|
| 1 |
|
| Zvino pagore irero, pakuvamba kwokubata ushe kwaZedhekiya mambo waJudha, pagore rechina, nomwedzi wechishanu, Hanania mwanakomana waAzuri muporofita, waiva weGibheoni, akataura neni mumba maJehovha, vapristi navanhu vose varipo, akati, |
|
| 2 |
|
| “Zvanzi naJehovha wehondo, Mwari waIsiraeri, ‘Ndavhuna joko ramambo weBhabhironi. |
|
| 3 |
|
| Makore maviri asati apera kwazvo, ndichadzoserazve kunzvimbo ino midziyo yose yeimba yaJehovha, yakatorwa naNebhukadhineza mambo weBhabhironi panzvimbo ino, akaiisa Bhabhironi; |
|
| 4 |
|
| ndichadzoserazve kunzvimbo ino Jekonia mwanakomana waJehoiakimu mambo waJudha, pamwechete navatapwa vose vaJudha, vakaenda Bhabhironi ndizvo zvinotaura Jehovha; nokuti ndichavhuna joko ramambo weBhabhironi.’ ” |
|
| 5 |
|
| Ipapo muporofita Jeremiya akati kumuporofita Hanania, vapristi navanhu vose varipo vamire mumba maJehovha, |
|
| 6 |
|
| iye muporofita Jeremiya akati, “Ameni, Jehovha ngaaite zvakadaro; Jehovha nagaasimbise mashoko ako awakaporofita, adzoserezve midziyo yeimba yaJehovha, navose vakatapwa, vabve Bhabhironi vauye kunzvimbo ino. |
|
| 7 |
|
| Asi zvino chinzwa shoko iri randinotaura munzeve dzako, nomunzeve dzavanhu vose. |
|
| 8 |
|
| Vaporofita, vakanditangira ini newe, vakaporofitera nyika zhinji, noushe hukuru, vachireva zvokurwa, nenzara, nechirwere chakaipa. |
|
| 9 |
|
| “Muporofita, unoporofita zvorugare, kana shoko romuporofita uyo rikaitika, muporofita uyo uchazivikanwa kuti wakatumwa naJehovha zvirokwazvo.” |
|
| 10 |
|
| Ipapo muporofita Hanania wakabvisa joko pamutsipa womuporofita Jeremiya, akarivhuna. |
|
| 11 |
|
| Zvino Hanania akataura pamberi pavanhu vose, achiti, “Zvanzi naJehovha, ‘Saizvozvo ndichavhuna joko raNebhukadhineza mambo weBhabhironi pamitsipa yamarudzi ose makore maviri asati apera kwazvo.’ ” Muporofita Jeremiya ndokuenda zvake. |
|
| 12 |
|
| Ipapo shoko raJehovha rakauya kuna Jeremiya, muporofita Hanania apedza kuvhuna joko pamutsipa womuporofita Jeremiya, zvichinzi, |
|
| 13 |
|
| “Enda undoudza Hanania, uti, ‘Zvanzi naJehovha, wavhuna majoko amatanda, asi waita panzvimbo yazvo majoko esimbi.’ |
|
| 14 |
|
| “Nokuti zvanzi naJehovha wehondo, Mwari waIsiraeri, ‘Ndakaisa joko resimbi pamitsipa yamarudzi awa ose, kuti ashumire Nebhukadhineza mambo weBhabhironi; achamushumira, uye ndakamupawo mhuka dzebundo.’ ” |
|
| 15 |
|
| Ipapo muporofita Jeremiya wakati kumuporofita Hanania, “Chinzwa zvino, Hanania, Jehovha haana kukutuma, asi iwe unotendisa vanhu ava nhema. |
|
| 16 |
|
| Naizvozvo zvanzi naJehovha, ‘Tarira, ndichakudzinga pasi pose; uchafa nhaka, nokuti wakataura zvinomukira Jehovha.’ ” |
|
| 17 |
|
| Naizvozvo muporofita Hanania wakafa negore iro nomwedzi wechinomwe. |
|
|
|
|