|
| 1 |
|
| يَهْوٜىٰهْ يَايِ مَغَنَ دَنِے ثٜىٰوَ |
|
| 2 |
|
| «يَا كَيْ طَنْ مُتُمْ، سَيْ كَسَا عُرُوشَلِيمَ تَسَنْ أَيُّكَنْتَ نَبَنْ ڨَمَ؞ |
|
| 3 |
|
| كَثٜىٰ، ‹غَا أَبِنْدَ نِے عُبَنْغِجِ يَهْوٜىٰهْ نَا ڢَطَا عَكَنْ عُرُوشَلِيمَ، كٜىٰ یَرْ أَرْنَ ثٜىٰ، عَيْنِحِنْ أَصَلِنْكِ دَ وُرِنْ دَ عَكَ حَيْڢٜىٰكِ عَڧَسَرْ كَنْعَنَ نٜىٰ؞ بَابَنْدَ يَحَيْڢٜىٰكِ، مُتُمِنْ أَمُواْرِيَاوَا نٜىٰ، مَامَرْ دَ تَحَيْڢٜىٰكِ مَثٜىٰثٜىٰ دَغَ هِتِّ؞ |
|
| 4 |
|
| غَمٜىٰ دَ حَيْڢُوَرْكِ ڢَا، رَانَرْ دَ عَكَ حَيْڢٜىٰكِ، بَعَيَنْكٜىٰ مِكِ ثِبِيَرْكِبَ، بَعَكُمَ يِمِكِ وَنْكَ دَ ضُوَ دُواْمِنْ أَڟَبْتَثٜىٰكِبَ، بَعَغُواْغٜىٰكِ دَ غِشِرِ، كُواْ أَ نَطَاكِ عَثِكِنْ ڟُمُّواْكِبَ؞ |
|
| 5 |
|
| بَاوَنْدَ يَجِ تَوْسَيِنْكِ دَ ذَيْ يِمِكِ وَطَنَّنْ أَبُبُوَ نَجِنْڧَيْ؞ عَمَّا عَكَ جٜىٰڢَرْ دَكٜىٰ أَدَاجِ، غَمَا كِنْ ذَمَ أَبِنْ ڨَمَ أَ رَانَرْ دَ عَكَ حَيْڢٜىٰكِ؞ |
|
| 6 |
|
| « ‹سَعَدَّ نَكٜىٰ وُثٜىٰوَ نَغَنْكِ كِنَ بِرْغِمَ عَثِكِنْ جِنِنْ حَيْڢُوَرْكِ؞ يَايِنْ دَ كِكٜىٰ ݣُونْثٜىٰ عَكَنْ جِنِنْكِ، سَيْ نَثٜىٰمِكِ «كِرَايُ!» |
|
| 7 |
|
| نَسَا كِنْ يِغِرْمَ كَمَرْ ڟِرُواْ عَثِكِنْ دَاجِ؞ سَيْ كِنْ يِغِرْمَ، كِنْ يِڟَيِ، كِنْ كَيْ مَڟَيِنْ مَثٜىٰ، كِنْ ذَمَ ثِكَكِّيَرْ بُدُرْوَ، كِنْ يِمَامَا، غَاشِنْ كَنْكِ كُوَ يَيِ ڟَوُاْ؞ دُكْدَهَكَ بَاكِدَ رِغَا أَجِكِنْكِ، كِنَانَنْ ڟِرَرَ؞ |
|
| 8 |
|
| « ‹سَعَدَّ نَسَاكٜىٰ وُثٜىٰوَ كُسَدَكٜىٰ، سَيْ نَدُوبٜىٰكِ، غَاشِ كِنْ كَيْ لُواْكَثِنْ دَ ذَاعَ ڧَوْنَثٜىٰكِ؞ سَيْ نَرُڢٜىٰكِ دَ ذَنٜىٰنْ رُڢُوَتَ، نَرُڢٜىٰ ڟِرَيْثِنْكِ؞ نَشِغَ يَرْجٜىٰجٜىٰنِيَ دَكٜىٰ حَرْ دَ ضَنْڟُوَا، كِنْ كُوَ ذَمَ تَاوَ؞ نِے عُبَنْغِجِ يَهْوٜىٰهْ نَا ڢَطَا؞ |
|
| 9 |
|
| سَيْ نَيِمِكِ وَنْكَ دَ ضُوَ، نَوَنْكٜىٰ جِنِنْ حَيْڢُوَرْكِ، نَشَاڢٜىٰكِ دَ مَيْ؞ |
|
| 10 |
|
| نَسَا مِكِ رِغَا مَيْ أَدُوانْ سَاڧَ دَ تَاكَلْمِ مَيْݣَوْ؞ نَكُمَيِ مِكِ لُلُّٻِ نَلِيلِنْ مَيْݣَوْ دَ ذَنُّوَ مَاسُ ڟَادَ؞ |
|
| 11 |
|
| نَيِمِكِ أَدُواْ دَ أَبُبُوَ مَاسُ ݣَوْ، نَسَا مِكِ وَرْوَرُوانْ حَنُّ دَ سَرْڧَرْ وُيَ؞ |
|
| 12 |
|
| نَسَا مِكِ ذُواْبٜىٰ أَهَنْثِنْكِ دَ یَنْ كُنّٜىٰ عَكُنّٜىٰنْكِ دَ هُولَرْ دَرَجَ عَكَنْكِ؞ |
|
| 13 |
|
| تَهَكَ أَنْيِ مِكِ أَدُواْ دَ ظِينَارِيَ دَ أَظُرْڢَا؞ رِيغُنَنْكِ كُوَ نَلِيلِنْ نٜىٰ مَيْݣَوْ دَ ذَنُّوَ مَاسُ ڟَادَ مَاسُ أَدُوانْ سَاڧَ؞ كِنْ ثِ عَبِنْثِ مَڢِے ݣَوْ دَ ظُمَ دَ مَيْ؞ كِنْ ذَمَ ݣَكْݣَاوَا ڨُورَيْ دَ غَسْكٜىٰ، كِنْ يِغِرْمَ حَرْ كِنْ كَيْ دَرَجَرْ سَرَوْنِيَ؞ |
|
| 14 |
|
| سُونَنْ دَ كِكَيِ سَبُواْدَ ݣَنْكِ يَبَظُو عَثِكِنْ أَلْعُمَّيْ؞ غَمَا ݣَنْكِ تَذَمَ ثِكَكّٜىٰ تَوُرِنْ دَرَجَ وَدَّ نَسَا مِكِ؞ نِے عُبَنْغِجِ يَهْوٜىٰهْ نَا ڢَطَا؞ |
|
| 15 |
|
| « ‹عَمَّا كِنْ دُواْغَضَ عَكَنْ ݣَنْكِ دَ غِرْمَنْ سُونَنْكِ حَرْ كِنْ يِ أَمْڢَانِ دَسُو دُواْمِنْ كِمِيڧَ كَنْكِ غَ كُواْوَنٜىٰ مَيْ وُثٜىٰوَ ثِكِنْ كَارُوَنْثِ؞ كِنْ كُمَ بَاشِ دَرَجَرْكِ؞ |
|
| 16 |
|
| كِنْ طَوْكِ وَطَنْسُ رِيغُنَنْكِ، كِنْيِ وَكَنْكِ وُرَارٜىٰنْ سُجَّدَ نَأَلُّواْلِنْكِ أَدُواْ دَسُو، سَعَنً كِنْ يِكَارُوَنْثِ عَثِكِنْسُ، إِرِنْ أَبِنْدَ بَعَتَٻَيِبَ، بَ كُوَ ذَاعَيِ إِرِنْسُ نَنْ غَبَبَ؞ |
|
| 17 |
|
| كِنْ كُمَ طَوْكِ ݣَوَوَنْ كَايَنْ أَدُوانْكِ، أَدُوانْكِ نَظِينَارِيَتَ دَ أَظُرْڢَتَ وَطَنْدَ نَبَاكِ، كِنْيِ وَكَنْكِ صِڢُّواْڢِ نَمَظَا، كِنْ يِكَارُوَنْثِ دَسُو؞ |
|
| 18 |
|
| كِنْ طَوْكِ رِيغُنَنْكِ مَاسُ أَدُوانْ سَاڧَ، كِنْ رُڢٜىٰ صِڢُّواْڢِنْ دَسُو، سَعَنً كِنْ سَا مَيْنَ دَ تُرَارٜىٰنَ أَغَبَنْسُ؞ |
|
| 19 |
|
| عَبِنْثِنَ وَنْدَ نَبَاكِ، وَتُواْ غَارِ مَيْ لَوْشِ دَ مَيْ دَ ظُمَ، وَنْدَ نَثِيَرْدَ كٜىٰ دَشِ، كِنْ طَوْكَ كِنْ سَا أَغَبَنْسُ دُواْمِنْ يَذَمَ مُسُ هَدَايَ مَيْ ڧَنْشِ مَيْ دَاطِے أَغَرٜىٰسُ؞ عِ، يَكُوَ كَسَنْثٜىٰ حَكَ؞ نِے عُبَنْغِجِ يَهْوٜىٰهْ نَا ڢَطَا؞ |
|
| 20 |
|
| بَنْدَ حَكَمَا، كِنْ طَوْكِ یَیَنْكِ مَظَا دَ یَیَنْكِ مَتَ وَطَنْدَ كِكَ حَيْڢَ مِنِ كِكَ مِيڧَسُ وَ صِڢُّواْڢِ هَدَايَرْ عَبِنْثِ؞ كَمَرْ كَارُوَنْثِنْكِ بَيْ إِشٜىٰكِبَ، |
|
| 21 |
|
| حَرْ كِنْ كَكَّشٜىٰ یَیَنَ كِنْ مِيڧَسُ هَدَايَ أَغَرٜىٰسُ؞ |
|
| 22 |
|
| عَثِكِنْ دُكَنْ أَبُبُوَنْكِ نَڧَظَنْتَادَ كَارُوَنْثِنْكِ، بَاكِ تُنَ دَ ݣُونَكِنْ ڧُرُثِيَرْكِ بَ، لُواْكَثِنْ دَ كِكٜىٰ ڟِرَرَ بَابُ رِغَا، كِنَ بِرْغِمَ عَثِكِنْ جِنِنْ حَيْڢُوَرْكِ؞ |
|
| 23 |
|
| « ‹كَيْتُواْ، كَيْتُوانْكِ! إِنْجِنِ عُبَنْغِجِ يَهْوٜىٰهْ ، بَايَنْ دُكَنْ مُغُنْتَارْكِ، |
|
| 24 |
|
| سَيْ كِنْ غِنَاوَا كَنْكِ وُرِے مَيْ ڟَيِ، كِنْ كُمَ غِنَا وُرِنْ سُجَّدَ دُواْمِنْ صِڢُّواْڢِ عَكُواْوَنٜىٰ ڢِيلِ عَثِكِنْ غَرِ؞ |
|
| 25 |
|
| كِنْ غِنَا وُرِنْ سُجَّدَ دُواْمِنْسُ عَكُواْوَثٜىٰ ݣُونَ تَتِيتِ؞ كِنْ مَيْدَ دَرَجَرْكِ أَبِنْ ڨَمَ، كِنْ بُوطٜىٰ ڟِرَيْثِنْكِ غَ كُواْوَنٜىٰ مَيْ وُثٜىٰوَ كِنْ كُمَ ڧَارَ يَوَنْ كَارُوَنْثِنْكِ؞ |
|
| 26 |
|
| كِنْيِ كَارُوَنْثِ دَ مَصَرَاوَا، مَڨُوبْتَنْكِ مَاسُيَوَنْ شَعَوَرْ جِكِے، كِنَ ڧَارَ يَوَنْ كَارُوَنْثِنْكِ دُواْمِنْ كِسَا إِنْيِ ڢُشِے؞ |
|
| 27 |
|
| غَاشِ ڢَا، نَمِيڧَ هَنُّونَ نَغَابَادَكٜىٰ، نَضَغٜىٰ رَبُوانْكِ، نَكُمَ بَادَكٜىٰ غَ ݣُوطَيِنْ أَبُواْكَنْ غَابَنْكِ، وَتُواْ یَنْ مَاتَانْ ڢِلِسْتِيَاوَا وَطَنْدَ سُكٜىٰ جِنْ كُنْيَرْ حَلِنْكِ نَبَنْ ڨَمَ؞ |
|
| 28 |
|
| كِنْ كُمَيِ كَارُوَنْثِ دَ أَسُّرِيَاوَا دُواْمِنْ بَاكِ ڧُواْشِبَ؞ كِنْيِ كَارُوَنْثِ دَسُو، دُكْدَهَكَ بَيْ إِشٜىٰكِبَ؞ |
|
| 29 |
|
| كِنْ ڧَارَ كَارُوَنْثِنْكِ دَ بَابِيلَ، ڧَسَرْ یَنْ كَاسُوَنْثِ، دُكْدَهَكَ وَنَّنْ بَيْ إِشٜىٰكِبَ؞ |
|
| 30 |
|
| « ‹إِنَا مِصَالِنْ رَشِنْ لَاڢِيَرْ ذُوثِيَارْكِ! إِنْجِنِ عُبَنْغِجِ يَهْوٜىٰهْ ، غَاشِ، كِنْيِ دُكَنْ وَطَنَّنْ أَبُبُوَ، أَيُّكَنْ كَارُوَ مَرَرْ كُنْيَا! |
|
| 31 |
|
| كِنْيِ حَصُومِيَا عَكُواْوَثٜىٰ ݣُونَ تَتِيتِ، كِنْ كُمَ غِنَا وُرِنْ سُجَّدَ عَكُواْوَنٜىٰ ڢِيلِ نَثِكِنْ غَرِ! دُكْدَهَكَ، كٜىٰ بَاكِ نُونَ حَلِنْ كَارُوَبَ دَيَكٜىٰ بَاكِ كَرْٻِ كُطِبَ؞ |
|
| 32 |
|
| كٜىٰ، مَثٜىٰثٜىٰ مَيْ ظِنَ! كِنْڢِسُواْ كِݣُونَ دَ بَاڧِ مَيْمَكُوانْ مِجِنْكِ! |
|
| 33 |
|
| مَظَا سُكَنْ بَادَ ݣَوْتَيْ غَ كُواْوَثٜىٰ كَارُوَ؞ عَمَّا كٜىٰثٜىٰ مَيْ بَادَ ݣَوْتَيْ غَ دُكَنْ مَسُواْيَنْكِ، كِنَ بَاسُ كُطِ دُواْمِنْ سُذُواْ وُرِنْكِ دَغَ كُواْعِنَ دُواْمِنْ سُذُواْ سُݣُونَ دَكٜىٰ؞ |
|
| 34 |
|
| حَكَ حَلِنْكِ يَذَمَ دَبَمْ دَ نَسَوْرَنْ كَارُوَيْ دَيَكٜىٰ بَابُ نَمِجِنْدَ يَنٜىٰمٜىٰكِ دُواْمِنْ يَݣُونَ دَكٜىٰ، بَابُ كُمَ وَنْدَ يَبِيَكِ، كٜىٰثٜىٰ مَيْ بِيَنْسُ؞ دُواْمِنْ حَكَ نَاكِ كَارُوَنْثِنْ دَبَمْ يَكٜىٰ؞ |
|
| 35 |
|
| « ‹دُواْمِنْ حَكَ، يَا كٜىٰ كَارُوَ، كِجِ مَغَنَرْ يَهْوٜىٰهْ ؞ |
|
| 36 |
|
| إِنْجِنِ عُبَنْغِجِ يَهْوٜىٰهْ ، كِنْ مَيْدَ دَرَجَرْكِ أَبِنْ ڨَمَ، كِنْ بُوطٜىٰ ڟِرَيْثِنْكِ غَ مَسُواْيَنْكِ دُواْمِنْ سُݣُونَ دَكٜىٰ؞ كِنْ كُمَ مِيڧَا وَغُمَكَنْكِ مَاسُ بَنْ ڨَمَ جِنِنْ یَیَنْكِ؞ |
|
| 37 |
|
| سَبُواْدَ دُكَنْ وَطَنَّنْ، غَاشِ، ذَنْ تَتَّارَ دُكَنْ وَطَنْدَ كِكَ ڧَوْنَثٜىٰسُ دَ وَطَنْدَ كِكَڧِيسُ؞ ذَنْ تَتَّرَاسُ إِنْسَا سُيِ غَابَادَكٜىٰ دَغَ كُواْعِنَ، ذَنْ كُمَ بُوطٜىٰ مُسُ أَسِيرِنْ جِكِنْكِ دُواْمِنْ سُغَ ڟِرَيْثِنْكِ؞ |
|
| 38 |
|
| ذَنْ حُكُنْتَكِ كَمَرْ يَدَّ عَكَنْ حُكُنْتَ مَاتَا وَطَنْدَ سُكَثِ أَمَانَرْ عَوْرٜىٰ دَ وَطَنْدَ سُكَ ظُبْدَ جِنِ؞ عَثِكِنْ ذَاڢِنْ ڢُشِنَ دَ كِيشِنْ ڧَوْنَتَ، ذَنْ هَلَكَاكِ؞ |
|
| 39 |
|
| ذَنْ كُمَ بَادَكٜىٰ أَ حَنُّنْ مَسُواْيَنْكِ، ذَاسُ رُشٜىٰ وُرَارٜىٰ مَاسُ ڟَيِ وَطَنْدَ كِكَيِ، سُكُمَ رُرُّشٜىٰ وُرَارٜىٰنْكِ نَسُجَّدَ عَكُواْوَنٜىٰ ڢِيلِ عَثِكِنْ غَرِ؞ ذَاسُ تُوٻٜىٰ رِيغُنَنْكِ، سُكُمَ ݣُوشٜىٰ ݣَوَوَنْ كَايَنْ أَدُوانْكِ، سُبَرْكِ ڟِرَرَ بَابُ رِغَا؞ |
|
| 40 |
|
| ذَاسُ تَارَ مِكِ تَارُوانْ جَمَعَ سُيِ غَابَادَكٜىٰ، ذَاسُ جٜىٰجّٜىٰڢٜىٰكِ، سُكُمَ يَيَّنْكَاكِ غَٻَ غَٻَ دَ تَكُبَنْسُ؞ |
|
| 41 |
|
| ذَاسُ ڧُواْنٜىٰ غِدَاجٜىٰنْكِ، سُحُكُنْتَكِ أَعِدُوانْ مَاتَادَيَوَ؞ ذَنْ كُوَسَا كِدَيْنَ عَيْكِنْ كَارُوَنْثِ، بَذَاكِ ڧَارَ بَادَ كُطِ غَ مَسُواْيَنْكِبَ كُمَ؞ |
|
| 42 |
|
| تَهَكَ ذَنْ غَمَ دَ ڢُشِنَ عَكَنْكِ، كِيشِنْ ڧَوْنَتَ ذَاتَ جُويَا دَغَ غَرٜىٰكِ؞ سَعَنً ذَيْسَا إِنْ هُوثٜىٰ، بَذَنْ كُوَ ڧَارَ يِنْ ڢُشِيبَ كُمَ؞ |
|
| 43 |
|
| بَاكِ تُنَ يَدَّ نَلُورَ دَكٜىٰ عَݣُونَكِنْ ڧُرُثِيَرْكِبَ، عَمَّا كِنْبَانِ ڢُشِے دَ دُكَنْ وَطَنَّنْ أَبُبُوَ؞ دُواْمِنْ حَكَ، غَاشِ، ذَنْ سَاكَ مِكِ بِسَغَ دُكَنْ أَيُّكَنْكِ؞ بَنْ دَ لَلَتَرْدَ كِكَيِ، كِنْ كُمَيِ أَيُّكَ مَاسُ بَنْ ڨَمَ؞ نِے عُبَنْغِجِ يَهْوٜىٰهْ نَا ڢَطَا؞ |
|
| 44 |
|
| « ‹غَاشِ، دُكْ مَيْيِنْ أَمْڢَانِ دَ كَرِنْ مَغَنَ ذَيْ يِمَغَنَ عَكَنْكِ يَثٜىٰ «كَمَرْ يَدَّ مَامَرْ تَكٜىٰ حَكَ یَرْ تَكٜىٰ؞» |
|
| 45 |
|
| كٜىٰثٜىٰ یَرْ مَامَرْكِ وَدَّ تَڧِے مِجِنْتَ دَ یَیَنْتَ؞ كٜىٰثٜىٰ یَرْعُوَرْ یَنْعُوَنْكِ مَتَ وَطَنْدَ سُكَڧِ مَذَنْسُ دَ یَیَنْسُ؞ حَڧِيڧَ، مَامَرْكِ مَثٜىٰثٜىٰ دَغَ هِتِّ، بَابَنْكِ مُتُمِنْ أَمُواْرِيَاوَا نٜىٰ؞ |
|
| 46 |
|
| یَرْعُوَرْكِ بَبَّ عِتَثٜىٰ سَمَرِيَ، وَدَّ تَكٜىٰ ذَمَ تَرٜىٰدَ یَیَنْتَ مَتَ أَوَجٜىٰنْ أَرٜىٰوَ؞ یَرْعُوَرْكِ ڧَرَمَ عِتَثٜىٰ سُواْدُوامْ، وَدَّ تَكٜىٰ ذَمَ تَرٜىٰدَ یَیَنْتَ مَتَ أَوَجٜىٰنْ كُدُ؞ |
|
| 47 |
|
| عَمَّا، بَاكِ بِے هَنْيُواْيِنْسُ دَ أَيُّكَنْسُ نَبَنْ ڨَمَ كَطَيْبَ؞ أَعَ، عَثِكِنْ طَنْ لُواْكَثِ كِنْڢِسُ لَلَتَ ثِكِنْ دُكَنْ هَنْيُواْيِنْكِ؞ |
|
| 48 |
|
| حَڧِيڧَ، نَا ضَنْڟٜىٰ دَ رَيْنَ، إِنْجِنِ عُبَنْغِجِ يَهْوٜىٰهْ ، یَرْعُوَرْكِ سُواْدُوامْ دَ یَیَنْتَ مَتَ بَسُ عَيْكَتَ مُغُنْتَا كَمَرْ يَدَّ كٜىٰ دَ یَیَنْكِ مَتَ كُكَ عَيْكَتَابَ؞ |
|
| 49 |
|
| « ‹غَا إِرِنْ لَيْڢِنْدَ یَرْعُوَرْكِ سُواْدُوامْ تَيِ؞ عِتَ دَ یَیَنْتَ مَتَ سُنَدَ غِرْمَنْ كَيْ؞ غَاشِ سُنَدَ عَبِنْثِ عَيَلْوَثٜىٰ ڢِيٜىٰدَ بُڧَاتَرْسُ دَ يَوَنْ جِنْ دَاطِے، عَمَّا بَسُ تَيْمَكِ مَتَلَوْتَ دَ مَاسُ بُڧَاتَبَ؞ |
|
| 50 |
|
| مَاسُ غِرْمَنْ كَيْنٜىٰ سُو دَ مَاسُ عَيْكَتَ أَبُبُوَنْ بَنْ ڨَمَ أَغَبَنَ؞ سَبُواْدَ حَكَ نَكَوَرْ دَسُو سَعَدَّ نَغَنِ؞ |
|
| 51 |
|
| « ‹سَمَرِيَ كُمَ بَتَ عَيْكَتَ كُواْ رَبِنْ ذُنُوبِنْ دَ كِكَ عَيْكَتَابَ؞ كِنْ عَيْكَتَ أَبُبُوَنْ بَنْ ڨَمَ ڢِيٜىٰدَ نَاسُ، حَرْ مَا كِنْسَا یَنْعُوَنْكِ مَتَ سُنْ ذَمَ كَمَرْ مَاسُ أَدَلْثِے تَوُرِنْ دُكَنْ أَيُّكَنْكِ نَبَنْ ڨَمَ وَطَنْدَ كِكَيِ؞ |
|
| 52 |
|
| كٜىٰ كُوَ سَيْ كِطَوْكِ كُنْيَرْكِ! غَمَا كِنْسَا یَنْعُوَنْكِ مَتَ سُسَامِ حُكُنْثِ مَيْ سَوْڧِ سَبُواْدَ ذُنُوبِنْ دَ كِكَ عَيْكَتَ يَڢِنَاسُ بَنْ ڨَمَ؞ سُنْڢِيكِ أَدَلْثِے؞ عِ، كِشَا كُنْيَرْكِ، كِشَا ڧَسْڧَنْثِنْكِ، غَمَا كِنْسَا یَنْعُوَنْكِ مَتَ سُنْذَمَ كَمَرْ مَاسُ أَدَلْثِے؞› » |
|
| 53 |
|
| يَهْوٜىٰهْ يَثٜىٰ وَ عُرُوشَلِيمَ «ذَنْ سَابُنْتَا سُواْدُوامْ دَ یَیَنْتَ مَتَ، إِنْ مَيَرْ مُسُ دَ أَلْبَرْكُنْسُ، إِنْ سَابُنْتَا سَمَرِيَ دَ یَیَنْتَ مَتَ، إِنْ مَيَرْ مُسُ دَ أَلْبَرْكُنْسُ؞ ذَنْ كُمَ مَيَرْ مِكِ دَ أَلْبَرْكُنْكِ تَرٜىٰدَسُو، |
|
| 54 |
|
| دُواْمِنْ كِطَوْكِ كُنْيَرْكِ، كِشَا ڧَسْڧَنْثِ نَدُكَنْ أَبِنْدَ كِكَ عَيْكَتَ؞ تَهَكَ ڧَسْڧَنْثِنْكِ ذَيْ تَعَظَنْتَرْ دَسُو سَبُواْدَ ذُنُوبِنْسُ بَيْ كَيْ نَاكِبَ؞ |
|
| 55 |
|
| غَمٜىٰ دَ یَنْعُوَنْكِ مَتَ، وَتُواْ سُواْدُوامْ دَ یَیَنْتَ مَتَ، ذَاسُ كُواْمَ أَمَڟَيِنْسُ نَدَا؞ سَمَرِيَ كُمَ دَ یَیَنْتَ مَتَ، ذَاسُ كُواْمَ أَمَڟَيِنْسُ نَدَا؞ كٜىٰ كُمَ دَ یَیَنْكِ مَتَ، ذَاكِ كُواْمَ أَمَڟَيِنْكُ نَدَا؞ |
|
| 56 |
|
| أَشٜىٰ! بَ یَرْعُوَرْكِ سُواْدُوامْ تَذَمَ أَبِنْ مَغَنَ عَبَاكِنْكِ عَݣُونَكِنْ غِرْمَنْ كَنْكِبَ؟ |
|
| 57 |
|
| يَنْذُ بَايَنْدَ عَكَ تُواْنَ أَسِيرِنْ مُغُنْتَارْكِ، كِنْ ذَمَ أَبِنْ ذَاغِ غَ یَیَنْ سُورِيَ مَاتَادَ دُكَنْ وَطَنْدَ سُكٜىٰ كٜىٰوَيٜىٰ دَ عِتَ دَ یَیَنْ ڢِلِسْتِيَاوَا مَتَ وَطَنْدَ سُكٜىٰ كٜىٰوَيٜىٰ دَكٜىٰ سُكَيِ مِكِ رٜىٰنِ؞ |
|
| 58 |
|
| دُواْلٜىٰنٜىٰ كِطَوْكِ أَلْحَكِنْ أَيُّكَنْ كُنْيَرْكِ دَ نَبَنْ ڨَمَرْكِ؞ نِے يَهْوٜىٰهْ نَا ڢَطَا؞» |
|
| 59 |
|
| « ‹إِنْجِنِ عُبَنْغِجِ يَهْوٜىٰهْ ، حَڧِيڧَ ذَنْيِ دَكٜىٰ بِسَغَ أَبِنْدَ كِكَيِ، كٜىٰ دَ كِكَ رٜىٰنَ ضَنْڟُوَارْكِ، كِكَ كُمَ كَرْيَ يَرْجٜىٰجٜىٰنِيَرْ؞ |
|
| 60 |
|
| دُكْدَهَكَ، ذَنْ تُنَ دَ يَرْجٜىٰجٜىٰنِيَرْدَ نَيِ دَكٜىٰ عَݣُونَكِنْ ڧُرُثِيَرْكِ، ذَنْ كُمَ كَڢَ يَرْجٜىٰجٜىٰنِيَ تَهَرْ أَبَدَا دَكٜىٰ؞ |
|
| 61 |
|
| سَعَنً ذَاكِتُنَ دَ هَنْيُواْيِنْكِ، كِكُمَجِ كُنْيَا، سَعَدَّ نَطَوْكِ دُكَنْ یَنْعُوَنْكِ مَتَ، بَبَّ دَ ڧَرَمَ، نَبَاكِسُ سُذَمَ یَیَنْكِ مَتَ؞ ذَنْيِ وَنَّنْ كُواْدَيَكٜىٰ بِسَغَ يَرْجٜىٰجٜىٰنِيَتَ، بَنْيِ مِكِ أَلْڧَوَرِ إِنْيِ حَكَبَ؞ |
|
| 62 |
|
| ذَنْ تَبَّتَرْ مِكِ دَ يَرْجٜىٰجٜىٰنِيَرْدَ نَيِ دَكٜىٰ، كٜىٰ كُمَ ذَاكِسَنِ ثٜىٰوَ نِنٜىٰ يَهْوٜىٰهْ ، |
|
| 63 |
|
| دُواْمِنْ كِتُنَ، كِكُمَجِ كُنْيَا، كِكَاسَ بُوطٜىٰ بَاكِ سَبُواْدَ ڧَسْڧَنْثِ، سَعَدَّ نَغَاڢَرْتَا مِكِ دُكَنْ أَبِنْدَ كِكَ عَيْكَتَ؞ نِے عُبَنْغِجِ يَهْوٜىٰهْ نَا ڢَطَا؞› » |
|
|
|
|