bikɔs dɛn na pipul dɛn we nɔ de gri fɔ yɛri wɔd. So mɔtalman, pak tin dɛn we pɔsin we de go ɛgzayl kin pak fɔ yusɛf ɛn go ɛgzayl santɛm we dɛn go si yu; yu fɔ go lɛk pɔsin we de go ɛgzayl, kɔmɔt na yu ples go ɔda say we dɛn de si yu. Sɔntɛnde, dɛn go ɔndastand, ivin do dɛn na pipul dɛn we nɔ de gri yɛri wɔd.
Yu fɔ briŋ yu lod kan na do santɛm we dɛn go si am lɛk lod we dɛn pak fɔ go ɛgzayl; ɛn yu fɔ kɔmɔt go ivintɛm we ɔlman de si yu, lɛk we pipul dɛn we fɔ go ɛgzayl kin du.
We dɛn de luk, yu go es di lod ɛn put an na yu sholda, ɛn tek am go na do wɛn di ples dak; yu go kɔba yu fes, so dat yu nɔ go si di land; bikɔs a dɔn mek yu fɔ bi wɔnin fɔ Izrɛl.
Ɛn a bin du lɛk aw PAPA GƆD bin kɔmand mi. A bin briŋ mi lod kan na do santɛm, lɛkɛ lod fɔ go ɛgzayl, ɛn ivintɛm a dig ol na di wɔl wit mi yon an dɛn; ɛn as dɛn bin de luk, a kɔmɔt ɛn tot ɔl mi tiŋs dɛn na mi sholda ɛn go we ples dɔn dak.
Ɛn di lida we de wit dɛn go tot in lod nain sholda we ples dak ɛn go; i go dig ol na di wɔl ɛn go pas de go; i go kɔba in fes so dat i nɔ go si di land wit in yay.-
Ɛn a go skata ɔl di wan dɛn we de rawnd am, di wan dɛn we de ɛp am ɛn ɔl in sojaman dɛn ɔlɔbɔt usay briz de blo; ɛn a go pul di sɔd kɔmɔt nain kes pan dɛn.
Bɔt a go mek tu tri pan dɛn nɔ day na wa, ɔ wit bad bad aŋri ɔ wit dɛn bad bad sik, so dat dɛn go kɔnfɛs di bad tin dɛn we dɛn bin dɔn du, to di difrɛn neshɔn we dɛn go go, ɛn dɛn go no se na mi na di PAPA GƆD.
ɛn tɔk bɔt di pipul dɛn na di land se, Na so Papa Gɔd we na Gɔd se bɔt di pipul dɛn we tap na Jerusɛlɛm na Izrɛl; dɛn go it dɛn bred wit fred fred, ɛn dɛn go drink wata wit pwɛl at, bikɔs dɛn go tek klia ɔltin kɔmɔt na di kɔntri, fɔseka ɔl di fɛt fɛt we di wan dɛn we tap de, de fɛt.
So tɛl dɛn se, “Na dis PAPA GƆD we na Gɔd se: A go mek dɛn tap dis parebul ya, ɛn dɛn nɔ go yuz am as parebul igen na Izrɛl!’ Bɔt tɛl dɛn se, di tɛm dɔn kam nia ɛn ɔl di vishɔn fɔ bi.
Bɔt mi we na PAPA GƆD go tɔk di wɔd we a go tɔk, ɛn i go bi. PAPA GƆD se, ‘i nɔ go te igen, bɔt na una tɛm, una dɛn pipul dɛn we nɔ de gri yɛri wɔd, a go tɔk di wɔd ɛn du am.’