ya kẹ Azaria nwa Hoshaya lẹ Johananị nwa Karia lẹzi ikẹnnyẹ ndị-ọzọ e mẹkarị enwẹn wẹ nọ sị Jerimaya, “Ntụ k'ị rị a tụ! Ẹlẹ Osolobuẹ wụ Chuku ẹnyi zi i d'a sị ẹnyi, ‘Ejẹnkwọlẹ ni Ijiptu d'e biri.’
“Y'a sị wẹ, ‘Osolobuẹ ihiẹn ile rị okpuru ẹ, hụn wụ Chuku Izrẹlụ sị: M jẹnkọ d'e zihẹ odibo m wụ Nebukadineza eze Babilọnụ. M k'e tumẹ ukpo-eze ẹ ye elu ebeni m liye ọmụma ndịnị; o k'a nọ elu ebeni shịapụ ịhara-eze ẹ.
O k'a bịa d'a lụsọn alị Ijiptu agha, ọnwụn e gbu ndị m sị nị ọnwụn k'e gbu, ọ kpụnrụn ndị m sị nị wẹ k'a kpụnrụn, ọpịa-agha e gbu ndị m sị nị ọpịa-agha k'e gbu.
O k'a mụ ọkụn ye ụlọ-mmọn rịsọnmẹ Ijiptu, dụnpụ ụlọ-mmọn wẹ ọkụn, kpọnrin mmọn wẹ. O k'a tụtụkwama ihiẹn ile rị mma rị alị Ijiptu, kẹ onyẹ e du anụ dọn a tụtụpụchanrịn izun ẹkwa a; o k'e bu wẹ ile la, onwọnni ihiẹn k'e mẹn'ẹ.