Kisha, upeleke ujumbe kwa mufalme wa Edomu, mufalme wa Moabu, mufalme wa Amoni, mufalme wa Tiro na mufalme wa Sidona. Uutume kwa mukono wa wajumbe waliokuja Yerusalema kwa kumwona Zedekia mufalme wa Yuda.
Mataifa yote yatamutumikia yeye, pamoja na mwana wake na mujukuu wake mpaka wakati inchi yake itakapoanguka. Kisha mataifa mengi na wafalme wengi wakubwa watamufanya kuwa mutumwa wao.
Lakini kama taifa lolote au utawala wowote hautajiweka chini ya mamlaka ya Nebukadneza mufalme wa Babeli, na kukataa kubeba katika shingo yao zile nira atakazowalazimisha kubeba, basi nitaliazibu taifa hilo kwa vita, njaa na magonjwa makali mpaka nitakapoliangamiza kabisa kwa njia yake. –Ni ujumbe wa Yawe.–
Lakini watu wa taifa lolote litakalobeba kwenye shingo nira mufalme wa Babeli atakayolazimisha kubeba na kumutumikia, nitawaacha wakae katika inchi yao, walime udongo na kuishi humo. –Ni ujumbe wa Yawe.
Yeremia akamwambia Zedekia mufalme wa Yuda, mambo hayohayo, akisema: Mukubali kubeba nira mufalme wa Babeli atakayowalazimisha kubeba. Mumutumikie yeye na watu wake, kusudi mupate kuishi.
Kwa nini wewe na watu wako munataka kufa kwa vita, njaa na magonjwa makali? Maana, hivi ndivyo Yawe alivyosema juu ya yale yatakayolipata taifa lolote litakalokataa kumutumikia mufalme wa Babeli.
Mimi sikuwatuma manabii hao. Lakini wanatabiri uongo kwa jina langu. Kwa hiyo nitawafukuza, nanyi mutaangamia, pamoja na hao manabii wanaowatabiria uongo. –Ni ujumbe wa Yawe.
Kisha, Yeremia akawaambia makuhani na watu wote: Yawe anasema hivi: Musiwasikilize manabii wenu wanaowatabiria, wakisema: “Vyombo vya nyumba ya Yawe vinakaribia kurudishwa kutoka Babeli,” kwa maana wanawadanganya ninyi.
Ikiwa wao ni manabii, na ikiwa wana ujumbe kutoka kwa Yawe, basi wamusihi Yawe wa majeshi, kusudi vyombo vilivyobaki katika nyumba ya Yawe na katika nyumba ya mufalme wa Yuda, na katika Yerusalema, visitwaliwe na kupelekwa Babeli.
ambavyo Nebukadneza, mufalme wa Babeli, hakuvichukua wakati alipowapeleka Yekonia mwana wa Yoyakimu, mufalme wa Yuda na waheshimiwa wote wa Yuda na Yerusalema kwenda katika uhamisho.
Kweli, Yawe wa majeshi, Mungu wa Israeli, anasema hivi juu ya vile vyombo vilivyoachwa katika nyumba ya Yawe, katika nyumba ya mufalme wa Yuda na katika Yerusalema:
Vyombo hivyo vitapelekwa Babeli, navyo vitabaki huko mpaka siku nitakapovishugulikia. Hapo ndipo nitakapovirudisha na kuviweka tena pahali hapa. –Ni ujumbe wa Yawe.