×

Ñanderuete Ñe’ẽ Porã 2015

45

1
Pe proféta Jeremías he’i ko ñe’ẽ Baruc, Nerías ra’ýpe, ohai ramoguare opaite ñe’ẽ osẽva Jeremías jurúgui peteĩ kuatiañe’ẽme, pe Joacim, Josías ra’y, Juda retã ruvicha, oisãmbyhy aja irundyha áñope:
2
Ñanderuete, Israel Jára he’iuka Barúcpe:
3
Nde ningo ere: Angái, che ko’ág̃a: Ñanderuete ombojo’áta che rembiasa asy ári vy’a’ỹ; chekane’õma chepy’ahẽgui, ha ndajohúi gueteri pytu’u.
4
Péicha eréta ichupe, he’i pende Ruete: Eikuaa porãke, Che ambyai umi mba’e amopu’ãmava’ekue, ha amondoro umi mba’e añotỹmava’ekue, ha ko yvy tuichakue rehe péicha ajapóta.
5
Ha nde piko reheka ndejupe g̃uarante mba’e tuichaitereíva, ani reheka, Ha ema’ẽ porãke, Che aguerúgui mba’evai opaite oikóvape guive ko yvy apére, he’i pende Ruete; ndéve katu ame’ẽta nde rekove, peteĩ jopói ramo, mamo rehoha rupi.
Guarani Bible 2015
Ñanderuete Ñe’ẽ Porã MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015
:
Guardar notas