Ya kẹ Mmọn Osolobuẹ nọ kwọndọn m, Osolobuẹ nọ sị m, “Sị wẹ, ‘Lee ni ihiẹn Osolobuẹ ku: Ihiẹnni kẹ ụnụ ndị Izrẹlụ rị e ku; a marịnzịghọ m ihiẹn ụnụ rị e ro imẹ obi ụnụ.
Ebe m rị nwan e bu amụmanị, Pẹlatịa nwa Bẹnaya nọ nwụnhụn. Ya m nọ bu ẹfọ mama alị, yi, “Euu, Osolobuẹ nwọn ihiẹn ile, n'i gbuchanrịn ndị Izrẹlụ ile họdụnị?!”
“Nwa-ịhịan, ndị bi imẹ Jerusalẹm kikẹnni rị e ku oku ịyụ lẹ umunẹ i ndị Izrẹlụ ile wẹ kpụnjẹn yụ lẹ wẹ Babilọnụ. Wẹ rị a sị, ‘Arịzị wẹ ebe Osolobuẹ rị; ẹnyi kẹ Osolobuẹ ye nwan alịnị weri.’
“Sị nwan, ‘Lee ni ihiẹn Osolobuẹ nwọn ihiẹn ile ku: Ọsụọn'a nị e te kpọnghọ m wẹ shi alị ndị ọzọ rị ebe teni, fe wẹ yesọnmẹ alị ichẹn-ichẹn, m hụ a nọyeni wẹ ẹkẹrẹ imẹ alị ndị wẹ shi.’
“Sị wẹ nwan, nị Osolobuẹ nwọn ihiẹn ile sị wẹ, ‘M jẹnkọ d'a gha imẹ ndị alị ndị ọzọ lẹ alị ichẹn-ichẹn m fe ụnụ ye kịlụa ụnụ; e weyezi m ụnụ alị Izrẹlụ.’