“D'e wuzo ezi-ọgwa ụlọ-nsọ Osolobuẹ n'ị gwa ndị gha obodo ile rị alị Juda bịa ụlọ-nsọ m d'e fe ofufe oku. Gwachanrịn wẹ ihiẹn ile m sị ị gwa wẹ, ekuhọdụkwọlẹ kaka akpụ ohu!
Kị haịn i gi e gi ẹfan Osolobuẹ e bu amụma nị ụlọ-nsọnị jẹnkọ d'a rị kẹ Shilo lẹni obodoni jẹnkọ d'e mẹ mkpọkọ-mkpọkọ, gba okpokoro?” Ndị hụ ile nọ fihunmẹ Jerimaya imẹ ụlọ-nsọ Osolobuẹ ebẹhụ.
Ka marịnkwọ nị, nị ụnụ gbu m, ikpe a ma ụnụ lẹ obodoni lẹ ndị ile bi imẹ ẹ nị ụnụ gbu onyẹ nwọnlẹni ihiẹn o mẹ, makẹni, ezioku-ezioku, Osolobuẹ ịya zi m d'a gwa ụnụ ihiẹn ndịnị nị ụnụ nụ.”
Ya kẹ ịhaịmẹ lẹ ndị ile rị ebẹhụ nọ sị ndị nchụn-ẹjan lẹ ndị-amụma, “Okẹnnyẹni efuruni w'a ma ikpe-ọnwụn! Makẹni Osolobuẹ wụ Chuku ẹnyi ya zi ẹ ozini o zi ẹnyi.”
“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’
“Eze wụ Hezikaya lẹ ndị Juda ile e gbughọ a? Hezikaya atụnị egun Osolobuẹ? Ọ nọ rịọ Osolobuẹ n'o mẹ omikẹn wẹ, ẹlẹ ya? Osolobuẹ erohutọnị, latọ ihiẹn ọ sị o k'e mẹ wẹ? Ẹnyi nwẹn e d'e buhẹkwọnị enwẹn ẹnyi nsọngbu!”
Ogẹn eze wụ Jehoyakim lẹ ndị-agha a lẹ ịhaịmẹ ẹ gi nụ ihiẹn Yuria ku, eze n'ọ chọ n'o gbu ẹ. Kanị Yuria a nụ ihiẹn eze romẹ, o te nọ gi egun gbashi alị Ijiptu.