×

أَتَّوْرَتْ دَ أَنَّبَاوَا 2020

Irmiya 36

1
أَ شٜىٰكَرَا تَهُطُ تَمُلْكٍ سَرْكِے يٜىٰهُواْيَكِمْ طَنْ يُواْسِيَا نَ يَهُودَ، يَهْوٜىٰهْ يَايِ مَغَنَ دَ أَنَّبِے إِرْمِيَ يَثٜىٰ،
2
«طَوْكِ نَطَطّٜىٰنْ لِتَّڢِ كَبُوطٜىٰ كَرُبُوتَ دُكَنْ كَلْمُواْمِنْدَ نَڢَطَا مَكَ غَمٜىٰدَ إِسْرَٰٓءِيلَ دَ يَهُودَ دَ كُمَ دُكَنْ سَوْرَنْ أَلْعُمَّيْ؞ كَرُبُوتَ دُكَنْ أَبِنْدَ نَڢَطَا مَكَ تُنْدَغَ رَانَرْدَ نَيِ مَكَ مَغَنَ عَݣُونَكِنْ سَرْكِے يُواْسِيَا حَرْ ذُوَا يَوْ؞
3
مَيْ يِوُوَ نٜىٰ عِدَنْ غِدَنْ يَهُودَ سُكَجِ دُكَنْ مَسِيڢَرْدَ نَيِ نِيَّ إِنْكَٰوُاْ عَكَنْسُ، وَتَڧِيلَ كُواْوَنّٜىٰنْسُ ذَيْجُويَا دَغَ مُوغُوَرْ حَنْيَرْسَ، دُواْمِنْ إِنْ‌غَاڢَرْتَا مُسُ لَيْڢِنْسُ دَ ذُنُوبِنْسُ؞»
4
سَيْ إِرْمِيَ يَكِرَا بَرُكْ طَنْ نٜىٰرِيَ؞ بَرُكْ كُوَ يَرُبُوتَ عَثِكِنْ لِتَّڢِ دُكَنْ كَلْمُواْمِنْ دَ يَهْوٜىٰهْ يَڢَطَا وَ إِرْمِيَ؞
5
سَيْ إِرْمِيَ يَعُمَرْثِ بَرُكْ ثٜىٰوَ «أَنْ حَنَ نِے ذُوَا ثِكِنْ غِدَنْ يَهْوٜىٰهْ ؞
6
سَبُواْدَ حَكَ، كَيْ سَيْ كَتَڢِے غِدَنْ يَهْوٜىٰهْ أَ رَانَرْ أَظُمِ؞ أَوُرِنْ، سَيْ كَكَرَنْتَ عَكُنّٜىٰنْ دُكَنْ مُتَنٜىٰ كَلْمُواْمِنْ يَهْوٜىٰهْ وَطَنْدَ نَڢَطَا مَكَ كَكُمَ رُبُوتَ أَ لِتَّڢِنَّنْ؞ كَكَرَنْتَسُ عَكُنّٜىٰنْ مُتَنٜىٰنْ يَهُودَ وَطَنْدَ سُكَ شِغُواْ عُرُوشَلِيمَ دَغَ غَرُرُوَنْسُ؞
7
مَيْ يِوُوَ ذَاسُيِ وَ يَهْوٜىٰهْ أَدُّعَرْ ضُواْڧُوانْ جِنْڧَيْ، سُتُوبَ، كُواْوَنّٜىٰنْسُ يَجُويَ دَغَ مُوغُوَرْ حَنْيَرْسَ، غَمَا ڢُشِنْ يَهْوٜىٰهْ يَايِ ذَاڢِ، كُمَ أَبِنْدَ يَسَنَرْ ذَيْ يِ عَكَنْ مُتَنٜىٰنَّنْ ثِكِنْ ڢُشِنْسَ، يَنَدَ ڟَنَنِ؞»
8
سَيْ بَرُكْ طَنْ نٜىٰرِيَ يَتَڢِے يَيِ دُكَنْ أَبِنْدَ أَنَّبِے إِرْمِيَ يَعُمَرْثٜىٰشِ يَيِ؞ يَكَرَنْتَ كَلْمُواْمِنْ يَهْوٜىٰهْ دَغَ نَطَطّٜىٰنْ لِتَّڢِنْ أَ غِدَنْ يَهْوٜىٰهْ ؞
9
أَوَتَنْ تَرَ أَ شٜىٰكَرَا تَبِيَرْ تَمُلْكٍ سَرْكِے يٜىٰهُواْيَكِمْ طَنْ يُواْسِيَا نَ يَهُودَ، عَكَيِ شٜىٰلَرْ يِنْ أَظُمِ أَغَبَنْ يَهْوٜىٰهْ ؞ أَظُمِنْ يَشَاڢِ دُكَنْ مَذَوْنَنْ عُرُوشَلِيمَ دَ كُمَ دُكَنْ مُتَنٜىٰنْ دَ سُكَذُواْ عُرُوشَلِيمَ دَغَ غَرُضُوً يَهُودَ؞
10
عَكُنّٜىٰنْ دُكَنْ مُتَنٜىٰ، سَيْ بَرُكْ يَكَرَنْتَ كَلْمُواْمِنْ يَهْوٜىٰهْ تَبَاكِنْ إِرْمِيَ، وَطَنْدَ يَرُبُوتَ أَ نَطَطّٜىٰنْ لِتَّڢِنْ؞ يَكَرَنْتَ أَ غِدَنْ يَهْوٜىٰهْ أَ ذَوْرٜىٰنْ غٜىٰمَرِيَ طَنْ شَڢَنْ مَرُبُوثِ؞ ذَوْرٜىٰنْ يَنَ كُسَدَ وُرِنْ شِغَ سَابُوَرْ ڧُواْڢَ تَغِدَنْ يَهْوٜىٰهْ ؞
11
مِكَيَ طَنْ غٜىٰمَرِيَ جِيكَنْ شَڢَنْ كُوَ يَجِ دُكَنْ كَلْمُواْمِنْ يَهْوٜىٰهْ وَطَنْدَ سُكٜىٰ أَ نَطَطّٜىٰنْ لِتَّڢِنْ؞
12
بَايَنْ حَكَ سَيْ يَغَنْ‌غَرَ ذُوَا غِدَنْ سَرْكِے، يَشِغَ طَاكِنْ مَرُبُوثِنْ سَرْكِے؞ دُكَنْ دَتَّاوَنْ سَرْكِے كُوَ سُنَ ظَوْنٜىٰ أَوُرِنْ، وَتُواْ عٜىٰلِشَمَ مَرُبُوثِ دَ دٜىٰلَيَ طَنْ شٜىٰمَيَ دَ عٜىٰلْنَتَنْ طَنْ عَكْبُوارْ دَ غٜىٰمَرِيَ طَنْ شَڢَنْ دَ صَدِڧِيَ طَنْ هَنَنِيَ دَ دُكَنْ دَتَّاوَنْ؞
13
مِكَيَ كُوَ يَڢَطَا مُسُ دُكَنْ كَلْمُواْمِنْدَ يَجِ، سَعَدَّ بَرُكْ يَكَرَنْتَ دَغَ لِتَّڢِنْ عَكُنّٜىٰنْ مُتَنٜىٰ؞
14
سَيْ دُكَنْ دَتَّاوَنْ سُكَ عَيْكَ يٜىٰهُودِ طَنْ نٜىٰتَنِيَ، جِيكَنْ شٜىٰلٜىٰمِيَ طَنْ كُشِ، ذُوَا وُرِنْ بَرُكْ دَ ثٜىٰوَ «طَوْكِ لِتَّڢِنْدَ كَكَرَنْتَ عَكُنّٜىٰنْ مُتَنٜىٰ، كَذُواْ؞» سَيْ بَرُكْ طَنْ نٜىٰرِيَ يَطَوْكِ لِتَّڢِنْ أَ حَنُّنْسَ يَتَڢِے وُرِنْسُ؞
15
سَيْ سُكَثٜىٰ مَسَ «ذَوْنَ كَكَرَنْتَ مَنَ مُجِ؞» بَرُكْ كُوَ يَكَرَنْتَ مُسُ، سُكَجِ دَ كُنّٜىٰنْسُ؞
16
لُواْكَثِنْ دَ سُكَجِ كَرَاتُنْ دُكَنْ وَطَنَّنْ كَلْمُواْمِ، سَيْ سُكَ دُوبِے جُونَ ثِكِنْ ڟُواْرُواْ، سُكَثٜىٰ وَ بَرُكْ «بَابُ شَكَّ، ذَامُ ڢَطَا وَسَرْكِے دُكَنْ كَلْمُواْمِنَّنْ؞»
17
سَيْ سُكَثٜىٰ وَ بَرُكْ «ڢَطَا مَنَ، يَيَ عَكَيِ كَرُبُوتَ دُكَنْ وَطَنَّنْ كَلْمُواْمِ؟ إِرْمِيَ نٜىٰ يَڢَطَا مَكَ كَنَ رُبُوتَوَ؟»
18
بَرُكْ يَأَمْسَ يَثٜىٰ «عِ، يَنَ ڢَطِنْ دُكَنْ كَلْمُواْمِنَّنْ دَ بَاكِنْسَ، نِے كُمَ إِنَ رُبُوتَاوَ عَكَنْ لِتَّڢِنْ؞»
19
سَيْ دَتَّاوَنْ سُكَثٜىٰ وَ بَرُكْ «غُدُ كَٻُواْيٜىٰ، كَيْ دَ إِرْمِيَ! كَدَ كُمَ كُيَرْدَ وَنِ يَسَنْ عِنْدَ كُكَ ٻُيَ؞»
20
سَيْ دَتَّاوَنْ سَرْكِے سُكَ أَجِيٜىٰ نَطَطّٜىٰنْ لِتَّڢِنْ أَطَاكِنْ عٜىٰلِشَمَ مَرُبُوثِ؞ سُكَ ڢِتَ سُكَ شِغَ ڢِيلِ نَثِكِنْ غِدَنْ سَرْكِے، سُكَ بَا سَرْكِے رَهُواْتُوانْ دُكَنْ كَلْمُواْمِنْ دَ سُكَجِ؞
21
سَيْ سَرْكِے يَعَيْكِ يٜىٰهُودِ يَجٜىٰ يَكَٰوُاْ لِتَّڢِنْ؞ يَكُوَ تَڢِے يَطَوْكُواْ لِتَّڢِنْ دَغَ طَاكِنْ عٜىٰلِشَمَ مَرُبُوثِ؞ سَيْ يٜىٰهُودِ يَكَرَنْتَ وَ سَرْكِے عَكُنّٜىٰنْ دُكَنْ دَتَّاوَنْ دَسُكٜىٰ أَڟَيٜىٰ أَوُرِنْ؞
22
وَتَنْ تَرَ كُوَ لُواْكَثِنْ سَنْيِ نٜىٰ، سَرْكِے كُمَ يَنَ ظَوْنٜىٰ أَطَاكِنْ دَ يَكَنْ ذَوْنَ أَ لُواْكَثِنْ سَنْيِ، يَنَ جِنْ طُمِنْ وُتَرْ دَتَكٜىٰ ثِ ثِكِنْ كَسْكُواْ؞
23
سَعَدَّ يٜىٰهُودِ يَكَرَنْتَ لَيِ عُكُ كُواْ حُطُ دَغَ لِتَّڢِنْ، سَيْ سَرْكِے يَعُمَرْثِ يٜىٰهُودِ يَطَوْكِ وُڧَرْ ڠَرَ أَبِنْ رُبُوتُو، يَيَنْكَ سَاشٜىٰنْ لِتَّڢِنْ، يَظُبَ أَوُتَرْ دَتَكٜىٰثِ عَكَسْكُواْ؞ يَيِ تَيِنْ حَكَ حَرْ يَڧُواْنٜىٰ لِتَّڢِنْ دُكَ؞
24
دُكْدَهَكَ، كُواْ سَرْكِے كُواْ دَتَّاوَنْسَ وَطَنْدَ سُكَجِ مَغَنَرْ لِتَّڢِنْ، بَاوَنْدَ يَدَامُ كُواْ يَيَاغٜىٰ رِيغُنَنْسَ دُواْمِنْ أَ نُونَ بَڧِنْ ثِكِ؞
25
كُواْدَيَكٜىٰ عٜىٰلْنَتَنْ دَ دٜىٰلَيَ دَ غٜىٰمَرِيَ سُنْ ضُواْڧِ سَرْكِے كَدَ يَڧُواْنٜىٰ لِتَّڢِنْ، دُكْدَهَكَ يَڧِ جِنْ ضُواْڧُوانْسُ؞
26
سَيْ سَرْكِے يَعُمَرْثِ طَنْسَ يٜىٰرَمٜىٰيٜىٰلْ دَ سٜىٰرَيَ طَنْ أَظْرِيٜىٰلْ دَ شٜىٰلٜىٰمِيَ طَنْ أَبْدٜىٰيٜىٰلْ سُكَامَ أَنَّبِے إِرْمِيَ دَ بَرُكْ مَرُبُوثِنْسَ؞ عَمَّا يَهْوٜىٰهْ يَا ٻُواْيٜىٰسُ؞
27
سَرْكِے يَڧُواْنٜىٰ لِتَّڢِنْدَ يَڧُنْشِ كَلْمُواْمِنْ دَ إِرْمِيَ يَڢَطَا وَ بَرُكْ يَرُبُوتَ؞ بَايَنْ وَنَّنْ، سَيْ يَهْوٜىٰهْ يَيِ مَغَنَ دَ إِرْمِيَ ثٜىٰوَ
28
يَطَوْكِ وَنِ نَطَطّٜىٰنْ لِتَّڢِ كُمَ يَرُبُوتَ كَلْمُواْمِنْ دَ دَا يَرُبُوتَ أَ لِتَّڢِ نَڢَرْكُواْ، وَنْدَ سَرْكِے يٜىٰهُواْيَكِمْ نَ يَهُودَ يَڧُواْنٜىٰ؞
29
ذَيْثٜىٰ غَمٜىٰدَ سَرْكِے يٜىٰهُواْيَكِمْ «إِنْجِنِ يَهْوٜىٰهْ ، كَيْ كَا ڧُواْنٜىٰ نَطَطّٜىٰنْ لِتَّڢِ كَنَ ثٜىٰوَ ‹دُوانْمٜىٰ كَرُبُوتَ ثٜىٰوَ بَا شَكَّ سَرْكِنْ بَابِيلَ ذَيْذُواْ يَرُشٜىٰ ڧَسَرْ نَنْ، يَكَكَّشٜىٰ مُتَنٜىٰنْتَ دَ دَبُّواْبِنْتَ؟›
30
سَبُواْدَ حَكَ، إِنْجِنِ عُبَنْ‌غِجِ يَهْوٜىٰهْ ، كَيْ سَرْكِے يٜىٰهُواْيَكِمْ نَ يَهُودَ، بَذَاكَسَامِ وَنِ دَغَ ذُرِيَرْكَ وَنْدَ ذَيْ غَاجٜىٰكَ يَذَوْنَ عَكُجٜىٰرَرْ مُلْكِ نَظُرِيَرْ دَاوُدَ بَ؞ ذَاعَجٜىٰڢَرْ دَ غَاوَرْكَ أَ ڢِيلِ دُواْمِنْ تَشَا ذَاڢِ دَ رَانَ تَشَا سَنْيِ دَدَرٜىٰ؞
31
ذَنْ حُكُنْتَكَ دَ ذُرِيَرْكَ دَ دَتَّاوَنْكَ سَبُواْدَ مُغُنْتَارْكُ؞ ذَنْ كَٰوُاْ مَسِيڢَ عَكَنْكُ، كُو دَ دُكَنْ مَذَوْنَنْ عُرُوشَلِيمَ دَ مُتَنٜىٰنْ يَهُودَ؞ ذَنْ كَٰوُاْ دُكَنْ مَسِيڢَرْدَ نَثٜىٰ ذَنْ كَٰوُاْ عَكَنْكُ سَبُواْدَ كُنْ ڧِجِ؞»
32
سَيْ إِرْمِيَ يَطَوْكِ وَنِ نَطَطّٜىٰنْ لِتَّڢِ، يَبَا مَرُبُوثِ بَرُكْ طَنْ نٜىٰرِيَ؞ بَرُكْ يَسَاكٜىٰ رُبُوتَ عَثِكِنْسَ دُكَنْ كَلْمُواْمِنْ دَسُكٜىٰ أَ لِتَّڢِنْ دَ سَرْكِے يٜىٰهُواْيَكِمْ نَ يَهُودَ يَڧُواْنٜىٰ أَوُتَا؞ بَنْدَ حَكَمَا، عَكَ ڧَارَ وَطَنْسُ كَلْمُواْمِ إِرِنْ وَطَنْثَنْ عَثِكِ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula