Chaka chomwecho mwezi wachisanu wa chaka chachinai, Zedekiya ataloŵa ufumu wa ku Yuda, Hananiya mwana wa Azuri mneneri wa ku Gibiyoni, adalankhula nane ku Nyumba ya Chauta. Ansembe ndi anthu onse alikumva, iye adati,
Zisanathe zaka ziŵiri, ndidzabwezera ziŵiya zonse za ku Nyumba yanga ku malo ano, zimene Nebukadinezara, mfumu ya ku Babiloni, adazichotsa kuno kupita nazo ku Babiloni.
Ndidzambwezanso ku malo ano Yehoyakini, mwana wa Yehoyakimu mfumu ya ku Yuda. Ndidzabweza akapolo onse ochokera ku Yuda amene adatengedwa kupita ku Babiloni. Motero ndidzathyola goli laukapolo la mfumu ya ku Babiloni.”
“Inde momwemo! Chauta achitedi choncho. Chauta achitedi zimene walosazi, pakubwezera ziŵiya za ku Nyumba yake ndi akapolo onse ku malo ano kuchokera ku Babiloni.