Bukuit Ne Tilil RV 2015
|
| 1 |
| Ki nyoonji `ng'olyootap Kamuktaindet ne Toroor maotyot Jeremiah agobo Philistik, kotomo kobar Pharaoh Gaza. |
| 2 |
| Mwaei Kamuktaindet ne Toroor kole: Ogeero, Tesoksei peek kobunu murot kaataam kot koek kereruut aineet ne chwaldoi, ak kochwalda emet ak tugul che mi olooto, nganaseet kobooto che menyei olooto: ak koriiryo murenik, ak kowaakyo piik tugul che menyei emet. |
| 3 |
| Ye kas kirgirenetap keelyegap paraisisyegap piikyik che kiimeen, eng' rwaetap kariisyekyik che po lugeet, eng' cheetap keelyegap kariisyekyik, magusyin kong' kwanisyek lagokwak amu nyalulnatetap eunek; |
| 4 |
| amu peetuut ne nyoonei koluulei Philistik tugul, si koisto eng' Tyro ak Sidon toretindet age tugul ne ng'etu: amu luulei Kamuktaindet ne Toroor Philistik, che ki ng'et che po ngeguutap Kaptor. |
| 5 |
| Kanyonji Gaza poosto; kagiges Askelon, che ki ng'et che po atebweetap Mediterenian: iriire ak itei kot kotyanit? |
| 6 |
| Ee, inyee rotwetap chok ne po Kamuktaindet ne Toroor, tyanitu si tuun isiis? Weekyigei chogeng'ung'; imuuny, ak isiis. |
| 7 |
| Imuktoi ano isiis, igeere ile ki kong'atin Kamuktaindet ne Toroor ibar Askelon, ak ngeguutap nyanjet? Ki kong'at ko uu nooto. |
| Save Notes |
https://beblia.bible:81/BibleAudio/kalenjinrevised/jeremiah/047.mp3
52
47