Kadiboo mi saali, mi laari ma. Mi yi'i a heewti, a he'i te'eego. Mi we'iti alkibbaare am dow maaɗa ngam wiirnugo temmbuki ma. Nden mi hunani ma, mi haɓɓi alkawal bee ma, a laati te'aaɗo am.” Non Allah Jawmiraawo wi'i.
Bana nii a pawniiɗo bee cardi e kaŋŋeeri, a ɓorniiɗo limce leŋ e limce ɗigguɗe e tuppitaaɗe. A heɓi kuroori ɗiggundi e njumri e nebbam ngam nyaamdu ma. A ɓesdi wooɗugo, a he'i heɓugo tedduŋgal laamu boo.
A hoo'i limce ma marɗe noone feere feere, a waɗani hoore ma nokkuuje towɗe bee maaje, ton mbaɗɗa daakaareeku. A waɗi ko meeɗaay e irin man meetataa boo.
Non boo nyaamdu am ndu ndokkumaami, kuroori ɗiggundi e nebbam e njumri, a lii'ani ɗum bana dokkal uureeŋgol belŋgol, ndaa ko laati.” Non Allah Jawmiraawo wi'i.
Ndaa mi forti juŋngo am dow maaɗa, mi usti mardi ma. Mi yoofti ma haa suuno faanyɓe rewɓe Filisti'en konne'en ma. Kamɓe ɓe cemti ngam kuuɗe ma cemtiniiɗe.
Rewɓe daakaare'en fuu keɓan caahuuji. Ammaa an a hokki caahuuji ma haa waaye'en ma fuu, a yoɓi ɓe haa ɓe ngara diga koo toy fuu ngam waɗugo daakaareeku bee maaɗa.
Ndaa nii Allah Jawmiraawo wi'i: “A sudditi les maaɗa, a temmbiɗini ɓanndu ma ngam waɗugo daakaareeku bee waaye'en ma e labbi ma nyidduɗi fuu. A lii'ani ɗi ƴiiƴam ɓiɓɓe ma boo.
Nde nii a siftoraay wakkati nderkaaku ma, a tikkini yam bee kuuɗe ɗe'e fuu, ngam maajum, ndaa yam min boo: Mi lornan kuuɗe ɗe'e dow hoore ma, min Allah Jawmiraawo wi'i ɗum. Naa a ɓesdi cemtiniiɗum dow kuuɗe ma nyidduɗe?
Sey an boo a roondo toskaare ma jonta, ngam a seeti deerɗa'en bee kuuɗe ma ɓurɗe ɗe maɓɓe nyiddugo. Ɓe ɓuri ma adilaaku fakat. Sey a semta, a roondo toskaare ma, ngam a laatini deerɗa'en bana ɓe ngalaano aybe.
An boo a siftoran kuuɗe ma caaliiɗe. A semtan to deerɗa'en ngari haa maaɗa, adda e minya ɗiɗo fuu, ngam mi hokkete ɓe, ɓe laato ɓiya'en, koo to ɓe nastataa nder alkawal am bee maaɗa.
ngam haa a siftora ko saali, a semta. A meetataa maɓɓititgo hunnduko ma ngam daliila toskaare ma. Ngam saa'i man njaafotoomi kuuɗe ma fuu.” Non Allah Jawmiraawo wi'i.