“Ndaa nii Jawmiraawo wi'i: Mo jooɗoto nder berniwol ngo'ol maayran bee konu malla weelo malla nyawu kalluŋgu ndaaɓoowu. Ammaa mo wurtoto ngam hawtango Kaldiya'en, kaŋko o maayataa, o hisnan yoŋki maako, o yeeɗan.
Nden saraaki'en mbi'i laamiiɗo: “Sey gorko oo maaya! Bee wolwugo bana nii o ɗon tampina honooɓe luttuɓe nder berniwol men e non boo ummaatoore fuu. O ɗaɓɓataa salaaman ummaatoore nde'e, sey sarru maare!”
“Barkaama, ko worɓe ɓe'e mbaɗi annabi Yeremiya, wooɗaay. Ɓe njolli mo nder ɓulndu. Walaa seko o maayran bee dolo ton, ngam nyaamdu timmi nder berniwol.”
Laamiiɗo Sedekiya hunani Yeremiya bee sirri, wi'i: “Fakat bana Jawmiraawo o geeto mo hokki en yoŋki, mi mbarataa ma, mi hokkataa ma haa juuɗe worɓe yiɗɓe mbarugo ma boo.”
Nden Yeremiya wi'i Sedekiya: “Ndaa nii Jawmiraawo honooɓe asama, Allah Isra'iila wi'i: To a hawtani mawɓe laamiiɗo Baabila, nden kam yoŋki ma hisan, berniwol ngo'ol boo wulataake, a hisan bee saare ma fuu.
Yeremiya ɓesdi wi'ugo: “Ɓe ngurtinan rewɓe ma e ɓikkoy ma fuu haa Kaldiya'en. An boo a daɗataa ɓe, a laatoto kaɓɓaaɗo laamiiɗo Baabila, nden ɓe ngulan berniwol ngo'ol.”
To saraaki'en nani mi wolidi bee ma, to ɓe ngari haa maaɗa, ɓe mbi'i ma: Yeccu min ko a wolidi bee laamiiɗo. Min mbarataa ma, to a yecci min koo ɗume fuu,