Eye woxɔ Yerusalem. Babel-fia Nebukadnezar kple eƒe aʋakɔ blibo la va Yerusalem heɖe to ɖee le Yuda-fia Zedekiya ƒe ƒe asiekelia me le dzinu ewolia dzi,
Eye esi Yuda-fia Zedekiya kple aʋawɔlawo katã kpɔ wo la, wosi dzo le dua me le zã to fia ƒe abɔ me mɔ heto agbo, si le gli ŋukplaba eve dome la nu heɖo ta gbegbe.
Ke Kaldeatɔwo ƒe aʋakɔ la li wo yome, eye wotu Zedekiya le Yerixo-tagba, eye wolée hekplɔe vɛ na Babel-fia Nebukadnezar le Ribla le Xamat-nyigba dzi, eye wobu fɔe le afima.
Ke fia ŋu srafowo ƒe amegã Nebuzaradan gblẽ dukɔ la ƒe ame dahe, siwo si naneke mele o la dometɔa ɖewo ɖe Yuda-nyigba dzi, eye wotsɔ weingblewo kple agblewo na wo gbemagbe.
Yi nagblɔ na Kusitɔ Ebed-Melex bena: Ale Yehowa Zebaot, Israel ƒe Mawu la, gblɔ esi: Kpɔ ɖa, mana nye nyawo nava me ɖe du sia ŋu hena vɔ̃, eye menye hena nyui o, eye woava me le ŋkuwò me le ɣemaɣi.