To kata kapo ni uloyo jolweny duto mag Babulon ma monjougo, mi odong’ mana joma ohinyore ma nindo aninda, e hembegi, to joma ohinyorego pod dia malo, mi wang’ Jerusalem pep.”
To kane ochopo e dhorangach miluongo ni Ranga Benjamin, jatend jolweny mane tiyo kanyo, ma nyinge Irija wuod Shelemia ma nyakwar Hanania, nochunge, mi owachone niya, “Iringo idok ni jo-Babulon!”
Kane jodongogo oneno Jeremia, ne gikecho kode ahinya, mi gigolo chik mondo ochwade, kendo olorne e od Jonathan ma jang’ad ni ruoth rieko. (Od Jonathanno ne koro olok od tuech.)
Omiyo jaduong’, akwayi ni ichik iti, kendo itim gima awacho. Kiyie, to kik idwoka e od Jonathan ma jang’adni rieko, nimar ka idwoka, to en adier ni abiro tho kuno.”