Kä cu yiëë ɣä kap nhial, kä cuɛ ɣä naŋ thok kal luaak Kuɔth in te kui̱c känyä ca̱ŋ. Kä ɛn wi̱ni thok kal, cua̱ wutni ti jiɛn da̱ŋ rɛw wi̱cdɛ dhieec nɛn, kä te Yɛ̈-ä-dhɛ̈n-yaa gat Ɛ̈-dhur kɛnɛ Pɛ-lɛ̈t-yaa in la gat Bɛ-na-yaa tin la bööth nath rɛydiɛn.
Kä cu yiëë Kuɔth ben puɔ̱ɔ̱nydä, kä cuɛ ruac kɛ ɣä wëë i̱, “Latdɛ, ci Kuoth Nhial ruac ɛn ɣöö, mɛmɛ ɛ min car yɛn ɛ lö thok duëël I-thɛ-rɛl. Ɣän ŋa̱cä tin ci ben wuɔ̱thnikun.
Kä bi yɛn ɛ cu ŋa̱c ɛn ɣöö ɛ ɣän Kuoth Nhial in /ken yɛn luëëkɛ guɔ̱ɔ̱r, kä /ken yɛn ŋuɔ̱tkɛ tit, kä cu yɛn wä guɔ̱ɔ̱r ni ŋuɔ̱t dööri tin cieŋ yɛn kɛɛl kɛ kɛ.”
Täämɛ, ɣän min latdä ruaacni go̱o̱kä, cu Pɛ-lɛ̈t-yaa gat Bɛ-na-yaa li̱w. Kä cua̱ rɔɔdä yuɔr piny buupä kä cua̱ wiee kɛ jɔw mi di̱i̱t wa̱a̱ i̱, “Aɣ Kuäär ni Kuoth Nhial! Ɛ bi nɛy tin ci kään kä I-thɛ-rɛl ku thuk, ni kɛn diaal?”
Kɛ kui̱ ɛmɔ larɛ ruacdä ɣän Kuäär ni Kuoth Nhial ɛn ɣöö, cäŋɛ ni min cäkɛ woc a tekɛ ni nɔ̱nä, kä cäkɛ kiɛth rɛy dööri diaal, cua̱ ŋot bä ta̱a̱ kɛ gua̱a̱th mi tɔt cu ɣän a luak rɛy wi̱i̱ni tëë cikɛ wä thi̱n.