Ruoth Nyasaye ma Nyasach Israel nowuoyo gi Jeremia kane oyudo Nebukadnezar ruodh Babulon gi ogandane mar lweny kod jolweny mag ogendini mamoko, kaachiel gi mag pinje duto mane ni e bwo lochne omonjo Jerusalem kod mier mokiewo kode.
to initho gi kue, mi ji nowang’ni gik mang’ue ng’ar kiyiki, mana kaka ne giwang’o ni kwereni mane okwongoni bedo ruodh. Giniywagi ka giwacho niya, ‘A yaye!’ Ruodhwa otho! An Ruoth Nyasaye ema awacho kamano.”
E kindeno jolweny mag ruodh Babulon noyudo monjo Jerusalem, kaachiel gi Lakish kod Azeka. Mier ariyogo kende e miech Juda mochiel motegno mane pok okaw.
Noyudo ji duto osewinjore ni ng’ato ka ng’ato biro gonyo wasumbni mage ma jo-Hibrania machwo gi mamon mondo ng’ato kik bed gi ja-Yahudi matiyone ka misumba.
Kane ji duto kaachiel gi jotendgi osetimo singruok ni gibiro gonyo wasumbgi kamano kendo ni ok ginichak gilokgi wasumbni, ne gichopo singruokno, mi giweyo wasumbgi odhi.
‘Higni abiriyo ka higni abiriyo onego ng’ato ka ng’ato kuomu owe ja-Hibrania moro amora mane ong’iewo ka misumba, kendo mosetiyone kuom higni auchiel.’ To kwereu ne ok nyal winja, kata rito chikna ne ok girito.
Kuom mano, an Ruoth Nyasaye awacho ni ne achikou mondo uwe jo-Hibrania weteu thuolo, to ok userito chiknano, emomiyo abiro weyou thuolo, to mana ni mondo lweny gi tuoche kod kech onegu! Abiro miyo ogendini duto manie piny bed maluor konenou. An Ruoth Nyasaye ema awacho kamano.
Jotend Juda gi mag Jerusalem kod jodong od ruoth gi jodolo kod jopinyni duto notimo koda singruok ka gikadho e kind kidienje ariyo mag rwath mong’adi sirunda. To ne giketho singruok mane gisetimo e nyima, mi ok gichopo singruokno. Omiyo abiro timo ni jogi mana gima ne atimo ni rwath