|
| 1 |
|
| Euu Osolobuẹ, nyanhankwọ ihiẹn hụn mẹni ẹnyi, lee ẹnya n'ị hụn ụya ẹnyi rị e ri. |
|
| 2 |
|
| Ndị ẹnyi marịnlẹni e werigụọ alị ẹnyi, itumunyẹ e werigụọ ụlọ ẹnyi. |
|
| 3 |
|
| Ẹnyi e họnringụọ ndị nwọnlẹni nẹdi, ndị nnẹ ẹnyi a wụrụgụọ ndị di nwụnnahịn. |
|
| 4 |
|
| Ẹnyi rị nwan e ṅọn mirin ẹnyi a ra e ṅọn; ẹnyi e ṅọnzidẹ nkụn e ṅọn. |
|
| 5 |
|
| Ndị chọkọ isi ẹnyi e rugụọ ebe ẹnyi rị; ndụn a gụchanrịn ẹnyi, ẹnyi ara zu ikẹn. |
|
| 6 |
|
| Ẹnyi e bugụọ enwẹn ẹnyi che okpuru alị Ijiptu lẹ alị Asiria kẹni ẹnyi a hụndẹ ihiẹn ẹnyi e ri. |
|
| 7 |
|
| Ndị nẹdi ẹnyi mẹ njọ bụ arịzị wẹ nwan ndụn, ẹnyi rị nwan a ta afụnfụn njọ wẹ. |
|
| 8 |
|
| Ndị igbọn rị nwan a kị ẹnyi, onwọnni onyẹ a gbapụhanị ẹnyi ẹka wẹ. |
|
| 9 |
|
| Ẹnyi e be isi e ye ọb'ẹka kẹni ẹnyi hụn ihiẹn ẹnyi e ri, makẹni ndị gi ọpịa-agha rị ụzọ ugbo imẹ atụ. |
|
| 10 |
|
| Akpụkpọ-ẹhụ hụ a nụ ẹnyi ọkụn nọkẹ ẹnya-mgba yeni ẹgụn. |
|
| 11 |
|
| E kwọngụọ wẹ inyẹnmẹ ẹnyi mẹ mgba wẹ imẹ obodo Zayọnụ, kwọn ịgbagba ẹnyi mẹ mgba wẹ imẹ obodo ndị rị alị Juda. |
|
| 12 |
|
| E kẹnmẹ wẹ ndị-isi ẹnyi ẹka gi ẹ kọnmẹ wẹ elu, gbe ifẹnrẹn ye ndị-ichẹn ihun. |
|
| 13 |
|
| Ikorọbịa hụ a tagbu enwẹn wẹ afụnfụn ebe wẹ n'a kwọnị ndị gini ẹnyi ihiẹn; mmụna-ikẹnnyẹ hụ a dangbuhunmẹ yeni ibu nkụn rị a nyingbuni wẹ. |
|
| 14 |
|
| Ndị-ichẹn arịzị ọgwa ọnụ-mgbọn obodo; ikorọbịa a kụbehigụọ egu wẹ. |
|
| 15 |
|
| Ịghọghọ arịzị ẹnyi obi; ẹkwan a narịngụọ ẹnyi egu ẹnyi rị e tẹn. |
|
| 16 |
|
| Okpu-eze a ghagụọ ẹnyi isi dan. Ụya e rịgụọ ẹnyi makẹ njọ ẹnyi! |
|
| 17 |
|
| Ihiẹnni haịn ndụn gi nwan gụ ẹnyi — ẹnya ẹnyi a changụọ ẹnyi gi a kwan ẹkwan ihiẹn ndịnị, |
|
| 18 |
|
| a kwan nị Ugu-Zayọnụ gbagụ nwan okpokoro, hụn nkitẹ-ọfịa wụ jakalụ rị nwan imẹ ẹ a kpahunmẹ. |
|
| 19 |
|
| Kanị, ịyụ wụ Osolobuẹ a kị jẹnrin ejẹn; ukpo ọkịkị ị k'a rị gha agbọ pụ agbọ. |
|
| 20 |
|
| K'ị tọnị nwan a zọ ẹnyi? K'ị lanị nwan ẹnyi tọ ọrọgbọnị ile? |
|
| 21 |
|
| Euu Osolobuẹ, dodo, wekinhẹn ẹnyi ebe ị rị, kẹni ẹnyi rịzị ebe ẹnyi rị; mẹ n'ọ rịzịnị ẹnyi mma k'ọ rị mbụ — |
|
| 22 |
|
| mmanị y'a jụchanrịngụọ ẹnyi, nị olulu ị rị e buni ẹnyi arọkọzị. |
|
|
|
|