atụnlẹ ni ụlọ; arụnlẹ ni ugbo; akụnlẹ ni vaịnị, enwọnlẹ ni alị vaịnị. Ọdụ w'a kwahunmẹ kẹ ụnụ sikọ d'e bisọnmẹ, kẹni ụnụ tọ elu ụwa ụnụ nọ e bi kẹ itumunyẹ.’
M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.
“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”
Ya Jerimaya nọ sị ndị ebọn Rekabụ, “Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ hụ a gbaye oku nẹdi ụnụ kanị wụ Jonadabụ, e mẹchanrịn ihiẹn ile ọ sị ụnụ mẹ, e dọnmẹ iwu o tini ụnụ.’