|
| 1 |
|
| Hy Abeipa y, eima chô liata a vaw tlôpa he a thei la, Eima maophyuhna he moh la, hmô mah y! |
|
| 2 |
|
| Eima ryuto râhzy cha chihropazy hnohta piepa châ ta, Eima ozy râh hropazy hnohta piepa a châ ha hih. |
|
| 3 |
|
| Hârapazy nata paw hnei leipazy châ ha pi ta, Eima nôzy chhao nôhmei hawhta ama châ haw. |
|
| 4 |
|
| Keimo ti tlai cha a mâ piepa ta do awpa byuh ha ta, Keimo tho tlai cha a mâ hneipa ta miah ama zua hnao. |
|
| 5 |
|
| Miah chadaituhpazy ta raopaky miah paky ei ta, Eima thachhâ ta, apahâna rai miah pie veih ei. |
|
| 6 |
|
| Rihbiena khi viahchhâ hnei awpa ta, Izi lâ ku dao pi ta, Asuria lâ ku eima dao. |
|
| 7 |
|
| Miah pathlatuhpazy ta vaw molei ei ta, Âmo cha y khao veih ei; Keimo ta ama paraonazy eima phaoh. |
|
| 8 |
|
| Seizy ta eima chô liata ryureih bâ ei ta, Ama ku tawhta miah a pachha awpa y veih ei. |
|
| 9 |
|
| Râhchawhpa liata zaozi vâta, Eima hrona sokhâhpa ta viahchhâ eima hmô tyh. |
|
| 10 |
|
| Eima vozy cha chakâh noh lopa vâta, Lômathu hawhta a saih khai haw. |
|
| 11 |
|
| Zaio liata chanôzy patupakhi ei ta, Zudâh khihpizy liata laihsazy ama patupakhi. |
|
| 12 |
|
| Beimachâzy cha ama ku liata buhpa ta bangieh ei ta, Machâzy chô liata zana palâsa khao veih ei. |
|
| 13 |
|
| Satliazy sâh chariehsa raruah ei ta, Chapaw hawtizy tho a hripa a piapa ta ama pao chheichhâ. |
|
| 14 |
|
| Machâzy khihpi thokhy chhikao siesai ha ei ta, Satliazy ta ama pyungiapa ama siesai haw. |
|
| 15 |
|
| Eima palôh alynazy pai ha ta, Eima lâpa mâchhiesana lâta â lie haw. |
|
| 16 |
|
| Eima luh tawhta lakho tla ha ta, Molei ha pi ta, eima hu a po kaw dia! |
|
| 17 |
|
| He vâna heta eima palôhzy panao ta, Hezy vâna heta eima mozy a zoh haw, |
|
| 18 |
|
| Zaio Tlâh roryhrapa ta y ta, Changiezy tlaihna tlâh a châ hapa vâta. |
|
| 19 |
|
| Châhrasala Hy Abeipa, nâ cha chhâzaw ta ryureih chi ta, Chhâ zydua taihta na beidyuchhai â duah lymâ. |
|
| 20 |
|
| Khazia ma chhâzaw ta miah my chi ta, Cha ti cha sâ miah na siesai tly? |
|
| 21 |
|
| Hy Abeipa, paduapathipa ta eima y thei nawpa ta, Nâ lâ miah pakuasa heih la, Hlâno daihti hawhna khata eima nohzy pathieh heih mah y. |
|
| 22 |
|
| Miah na thy pathlah hapa châ leipa sala, Eima chô liata na hie a hâh ngâsâ hapa a châ leipa khiahta cha, Nâ lâ miah pakuasa heih la, Hlâno daihti hawhna khata eima nohzy pathieh heih mah y! |
|
|
|
|