Yawɛ ni daa yɛli Jɛrimia yɛtɔɣ’ shɛli saha shɛli Babilɔn Naa Nɛbukadnɛza min’ o tɔbbihi zaa ni dunia ŋɔ nanim’ zaa bɛn daa be o sulinsi ni ni o niriba ni daa tuhiri Jɛrusalɛmnim’ mini di fɔntinsi la m-bɔŋɔ:
Yawɛ ŋun nyɛ Izraɛlnim’ Naawuni ŋɔ ni yɛli shɛm m-bɔŋɔ: “Cham’ ti yɛli Juda Naa Zɛdɛkia, ‘Yawɛ ni yɛli shɛm m-bɔŋɔ: N yɛn zaŋla tiŋ’ ŋɔ niŋ Babilɔn naa nuu ni, ka o nyo li buɣim.
A ku tooi zo n-tilig’ o nuu ni, amaa biɛhiŋ kani, bɛ ni ti gbaag’ a n-zaŋ a ti ti o. A mini Babilɔn naa maa nini ni ti nya taba, ka a zani o tooni, ka a min’ o tɔɣisi yɛtɔɣa, ka bɛ ti zaŋ a kuli Babilɔn.
A ni ti kpi ni suhudoo. Bɛ ni daa tuɣili a yaannim’ bɛn daa daŋ a tooni n-nyɛ nanim’ la tulaale zim shɛm, lala ka bɛ ni ti tuɣili a gba tulaale zim, ka fabili a zuɣu yɛli, ‘Mbaye ti dana. Dama mani n yɛli yɛtɔɣa ŋɔ.’ ” Yawɛ n-yɛli lala maa.
saha shɛli Babilɔn tɔbbihi ni daa tuhiri Jɛrusalɛm mini Juda fɔntin’ shɛŋa zaa din daa kpalim ka nyɛ Lakishi mini Azɛka la, dama di kɔŋko n-daa nyɛ Juda tiŋgbɔŋ maa ni bɛ ni me goondahi gili fɔntin’ shɛŋa ka di na kpalim ʒiɛya.
ni bɛ daa saɣiya ni ŋunkam mali dabili ka o nyɛ Hiburu nira, doo bee paɣa, ŋun’ bahim’ o din ni chɛ ka Izraɛl nira ku lan zaŋ o mabia Izraɛl nira n-leeg’ o dabili.
Ka niriba maa zaa mini bɛ kpamba bɛn daa lo alikauli maa daa saɣi ni bɛ ni bahi bɛ daba bɛn nyɛ dɔbba mini paɣiba, ka ku lan zaŋ ba niŋ daba yaha. Ka bɛ daa saɣi ka bahi ba.
‘Yuma ayopɔin kam ni, di simdi ni yi bahi yi ni da Hiburu dab’ so kam ŋun tum yi tuma hal ti paai yuma ayɔbu ka o chaŋ. Di bi lan simdi ka yi chɛ ka bɛ tum yi tuma yaha. Amaa ka yi yaannim’ maa daa zaɣisi li wumbu.
Amaa di nyaaŋa ka yi ti taɣi yi tɛha, ka bi lan tiri n yuli jilima, ka yi ni yino kam lan zaŋ yi ni daa bahi yi dab’ shɛb’ bɛn nyɛ dɔbba mini paɣiba ni bɛ cham’ bɛ chandi kaman bɛ suhu ni yu shɛm la n-lan leei yi daba yaha.
Dinzuɣu man’ Yawɛ ni yɛli shɛm m-bɔŋɔ: Yi zaɣisi n noli yi ni bi bahi yi ʒiʒiinitab’ mini yi zɔnim’ maa zuɣu. N yɛn tin ya la faako. Faako din nyɛ tɔbu mini alɔbo ni dimpooi. N ni chɛ ka yi yɛla gbahi dunia ŋɔ nanim’ zaa dabiɛm.” Yawɛ n-yɛli lala maa.
“Ka ninvuɣ’ shɛb’ bɛn saɣim n daalikauli, ka bi gbibi alikauli yɛtɔɣ’ shɛŋa bɛ ni daa yɛli n san’ la, n ni niŋ ba kaman bɛ ni yi pirigi naɣisaa buyi sɔŋ, ka tim pirigibu maa sunsuuni gari shɛm la.
Juda kpambaliba mini Jɛrusalɛm kpambaliba ni namɔɣilisi ni maligumaaniba ni tiŋgbɔŋ maa ni ninvuɣ’ shɛb’ zaa bɛn daa tim naɣisaa maa pirigibu maa sunsuuni gari la,
N ni ti zaŋ Juda Naa Zɛdɛkia min’ o kpambaliba niŋ bɛ dimnim’ bɛn bɔri ni bɛ ku ba la nuu ni. N ni zaŋ ba niŋ Babilɔn naa tɔbbihi bɛn zo ka chɛn ya la nuu ni.
N ni bahi ba noli ka zaŋ ba labisi tiŋ’ ŋɔ ni na, ka bɛ ŋme n-deei li, ka nyo li buɣim. N ni ti chɛ ka Juda tinsi leei dabari, ka so ku lan be di ni.” Yawɛ n-yɛli lala maa.