हिंदी बाइबिल
|
| 1 |
| इ सँदेसा यहोवा क अहइ जउन यिर्मयाह नबी क मिला। इ सँदेसा पलिस्ती लोगन क बारे मँ अहइ। इ सँदेसा, जब फिरौन गज्जा नगर पइ हमला किहस, ओहसे पहिले आवा। |
| 2 |
| यहोवा कहत ह: “धियान द्या, दुस्मन क फउजी उत्तर मँ एक संग मोर्चा लगावत अहइँ। उ पचे तटन क बारेत तेज नदी क तरह अइहीं उ पचे देस क बाढ़ सा ढकि लेइहीं। उ पचे नगरन अउर ओनमाँ रह रहे निवासियन क ढकि लेइहीं। उ देस क हर एक रहइवाला मदद बरे चिल्लाई। |
| 3 |
| उ सबइ धावत घोड़न क अवाज सुनिहीं, उ पचे रथन क घरघराहट सुनिहीं। उ पचे पहियन क घरघराहट सुनिहीं। पिता आपन बच्चन क सुरच्छा करइ मँ मदद नाहीं कइ सकिहीं। उ पचे पिता मदद करइ मँ एकदम असमर्थ होइहीं। |
| 4 |
| सबहिं पलिस्ती लोगन क नस्ट करइ क समइ आइ ग अहइ। सोर अउर सिदोन क बचे सहायकन क नस्ट करइ क समइ आइ ग अहइ। यहोवा पलिस्ती लोगन क हाली नस्ट करी। कप्तोर द्वीप मँ बचे लोगन क उ नस्ट करी। |
| 5 |
| गज्जा क लोग सोक मँ बूड़िहीं अउर आपन सिर मुड़ँइहीं। अस्कलोन क लोग चुप कइ दीन्ह जइहीं। घाटी क बचे लोगो, कब तलक तू पचे आपन क काटत रहब्या? |
| 6 |
| “ओ! यहोवा क तरवार, तू रूकिउ नाहीं तू कब तलक मार करति रहबिउ? आपन म्यान मँ लउटि जा, रूका, सान्त ह्वा। |
| 7 |
| किन्तु यहोवा क तरवार कइसे बिस्राम लेइ? यहोवा एका आदेस दिहस ह। यहोवा एका इ आदेस दिहस ह कि इ अस्कलोन नगर अउर समुद्र तट पइ हमला करइँ।” |
| नोट्स सहेजें |
https://beblia.bible:81/BibleAudio/awadhi/jeremiah/047.mp3
52
47