرُواْ يَغُدُ ذُوَا مَصَرْ دُواْمِنْ يَكُٻُتَ؞
22
سَعَنً سَرْكِے يٜىٰهُواْيَكِمْ، يَعَيْكِ عٜىٰلْنَتَنْ طَنْ عَكْبُوارْ تَرٜىٰدَ وَطَنْسُ مُتَنٜىٰ ذُوَا مَصَرْ؞
23
سُكَ كَامَ عُرِيَ سُكَ كَٰوُاْ شِ وُرِنْ سَرْكِے يٜىٰهُواْيَكِمْ؞ سَرْكِے يَسَا عَكَ كَشٜىٰشِ دَ تَكُواْبِے، عَكَ كُمَ جٜىٰڢَرْ دَ غَاوَرْسَ أَوُرِنْ بِنّٜىٰ تَلَكَاوَا؞
24
عَمَّا سَبُواْدَ أَهِكَمْ طَنْ شَڢَنْ يَنَ غُواْيُوانْ بَايَنْ إِرْمِيَ، بَعَبَادَشِ أَ حَنُّنْ مُتَنٜىٰنْ دُواْمِنْ سُكَشٜىٰشِيبَ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula