Yeccu ɓe: Ndaa nii Allah Jawmiraawo wi'i: Koo moy Isra'iilaajo mo ɓernde mum ɗakkotiri bee labbi, mo ɗon suto ko nastinta ɗum nder aybe, to o wari haa annabiijo, min Jawmiraawo bee hoore am mi jaaboto mo fodde ɗuuɗeeŋga labbi maako.
Mi huucitan yeeso am dow goɗɗo oo, mi laatinan mo alaama e balndol ngam reentingo yimɓe am fuu, mi nattina mo caka ummaatoore am. Nden kam on paaman min woni Jawmiraawo.
“Ɓii-Aadama, to yimɓe lesdi ngoɗndi ngewi umrooje am, nden kam mi fortan juŋngo am dow lesdi maajum, mi timmina ndesa nyaamdu nder maari, mi neldan weelo ngam nattingo yimɓe e dabbaaji ton.
nden kam koo to worɓe tato ɓe'e njooɗino ton, fakat bana min Allah Jawmiraawo mi geeto, ɓe kisnataano ɓiɓɓe maɓɓe worɓe e rewɓe. Kamɓe bee ko'e maɓɓe tan kisanno, ammaa lesdi laatotono ladde meere.
nden kam koo to worɓe tato go njooɗino ton, fakat bana min Allah Jawmiraawo mi geeto, ɓe kisnataano ɓiɓɓe maɓɓe worɓe e rewɓe, sey kamɓe bee ko'e maɓɓe tan kisanno.
nden kam koo to Nuuhu e Daniyel e Ayuba njooɗino ton, fakat bana min Allah Jawmiraawo mi geeto, ɓe kisnataano ɓiɓɓe maɓɓe worɓe e rewɓe, ɓe kisnanno sey yoŋkiiji maɓɓe tan, ngam ɓe adili'en.
Ngam ndaa nii Allah Jawmiraawo wi'i: Koo to mi ukkanan Urusaliima kiitaaji am naawɗi feere feere nayi ɗi'i, waato: Kaafahi e weelo e dabbaaji mbarooji e nyawu kalluŋgu ndaaɓoowu ngam nattingo yimɓe e dabbaaji nder berniwol,