gwa bolela Asaria morwa wa Hosanya, le Johanane morwa wa Karea, le banna ba ba bego ba ngangana le Jeremia, ba re: O bolela maaka! Ga wa rongwa ke Morena Modimo wa rena, ge o re: Le se ke la ya Egipita la yo diilela gona.
Johanane morwa wa Karea, le balaodi bohle ba madira, ba botha mašalela ka moka a Juda, a tšogo boa ditšhabeng ka moka, tše ba bego ba tšhabetše go tšona mme ba boela go dula nageng ya Juda.
Ba botha basadi le bana, le barwedi ba kgoši, le bohle ba bego ba tlogetšwe ke Nebusaradani molaodi wa dira tša mošate, ba gafelwa Gedalia morwa wa Ahikama morwa wa Safani; ba tloga le Jeremia moporofeta, le Baruke morwa wa Neriya,
Tšea maswika a magolo ka diatla tša gago, o a lokele lerageng la sebešong sa makokoto sa matsenong a ngwako wa Farao gonamo Thagapanese; o dire o bonwa ke banna ba Juda.
O bolele le bona o re: Morena wa mašaba Modimo wa Isiraele o re: Tsebang gore mohlanka wa ka Nebukadinetsara kgoši ya Babele ke tlo mmitša ka mo tliša fa; ka bea sedulo sa gagwe sa bogoši godimo ga maswika a, a tlo ala legogwa la gagwe godimo ga ona.
Nywakong ya Modimo ya Egipita ke tlo gotetša mollo. Nebukadinetsara o tlo e tšhuma a e thopa; o tlo apara naga ya Egipita bjalo ka modiši ge a apara kobo yagwe, a ikela a thabile.