×

Adamawa 1994

Yeremiya 47

1
Hiddeko Firawna haɓa bee Gaaza, Jawmiraawo wolwani Yeremiya dow Filisti'en.
2
Ndaa nii Jawmiraawo wi'i: “Ndiyamji ɗon ɓesdo haa woyla, ilan bana maayo teelanŋgo. Ɗi paccan dow lesdi e ko woni dow maari fuu, dow gure e jooɗiiɓe ton. Yimɓe toroto ballal, yimɓe lesdi fuu mboyan.
3
Ɓe nanan hoolo koloŋgi pucci e riggaaŋgo mootaaji pucci e hoolo pallooje maaji. Baabiraaɓe ngeecitittaako gal ɓikkoy muuɗum'en, ngam juuɗe maɓɓe tampi.
4
Saa'i waɗi ngam halkugo Filistiya fuu, ngam ta'ugo ballal wallanɓe Tirus e Sidon fuu. Min Jawmiraawo mi halkan Filisti'en iwɓe duunde Kaftor.
5
Mettamɓeram wari haa Gaaza, yimɓe Askalon cirwi. Ndey on accata ƴargo ɓalli mooɗon nder waadiwol mon?
6
On ɗon ngooka: Kayto! Haa ndey kaafahi Jawmiraawo accata fiyugo? Lora nder suudu ma, de'u, siwta! –
7
Noy ki siwtorto to min Jawmiraawo umri ki? Mi neli ki ta'ugo Askalon e jooɗiiɓe haa fomoonde mbeela!” Ton o yahrata ki.
Fulfulde Bible Adamawa 1994
DEFTERE ALLAH Alliance Biblique du Cameroun, 1994
:
Hisnu Teskorɗe