Ika Bible 2018
|
| 1 |
| Ọnwan wụ ihiẹn Osolobuẹ gwa Jerimaya onyẹ-amụma banyeni ndị alị Filistia kẹ Fẹro kelẹni lụsọn obodo Gaza agha. |
| 2 |
| Osolobuẹ sị: “Lee kẹ iyi rị alị rị ẹbamịn-ugu dọn rị e ru — Wẹ jẹnkọ d'e jun pụ ọnụ, huru — huru alị lẹ ihiẹn ile rịn'a huru obodo ndị rị alị hụ lẹ ndị bi imẹ wẹ. Ịhịan ile k'a rị e yi oro; ndị bi alị hụ k'a rị e goo, |
| 3 |
| ogẹn wẹ e gi nụ nkiti-ụkụ ẹshin-agha lẹ ụzụn ụgbọ-anyịnyan agha lẹ ụkụ ụgbọ-ẹshin ndị-iṅẹnrẹn wẹ gi lala. Ndị nẹdi elekọdẹ ẹnya azụụn nị wẹ yeni ụmụ wẹ ẹka makẹni ẹka a lịlọpụgụọ wẹ yeni egun. |
| 4 |
| Makẹni ogẹn e rugụọ w'e gi tikpọ ndị alị Filistia ile, napụchanrịn ndị Taya-lẹ-Sidọnụ ndị ile te họdụnị nkẹ e yeni wẹ ẹka. Osolobuẹ e d'e tikpọ ndị Filistia, ndị ahụn gha alị Kaftọ wụ Kriti ohimin fihunmẹ bịa d'e biri alị Filistia. |
| 5 |
| Ndị obodo Gaza rị alị Filistia k'a kpụnpụ ntutu wẹ, nị ụya e ru wẹ isi. Ndị obodo Ash'kẹlọnụ rị alị Filistia ahụnkọ ọnụ ku oku. Ndị họdụ alị-aradan Filistia, elee mgbe kẹ ụnụ e bekikabehi enwẹn ụnụ ẹhụ — ebe ụnụ rị a kwan ụya?! |
| 6 |
| “ ‘Euu ọpịa-agha Osolobuẹ! ele mgbe y'e gbubehi? Kin azụụn imẹ ọbụọ ị; gbubehi, zu ikẹn!’ |
| 7 |
| Nanị k'o dọn nwan zu ikẹn, bụ Osolobuẹ a sịgụọ a d'a maye ndị Ash'kẹlọnụ rị alị Filistia; o tumẹgụọ a n'o gbupụ alị ndị ahụn rị mkpẹnrẹn Ohimin?” |
| Save Notes |
https://beblia.bible:81/BibleAudio/ika/jeremiah/047.mp3
52
47