U ka yelifɛnw ye fɛnkolonw ye, u ka kirayakuma ye galon ye. U b'a fɔ ko: Masaba kumana, k'a sɔrɔ Masaba ma u ci. O bɛɛ n'a ta, u be miiri ko u be min fɔ, k'o bena kɛ.
Kira minw be yelifɛnkolonw ye ka galonkiraya kɛ, ne bena wili olu kama. U tena sɔrɔ ne ka mɔgɔw ka ɲɔgɔnyew la, u tɔgɔ tena sɛbɛn Isirayɛlidenw ka buruju sɛbɛ kɔnɔ, u tena don Isirayɛli jamana kɔnɔ tugu. O tuma na, aw ben'a lɔn ko ne ye Matigi, Masaba le ye.›
Aw ye kogo min mɔn, ne bena o ci k'a ben duguma, a juu bena bɔ kɛnɛma. Kogo nin bena ben, a bentɔ, aw bena halaki. O tuma na, aw ben'a lɔn ko ne ye Masaba le ye.
k'a fɔ ko ne Matigi, Masaba ko: ‹Musow, aw minw be bololasɛbɛw dilan ka musɔrɔ siri mɔgɔw kuun na, mɔgɔkɔrɔba fara denmisɛnw kan, janko k'u sɔrɔ aw ka fanga kɔrɔ, bɔnɛ ye aw ta ye. Aw b'a miiri ko aw bena ne ka mɔgɔw kɛ ten k'aw yɛrɛ nii kisi kɛ?
Aw ye ne tɔgɔ cɛn ne ka mɔgɔw cɛma bolo ɲaa damani suman ni buru kunkurun damani kosɔn. Mɔgɔ minw man kan ka faga, aw be olu faga, minw ka kan ka sa, aw be olu to yen, ka ne ka mɔgɔw nigɛ, minw be galon lamɛn.›
O la, ne Matigi, Masaba ko: Ne te sɔn aw bololasɛbɛw ma, aw be mɔgɔw ɲaa siri ni minw ye. Ne bena u tigɛ ka bɔ aw bolow la. Aw ye mɔgɔ minw minɛ jaan na i n'a fɔ kɔnɔninw, ne bena olu labila.
Aw ye mɔgɔtilenninw fari faga n'aw ka galonw ye k'a sɔrɔ ne ma kojugu latigɛ u kama, aw ye mɔgɔjuguw jaa gwɛlɛya janko u kana u ka sirajuguw bila k'u nii kisi minkɛ,