|
| 1 |
|
| A hiehâhna sômasi ry liata Pasataona a hmôtuhpa chyhsa ei châ. |
|
| 2 |
|
| Khaihna rai y leina zohna lâ Na to ta, einâ chhi; |
|
| 3 |
|
| Ei chô liata a ku hy ta, Noh y ta a hy chanei ngâ thlâh haw. |
|
| 4 |
|
| Ei sapa nata ei vo pazaosa ta, Ei ruzy a thlie khai haw. |
|
| 5 |
|
| Na dôhpa ta na chadô ta, Palôh pasana nata rietheina ei chô liata a patlôsa. |
|
| 6 |
|
| Hlâno ta a thi hapazy hawhta, Zohna liata eina paysa. |
|
| 7 |
|
| Ei pua thei lei nawpa ta na dôhkhâh ta, Bâlia a hripazy ta eina buh. |
|
| 8 |
|
| Baona hiapa ta ei awsaopa chhao ta, Ei thlahchhâna a khaw haw. |
|
| 9 |
|
| Alô khaipazy ta ei lâpizy papo ta, Ei lâthlôhzy a pakosa haw. |
|
| 10 |
|
| Ano cha chavyh nâ byhpa hawhta châ ta, Chakeibarôhneipa nâ nyukhâhpa hawhta a châ; |
|
| 11 |
|
| Ei lâpizy tawhta nâ daophipa ta na hriechheih ta, Roryhrapa ta eina paysa. |
|
| 12 |
|
| A libaw a kei ta, A châtai anuana châta eina tawh. |
|
| 13 |
|
| A lavâ liata châtaizy ta Ei lôpo a ka pahlie haw. |
|
| 14 |
|
| Phopi zydua châta pahneisaopa châ na ta, Pasipasawhna hla noh y ta ama sa thlupa ei vaw châ haw. |
|
| 15 |
|
| Sihnâ khapazy ta ei rih na pabie ta, Thohna khapa ti eina parisa. |
|
| 16 |
|
| Alô châpa liata na chhuhpa ta ei hâhzy palaosa ta, Dohlei liata eina pahluasa; |
|
| 17 |
|
| Hro thlalôhna ta nâ hneisai ha ta, Alyna cha kheihta ma a y tahpa ei my haw. |
|
| 18 |
|
| Chavâta hetana heta ei tah: “Ei rônahna lei ha ta, Abeipa tawhta ei hnabeiseihna a lei haw.” |
|
| 19 |
|
| Ei pasataona nata ei viavinazy a thei la, Thohna khapa ti nata châmaih ti ei dopazy a thei thlâh ha mah y. |
|
| 20 |
|
| Chazy cha ei theina maihta, Ei hro a thazei ta â bôh tyh. |
|
| 21 |
|
| Châhrasala he he a thei heih na ta, Chavâta hnabeiseihna ei hnei. |
|
| 22 |
|
| Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ. |
|
| 23 |
|
| Na kyhpachâna nata zawngiahna cha my chareih thieh lymâ ei ta, Na ngâchhihna a rônah ngaita. |
|
| 24 |
|
| Chavâta ei hro ta, “ Abeipa cha ei tovyuh châ ta, Chavâta ano liata ei hnabei a seih aw,” a tah. |
|
| 25 |
|
| Abeipa cha ano a hâtuhpazy châta pha ta, Ano a tluatuhpa hro châta a pha. |
|
| 26 |
|
| Abeipa pachhana hmô awpa ta, A chalihpa ta hâpa cha hmo phapa a châ. |
|
| 27 |
|
| A thyutlia daihti liata raopaky a kypa chyhsa cha, Ano châta hmopha a taopa a châ. |
|
| 28 |
|
| Raopaky pakypa a châ nota, Ano dei ta a thlih thlâh hapa ta a tyuh mawh sy; |
|
| 29 |
|
| A pakah dohlei liata ny mawh sy, Hnabeiseihna a y thei thlâh ha ngyu aw; |
|
| 30 |
|
| A baih a chabaihtuhpa châta a baih dao sala, Reipachhiena ta bie mawh sy. |
|
| 31 |
|
| Abeipa ta a chyhsazy cha, Chhâzaw ta thy pathlah aw vei. |
|
| 32 |
|
| Ama pachâ parôhsa ha hra sala, A kyhpachâna tleih beih leipa vâta zawh â ngiah heih aw ei. |
|
| 33 |
|
| A palôh hmeiseihpa ta âmo cha pasa pataosa vei, Chyhsa sawzy pachâ parôhsa awpa cha a kho chaipa châ hlei vei. |
|
| 34 |
|
| Khizaw sei ta â tâhpa zydua tlysao khai awpa cha, Abeipa ta paryhsa hlei vei; |
|
| 35 |
|
| Chônôchaipa hmiakô liata chyhsa adona thypa chhao, Abeipa ta paryhsa vei; |
|
| 36 |
|
| Ryureina liata chyhsa bie pakosapa chhao, Abeipa ta paryhsa hra vei. |
|
| 37 |
|
| Abeipa ta bie a pie leipa khiahta cha, Ahy ma a bie reipa a patlôsa thei tly? |
|
| 38 |
|
| Hmo phapa chhao hmo chhiepa chhao, Chônôchaipa pakah tawhta a puapa châ vei ma? |
|
| 39 |
|
| Khazia chyhsa hrohpa ta paphôhpa ta, A moleinazy vâta hriena kyh liata a paphôh tly? |
|
| 40 |
|
| Eima lâpizy pasiapa ta pakhâta ta moh sih la, Abeipa lâ kua heih suh u! |
|
| 41 |
|
| Eima palôh nata eima kuzy chaluah sih la, Avâ Khazohpa lâ chaluah suh u: |
|
| 42 |
|
| “Hmoparao pi ta eima châ dyuh, Chavâta miah a ngiahthai va chi. |
|
| 43 |
|
| “Hiehâhna poh a bupa ta miah a chadai chi ta, Ngiachhiena rai hnei leipa ta miah na thie haw. |
|
| 44 |
|
| Meihdo poh a bu chi ta, Thlahchhâna ta meihdo sie pahlie thei vei. |
|
| 45 |
|
| Apuapa nata hnaihny ta miah tao chi ta, Cha hawhta phopizy hry liata miah na tao haw. |
|
| 46 |
|
| “Eima chariahpa zydua ta Ama pakah miah ama pakawh chie; |
|
| 47 |
|
| Apahlawna nata khaohtlô ta miah tlô thlu ta, Chhiena nata raona ta miah a tlô thlu. |
|
| 48 |
|
| Ei phopi sawchanô raona vâta, Chavah hawhta ei mothlih a loh. |
|
| 49 |
|
| “Mo hi leipa ta ei mothlih loh aw ta, A chalih leipa ta ei mothlih a loh lymâ aw; |
|
| 50 |
|
| Abeipa ta vârâh tawhta za moh sala, A hmô hlâlei cha ei mothlih a loh lymâ aw; |
|
| 51 |
|
| Ei khihpi sawchanô zydua vâchhiena ei hmôpa ta, Ei pachâ thata a parôhsa. |
|
| 52 |
|
| “Ei chariahzy ta a chhâpa y leipa ta Pavaw hawhta einâ byh ei; |
|
| 53 |
|
| Ahrohpa ta khaohtlô liata na pathla ei ta, Alô ta eina vawh ei; |
|
| 54 |
|
| Ti ta ei luh na vao ta, ‘Ei leidia ha na!’ ei tah. |
|
| 55 |
|
| “Hy Abeipa, na moh pado na ta, Khaohtlô athupa chaopahrâ tawhta na moh ei pado; |
|
| 56 |
|
| Ei ao thei chi ta, Baona hiapa ta ei awna liata na nah rie a chahu khah y; |
|
| 57 |
|
| Ei cha aw tita nâ vaw hnia chi ta, ‘Chi khah y!’ eina tah chi. |
|
| 58 |
|
| “Hy Abeipa, nâ duakhei chi ta, Ei hrona na chatlai haw; |
|
| 59 |
|
| Hy Abeipa, ei chô liata hmo doleipa ama taopa hmô chi ta, Nâ ta ei thâtih pachia mah y; |
|
| 60 |
|
| Ama phuh lana zydua hmô khai chi ta, Eina teina zydua ei na hmô khai. |
|
| 61 |
|
| “Hy Abeipa, pasipasawhna bie ama reipazy thei khai chi ta, Eina teina zydua ei na thei khai; |
|
| 62 |
|
| Nâ siehnaopazy hmao nata pachânazy ta Noh y ta eina chakhia; |
|
| 63 |
|
| Moh tua, amâ tyuduana maih liata Pasipasawhna hla ama sa thlupa ei châ bâ. |
|
| 64 |
|
| “Hy Abeipa, âmo cha viari thô la, Ama ku hmotaopa lymâ hawhta viari thô mah y; |
|
| 65 |
|
| Ama palôh kuh pachhasa la, Ama chô liata na chhiesana patlôsa mah y; |
|
| 66 |
|
| Hy Abeipa, hiehâhpa ta âmo cha a chadai la, Na avâzy ry tawhta âmo cha pahleipadia mah y.” |
|
|
|
|