mowachone niya, “Kiyie to timnwa gima wakwayi. Yie ilamnwa Ruoth Nyasachwa, wan ji duto modong’. Chon ne wan ji mathoth, to koro neye kaka wadong’ mana manok kende.
Eka ne giwachone niya, “Ruoth Nyasaye ma Nyasachwa mondo obed janeno makare kendo maradiera ka ok warito chik duto ma omiyi mondo watigo. Wakuong’ore ni wabiro timo gimoro amora ma Ruoth Nyasaye ma Nyasachi owachoni mondo inyiswa,
‘Ka uyie dhi nyime gi dak e pinyni, to abiro gerou, kendo ok abi kethou. Bende abiro pidhou ka ng’ama pidho yien, kendo ok napudhu. Asebedo ka akuyo nikech masira mane akelo kuomu.
Bende kik uwach ni, ‘Ooyo, wabiro dhi mondo wadag e piny Misri, kuma ok wanyal chako nenoe lweny, kata winjoe tung’ ma luongowa mondo wadhi e lweny kata bedo kech.’
Jogo duto ma oramo ni nyaka dhi dag e piny Misri, lweny kata kech kata tuoche biro nego. Onge kata ng’at achiel kuomgi ma nokwo. Ooyo, onge achiel ma notony kuom masira ma abiro kelo kuomgi.’
“Ruoth Nyasaye ma Nyasach Israel wacho niya, ‘Kapo ni udhi e piny Misri, to abiro olo mirimba kuomu, mana kaka ne aolo mirimba kuom jo-Jerusalem. Unulokru gima bwogo ji, kendo ji nobed kajarou, mi giluong nyingu ka gima okuong’. Bende ok nuchak une kaeri kendo.’ ”