kawachona niya, “Wuod dhano, jogi oketo chunygi kuom lamo nyiseche manono, kendo giyie mondo nyisechego otergi e richo. Koro ere kaka giparo ni anyalo dwokogi?
“Omiyo nyisgi ni an Ruoth Nyasaye awacho kama: An awuon ema nadwok ng’ato ang’ata ma ja-Israel moketo chunye kuom lamo nyiseche manono, kendo oyie mondo nyisechego otere e richo, to pod eka biro mondo openj janabi wach! Anadwoke dwok ma oromo gi lamo nyiseche mang’eny manonogo!
E kinde duto ma ja-Israel kata japiny moro modak kuom jo-Israel oweya, mi olamo nyiseche manono, kendo oyie nyisechego otere e richo, to eka pod biro mondo openj wach kuom janabi, an awuon ema nadwoke!
to kata da bed ni ji adekgo odak kuno, to ok digires kata mana nyithindgi giwegi, to ngimagi kende ema digiresi, kendo piny dilokre thim. An Ruoth Nyasaye mangima ema akuong’ora kamano.
“Koro an Ruoth Nyasaye awacho kama: Ka kamano, Jerusalem none malit machal nadi, ka akumogi gi lweny gi kech gi ondiegi kod tho marach, ma gin kumna ang’wen marichoe moloyo, mabiro nego ji kod jamni machalre?
To ka jomoko otony, mi obiro iru gi nyithindgi ma gisereso, to ranggiuru maber ane. Unune ka gin joma timbegi mono, mi unuyie ni kara kum ma akumogo Jerusalem ni kare.