×

Mara Bible BSI 2023

Jeremiah 45

1
He he Zôsia sawchapawpa Zudâh bei Zehôki abeina kô palihna liata, Zeremiah ta Neriah sawchapaw Bâruka a chhopa, Zeremiah pakah tawhta a puapa biezy hawh tlai ta Bâruka ta châbu liata a ropazy a châ.
2
“Hy Bâruka y, Abeipa, Izarei Khazohpa ta na hnohta hetana heta a tah:
3
‘Ei hu a po kaw dia! Abeipa ta ei sa pasana liata pachârôhna na baichha ha ta, ei hro chhao panao pâ khai ha ta, huhnona rai hmô thei va na,’ tah chi ta.
4
Châhrasala Abeipa ta na hnohta reih awpa ta hetana heta eina chho: Abeipa ta hetana heta a tah: Pachâ teh, ei padua hapa cha phie heih aw na ta, ei bô hapa chhao ei phia heih awh.
5
Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.
Chin BSI Bible 2023
The Bible Society of India 2023
:
Save Notes