×

Biblia Ande Chib Romani 2018

Lamentations 5

1
Devla, de tut golli katar so nakhlam, dik sar maren amendar espurnia.
2
Amare ezgode lie len e llene katar aver phuvia. Amare chera akana si e llenenge kai ni pinllara.
3
Achilam korkorre, bi dadeko, amare dea achile sargo phivle.
4
¡Trubul te pochina isto amaro pai, ta te pochina isto amare kasta e iagake!
5
Amare dusmanura llan pala amende, sam chinie ta ni muken te lelpe amendar o chiñipe.
6
Te sai ja o marrno, inzara amaro va karing o ejipsio ta karing o asirio.
7
Amare dada cherde o bilachipe ta mule, a amen pochina pala lengi dos.
8
E sluge gazdarin pe amende, ta inai ko te kurtulil amen lendar.
9
Pe dar te mera ana o marrno angla o jarni katar e boñikura po pusto.
10
Kaliol amaro mas katar o tatipe ta phabol nasualimatar pala e bok.
11
Die ando lallao e diskinien ando Sion, die ando lallao e cheen ando Judas.
12
E gazda kai sea amen, umblade len katar e va, ni avila lenge liubao katar e phure.
13
E chaven thode len te moren, a e terne ni saia len zor te inllaren e kasta.
14
Ni dikhon e phure pe udara e foroke, ni asundon ios e llilia e ternenge.
15
Inai ios veselia ande amare lie, amaro chelipe cherdilo zalba.
16
Pelitar e korona katar amaro soro. ¡Tesko amenge akana soke cherdam o bilachipe!
17
Goleke pherdilo zalba amaro lio, goleke dikha truniariko pe amare akha.
18
Po burdo o Sion kai achilo zatrime, upral llan e lisiche akana.
19
¡A tu Devla san ostade, cho trono si ostade!
20
¿Soke bristrailan sa amendar? ¿Soke muklan amen gachin vreme?
21
¡Devla, an amen tute, ta ka iria men! ¡Cher te avel amaro zivoto sar saia omanglal!
22
A tu ni kamlan amen, bari saia chi joli pe amende.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes