×

أَتَّوْرَتْ دَ أَنَّبَاوَا 2020

Irmiya 29

1
غَا كَلْمُواْمِنْ وَسِيڧَرْ دَ أَنَّبِے إِرْمِيَ يَعَيْكَ دَغَ عُرُوشَلِيمَ، ذُوَاغَ ضَغُواْوَرْ دَتَّاوَنْ جَمَعَرْ يَهُودَاوَا دَ ڢِرِسْتُواْثِے دَ أَنَّبَاوَا دَ دُكَنْ مُتَنٜىٰنْ دَ نٜىٰبُكَدْنٜىٰزَّرْ يَݣُوشٜىٰ دَغَ عُرُوشَلِيمَ ذُوَا بَوْتَا عَ بَابِيلَ؞
2
يَرُبُوتَ وَسِيڧَرْ بَايَنْدَ عَكَ كَيْ سَرْكِے يٜىٰكُواْنِيَ ذُوَا بَابِيلَ تَرٜىٰدَ سَرَوْنِيَ مَامَرْ سَرْكِے دَ بَابَانِّنْ غِدَنْ سَرْكِے دَ شُوغَبَنِّنْ يَهُودَ دَ نَ عُرُوشَلِيمَ دَ مَاسُ سَنَعَرْ حَنُّ دَ مَاسُ عَيْكِنْ ڧٜىٰرَ ڧَرْڢٜىٰ دَغَ عُرُوشَلِيمَ؞
3
إِرْمِيَ يَعَيْكَ دَ وَسِيڧَرْ تَهَنُّنْ عٜىٰلَسَ طَنْ شَڢَنْ دَ غٜىٰمَرِيَ طَنْ هِلْكِيَ، وَطَنْدَ سَرْكِے صَدِڧِيَ نَ يَهُودَ يَعَيْكٜىٰسُ ذُوَا بَابِيلَ، وُرِنْ سَرْكِے نٜىٰبُكَدْنٜىٰزَّرْ نَ بَابِيلَ؞ غَا أَبِنْدَ وَسِيڧَرْ تَثٜىٰ؞
4
«غَا مَغَنَرْ يَهْوٜىٰهْ مَيْ ضُنْدُنَا ، اللَّهْ نَ إِسْرَٰٓءِيلَ، ذُوَاغَ دُكَنْ وَطَنْدَ نَسَا عَكَ ݣُوشٜىٰ دَغَ عُرُوشَلِيمَ ذُوَا بَوْتَا عَ بَابِيلَ؞
5
‹كُغِنَ وَكَنْكُ غِدَاجٜىٰ كُذَوْنَ عَثِكِ؞ كُدَسَ غُواْنَكِ، كُثِ أَمْڢَانِنْسُ؞
6
كُعَوْرِ مَاتَا، كُحَيْڢِ یَیَ مَظَا دَ مَاتَا؞ كُ عَوْرِ وَ یَیَنْكُ مَظَا مَاتَا، كُكُمَ بَادَ یَیَنْكُ مَاتَا غَ مَظَا، دُواْمِنْ سُحَيْڢِ یَیَ مَظَا دَ مَاتَا؞ كُيِ تَحَيْڢُوَ عَثَنْ كُيَلْوَتَ، كَدَ كُرَغُ؞
7
عَمَّا كُنٜىٰمِ ذَمَنْ لَاڢِيَرْ وُرِنْدَ نَكَيْ كُبَوْتَا؞ كُكُمَيِ أَدُّعَ غَ يَهْوٜىٰهْ سَبُواْدَ وُرِنْ، غَمَا ذَمَنْ لَاڢِيَرْ وُرِنْ شِينٜىٰ نَاكُ ذَمَنْ لَاڢِيَرْ؞
8
غَمَا إِنْجِ يَهْوٜىٰهْ مَيْ ضُنْدُنَا ، اللَّهْ نَ إِسْرَٰٓءِيلَ «كَدَ كُيَرْدَ أَنَّبَاوَنْكُ دَ مَاسُ دُوبَانْدَ سُكٜىٰ ثِكِنْكُ سُرُوطٜىٰكُ؞ كَدَ مَا كُكَسَ كُنّٜىٰ غَ مَڢَرْكَنْ دَ كُكٜىٰسُواْ سُيِ مُكُ،
9
غَمَا أَنَّبْثِنْ دَسُكٜىٰيِ مُكُ دَ سُونَنَ، أَنَّبْثِنْ ڧَضْيَانٜىٰ؞ نِے بَنْعَيْكٜىٰسُبَ؞ نِے يَهْوٜىٰهْ نَا ڢَطَا؞»
10
«إِنْجِ يَهْوٜىٰهْ ، ‹بَايَنْدَ بَابِيلَ تَثِكَ شٜىٰكَرَا سَبَعِنْ دَ يِنْ مُلْكِ، ذَنْ ظِيَرْثٜىٰكُ، ذَنْ كُمَ ثِكَ أَلْڧَوَرِنْدَ نَيِ مُكُ، أَلْڧَوَرِ نَدَاوُاْ دَكُو ذُوَا وُرِنَّنْ؞
11
نَسَنْ إِرِنْ شِرِنْ دَ نَكٜىٰ دَشِ دُواْمِنْكُ؞ شِرِ نٜىٰ نَأَلْحٜىٰرِ، بَنَمَسِيڢَبَ، دُواْمِنْ إِنْبَاكُ سَا ذُوثِيَا دَ رَايُوَا تَنَنْ غَبَ؞ نِے يَهْوٜىٰهْ نَا ڢَطَا؞
12
سَعَنً ذَاكُيِ كِرَا غَرٜىٰنِ، كُجُويُواْ، كُيِ أَدُّعَ غَرٜىٰنِ، نِے ذَنْ كُوَجِكُ؞
13
ذَاكُ نٜىٰمٜىٰنِ كُسَامٜىٰنِ، عِدَنْ ڢَا كُكَ نٜىٰمٜىٰنِ دَ دُكَنْ ذُوثِيَارْكُ؞
14
ذَنْ كُوَسَا كُسَامٜىٰنِ؞ ذَنْ مَيَرْ مُكُ دَ أَلْبَرْكُنْكُ، إِنْ تَتَّارُواْكُ دَغَ ثِكِنْ دُكَنْ أَلْعُمَّيْ دَ دُكَنْ وُرَارٜىٰ عِنْدَ نَكُواْرٜىٰكُ، نِے يَهْوٜىٰهْ نَا ڢَطَا؞ ذَنْ دَاوُاْ دَكُو أَوُرِنَّنْ دَغَ عِنْدَ نَسَا عَكْوَاشٜىٰكُ ذُوَا ذَمَنْ بَوْتَا؞ نِے يَهْوٜىٰهْ نَا ڢَطَا؞
15
« ‹سَبُواْدَ كُنْ ثٜىٰ «أَيْ، يَهْوٜىٰهْ يَا تَادَ أَنَّبَاوَا دُواْمِنْمُ أَنَنْ بَابِيلَ،»
16
تُواْ، غَ أَبِنْدَ نِے يَهْوٜىٰهْ نَثٜىٰ غَمٜىٰدَ سَرْكِے دَغَ ذُرِيَرْ دَاوُدَ دَ كُمَ دُكَنْ مُتَنٜىٰنْ دَسُكٜىٰ ذَمَ عَبِرْنِنَّنْ، وَتُواْ غَمٜىٰدَ یَنْعُوَنْكُ وَطَنْدَ بَسُبِيكُ ذُوَا بَوْتَبَ؞
17
إِنْجِنِ يَهْوٜىٰهْ مَيْ ضُنْدُنَا ، غَاشِ، ذَنْعَيْكَ مُسُ دَ تَكُواْبِے دَ يُنْوَ دَ بَلَعِ، ذَنْ كُمَسَا سُذَمَ كَمَرْ ٻَوْرٜىٰنْ دَ سُكَ ضُٻَ، يَدَّ بَعَ عِيَ ثِنْسُ سَبُواْدَ رَشِنْ ݣَنْسُ؞
18
ذَنْبِيسُ دَ تَكُواْبِے دَ يُنْوَ دَ بَلَعِ، إِنْكُمَسَا سُذَمَ أَبِنْ ڟُواْرُواْ غَ دُكَنْ مُلْكُواْكِنْ دُونِيَا، سُذَمَ أَبِنْ لَعَنَ دَ أَبِنْ رَظَنَ دَ أَبِنْ جَنْ ڟَكِ دَ كُمَ أَبِنْ ڧَسْڧَنْثِ غَ دُكَنْ أَلْعُمَّيْ، عِنْدَ نَكُواْرٜىٰسُ سُكَ تَڢِے؞
19
ذَنْيِ حَكَ سَبُواْدَ بَسُجِ مَغَنَاتَبَ، وَدَّ نَيِ تَعَيْكَاوَا تَوُرِنْ بَايِنَ أَنَّبَاوَا؞ كُو مَاسُ ذَمَ عَڧَسَرْ بَوْتَا، كُو مَا بَكُجِبَ؞ نِے يَهْوٜىٰهْ نَا ڢَطَا؞
20
« ‹دُواْمِنْ حَكَ، دُكَنْكُ وَطَنْدَ نَعَيْكَ دَغَ عُرُوشَلِيمَ ذُوَا بَوْتَا عَ بَابِيلَ، كُكَسَ كُنّٜىٰ غَ مَغَنَاتَ؞
21
غَا أَبِنْدَ نِے يَهْوٜىٰهْ مَيْ ضُنْدُنَا ، اللَّهْ نَ إِسْرَٰٓءِيلَ نَا ڢَطَا غَمٜىٰدَ أَهَبْ طَنْ كُواْلَيَ دَ صَدِڧِيَ طَنْ مَعَسٜىٰيَ، وَطَنْدَ سُكٜىٰيِ مُكُ أَنَّبْثِنْ ڧَضْيَا دَ سُونَنَ؞ غَاشِ، ذَنْ مِيڧَسُ أَ حَنُّنْ سَرْكِے نٜىٰبُكَدْنٜىٰزَّرْ نَ بَابِيلَ، ذَيْ كُوَ كَشٜىٰسُ أَعِدَنُونْكُ؞
22
سَبُواْدَ أَبِنْدَ ذَيْڢَرُ دَسُو، دُكَنْ مُتَنٜىٰنْ يَهُودَ وَطَنْدَ عَكَ كَيْسُ بَوْتَا عَ بَابِيلَ ذَاسُ ڧِرْڧِرُواْ كَلْمَرْ لَعَنَ مَيْ ثٜىٰوَ «بَرِ يَهْوٜىٰهْ يَمَيْشٜىٰكَ كَمَرْ أَنَّبِے صَدِڧِيَ دَ أَنَّبِے أَهَبْ وَطَنْدَ سَرْكِنْ بَابِيلَ يَغَسَ أَوُتَا!»
23
غَمَا سُنْ عَيْكَتَ مُوغَيٜىٰنْ أَبُبُوَ عَ إِسْرَٰٓءِيلَ، سُنْيِ ظِنَ دَ مَتَنْ مَڨُوبْتَنْسُ، سُكَ كُمَيِ مَغَنَرْ ڧَضْيَا دَ سُونَنَ، مَغَنَرْ دَ بَنُمَرْثٜىٰسُبَ؞ نِے نَسَنِ، نِنٜىٰ كُمَ شَيْدَ؞ نِے يَهْوٜىٰهْ نَا ڢَطَا؞› »
24
غَ شٜىٰمَيَ مُتُمِنْ نٜىٰهٜىٰلَمْ ذَاكَثٜىٰ،
25
«غَا أَبِنْدَ يَهْوٜىٰهْ مَيْ ضُنْدُنَا ، اللَّهْ نَ إِسْرَٰٓءِيلَ يَڢَطَا، ‹شٜىٰمَيَ، غَاشِ كَعَيْكَ دَ وَسِيڧَ دَ سُونَنْكَ ذُوَاغَ زَڢَنِيَ طَنْ مَعَسٜىٰيَ ڢِرِسْتِ، كَكُمَ عَيْكَ وَدُكَنْ مُتَنٜىٰنْ دَسُكٜىٰ ثِكِنْ عُرُوشَلِيمَ دَ دُكَنْ سَوْرَنْ ڢِرِسْتُواْثِے ثٜىٰوَ
26
« ‹غَاشِ، يَهْوٜىٰهْ يَا نَطَكَ، كَيْ زَڢَنِيَ، ڢِرِسْتِ أَمَيْمَكُوانْ يٜىٰهُواْيِدَ، دُواْمِنْ كَذَمَ مَيْلُورَدَ غِدَنْ يَهْوٜىٰهْ ؞ كَنَدَ حَكِّنْ كَامَ كُواْوَنٜىٰ مَهَوْكَثِ مَيْكِرَا كَنْسَ أَنَّبِے، دُواْمِنْ كَكَڢَسُ عَثِكِنْ كَتَكُوانْ رِڧٜىٰ ڧَڢَاڢُ، كَكُمَ سَا سَرْڧَرْ ڧَرْڢٜىٰ أَوُيَنْسَ؞
27
تُواْ، دُوانْمٜىٰ بَكَ ڟَاوَتَا وَ إِرْمِيَ مُتُمِنْ أَنَتُواتْ، وَنْدَ يَمَيْدَ كَنْسَ أَنَّبِے عَثِكِنْكُبَ؟
28
غَمَا إِرْمِيَ يَعَيْكُواْ دَ سَڧُواْ ذُوَا غَرٜىٰمُ عَ بَابِيلَ ثٜىٰوَ ذَمَنْ بَوْتَرْ نَنْ ذَيْ دَطٜىٰ؞ سَيْ كُواْوَ يَغِنَ وَكَنْسَ غِدَا يَذَوْنَ عَثِكِ؞ كُواْوَ يَدَسَ غُواْنَ يَثِ أَمْڢَانِنْسَ؞› »
29
سَيْ زَڢَنِيَ ڢِرِسْتِ يَكَرَنْتَ وَنَّنْ وَسِيڧَرْ عَكُنّٜىٰنْ أَنَّبِے إِرْمِيَ؞
30
سَعَنً يَهْوٜىٰهْ يَايِ مَغَنَ دَ إِرْمِيَ ثٜىٰوَ
31
يَعَيْكَ دَ سَڧُواْ ذُوَاغَ دُكَنْ وَطَنْدَ سُكٜىٰ ذَمَنْ بَوْتَا يَثٜىٰ، «غَا أَبِنْدَ نِے يَهْوٜىٰهْ نَا ڢَطَا غَمٜىٰدَ شٜىٰمَيَ مُتُمِنْ نٜىٰهٜىٰلَمْ؞ شٜىٰمَيَ يَيِ مُكُ أَنَّبْثِ، كُواْدَيَكٜىٰ بَنْعَيْكٜىٰشِيبَ، يَكُمَسَا كُكَ دُواْغَضَ غَ ڧَضْيَا؞
32
إِنْجِنِ يَهْوٜىٰهْ ، سَبُواْدَ حَكَ، غَاشِ، ذَنْ حُكُنْتَ شٜىٰمَيَ مُتُمِنْ نٜىٰهٜىٰلَمْ دَ ذُرِيَرْسَ؞ بَابُ كُواْ طَيَ دَغَ ثِكِنْ ذُرِيَرْسَ وَنْدَ ذَاعَ بَرِ دَ رَيْ ثِكِنْ وَنَّنْ جَمَعَ، بَابُ كُمَ وَنِنْسُ دَ ذَيْ غَ أَلْحٜىٰرِنْ دَ ذَنْيِ وَجَمَعَتَ؞ غَمَا يَيِ مَغَنَرْ تَاوَيٜىٰ عَكَيْنَ، نِے يَهْوٜىٰهْ ؞ نِے يَهْوٜىٰهْ نَا ڢَطَا؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula