×

أَتَّوْرَتْ دَ أَنَّبَاوَا 2020

Ezekiyel 17

1
يَهْوٜىٰهْ يَايِ مَغَنَ دَنِے ثٜىٰوَ
2
«يَا كَيْ طَنْ مُتُمْ، كَڢَطَا كَثِثِ كَثِثِ، كَڢَطَا مِصَالِنَّنْ غَ غِدَنْ إِسْرَٰٓءِيلَ؞
3
كَثٜىٰ، ‹إِنْجِنِ عُبَنْ‌غِجِ يَهْوٜىٰهْ ، وَتَ بَبَّرْ غَغَّڢَ مَيْ مَنْيَنْ ڢِكَڢِكَيْ مَيْ دُواْغَيٜىٰنْ غَاشِ مَاسُ كَلَ دَبَمْ دَبَمْ تَذُواْ لٜىٰبَنُوانْ؞ تَيَنْكٜىٰ كَنْ إِتَاثٜىٰنْ سٜىٰدَ،
4
تَثِرٜىٰ رٜىٰشٜىٰ دَغَ رَسَّ مَڢِے سَمَ، تَكَيْشِ ثِكِنْ ڧَسَرْ مَاسُ كَاسُوَنْثِ، تَكُمَ دَسَشِ عَبِرْنِنْ یَنْ كَاسُوَنْثِ؞
5
سَعَنً تَطَوْكِ ڨُويَرْ إِرِ دَغَ ڧَسَرْ إِسْرَٰٓءِيلَ، تَشُوكَ ڨُويَرْ نَنْ عَثِكِنْ ڧَسَا مَيْݣَوْ، تَشُوكَتَ كَمَرْ إِتَاثٜىٰ أَ عِنْدَ أَݣَويْ ضُوَ مَيْ يَوَ؞
6
ڨُويَرْ تَڟِيرَا تَذَمَ كَمَرْ إِتَاثٜىٰنْ إِنَبِے مَيْ يَطُ عَڧَسَا، رَسَّنْتَ سُكَ جُويَا ذُوَا وَجٜىٰنْ غَغَّڢَرْ؞ سَيْوُاْيِنْتَ سُكَيِ ظُرْڢِ عَڧَسَا سُواْسَيْ؞ تَهَكَ تَذَمَ إِتَاثٜىٰنْ إِنَبِے، يَيِ رَسَّ، يَكُمَ ڢِتَرْدَ غَنْيَيٜىٰ؞
7
« ‹عَمَّا أَݣَويْ كُمَ وَتَ بَبَّرْ غَغَّڢَ دَبَمْ مَيْ مَنْيَنْ ڢِكَڢِكَيْ دَ غَاشِ مَيْ يَوَ؞ غَاشِ، إِتَاثٜىٰنْ إِنَبِنَّنْ يَجُويَ سَيْوُاْيِنْسَ يَمِيڧَ رَسَّنْ ذُوَا وُرِنْ غَغَّڢَرْ نَنْ، دُواْمِنْ عِتَ تَيِ مَسَ بَنْ ضُوَ أَمَيْمَكُوانْ ڧَسَا عِنْدَ عَكَ شُوكَشِ؞
8
يَيِ حَكَ، كُواْدَيَكٜىٰ أَنْشُوكَشِ عَڧَسَا مَيْݣَوْ عِنْدَ أَݣَويْ ضُوَ دَيَوَ دُواْمِنْ يَيِ رَسَّ، يَيِ یَیَ، يَذَمَ إِتَاثٜىٰنْ إِنَبِے نَڨُورَيْ؞›
9
«سَيْ كَثٜىٰ وَجَمَعَرْ إِسْرَٰٓءِيلَ، ‹إِنْجِنِ عُبَنْ‌غِجِ يَهْوٜىٰهْ ، إِتَاثٜىٰنْ إِنَبِنَّنْ ذَيْ رَايُ كُوَ؟ أَشٜىٰ، بَغَغَّڢَ تَڢَرْكُواْ ذَاتَ تُمْٻُكٜىٰ سَيْوُاْيِنْسَ تَكُمَ كَكَّٻٜىٰ یَیَنْسَ دُواْمِنْ دُكَنْ غَنْيَيٜىٰنْسَ سُبُوشٜىٰبَ؟ أَيْ، بَسَيْ دَ حَنُّ مَيْ ڧَرْڢِے، كُواْ دَ مُتَنٜىٰ دَيَوَ ذَاعَ تُمْٻُكٜىٰشِ دَغَ سَيْوُاْيِنْسَبَ!
10
عَمَّا غَاشِ، عِدَنْ عَكَ دَسَشِ، ذَيْ رَايُ كُوَ؟ سَعَدَّ ذَاڢِنْ إِسْكَرْ غَبَسْ يَبُغٜىٰ شِ، بَذَيْ بُوشٜىٰ كَكَڢْ بَ كُوَ؟ حَڧِيڧَ ذَيْ بُوشٜىٰ أَ عِنْدَ عَكَ دَسَشِ؞› »
11
سَيْ يَهْوٜىٰهْ يَيِ مَغَنَ دَنِے ثٜىٰوَ
12
«يَنْذُ، تَمْبَيِ جَمَعَرْ إِسْرَٰٓءِيلَ مَاسُ تَاوَيٜىٰنَّنْ ثٜىٰوَ ‹بَكُسَنْ أَبِنْدَ وَطَنَّنْ أَبُبُوَنْ سُكٜىٰ نُڢِ بَ؟ ڢَطَا مُسُ ثٜىٰوَ غَاشِ سَرْكِنْ بَابِيلَ يَذُواْ عُرُوشَلِيمَ، يَطَوْكِ سَرْكِنْتَ دَ شُوغَبَنِّنْتَ، يَكَٰوُاْسُ بَابِيلَ؞
13
يَطَوْكِ طَيَ دَغَ ثِكِنْ ذُرِيَرْ مُلْكِ، يَيِ يَرْجٜىٰجٜىٰنِيَ دَشِ، يَكُمَسَا يَيِ مَسَ ضَنْڟُوَا ثٜىٰوَ ذَيْ يِ أَمِنْثِ دَشِ؞ سَرْكِنْ بَابِيلَ يَطَوْكِ مَنْيَنْ مُتَنٜىٰنْ ڧَسَرْ،
14
دُواْمِنْ عَڧَسْڧَنْتَرْدَ مُلْكٍ، كَدَ مُلْكٍ يَسَاكٜىٰ تَاشِ؞ تَوُرِنْ كِيَايٜىٰ يَرْجٜىٰجٜىٰنِيَ ثٜىٰ كَطَيْ، مُلْكٍ ذَيْ ڟَيَ؞
15
عَمَّا مُتُمِنَّنْ نَظُرِيَرْ مُلْكٍ يَهُودَ يَيِ مَسَ تَاوَيٜىٰ، سَعَدَّ يَعَيْكِ وَكِلَيْ ذُوَا مَصَرْ، دُواْمِنْ عَبَاشِ دَوَكِ دَ سُواْجُواْجِ دَيَوَ؞ شِنْ! ذَيْثِ نَصَرَا كُوَ؟ مُتُمِنْ دَ يَيِ إِرِنْ وَطَنَّنْ أَبُبُوَ ذَيْ ڟِيرَا؟ إِنْ يَكَرْيَ يَرْجٜىٰجٜىٰنِيَرْ نَنْ، ذَيْ ڟِيرَا كُوَ؟
16
حَڧِيڧَ، نَا ضَنْڟٜىٰ دَ رَيْنَ، إِنْجِنِ عُبَنْ‌غِجِ يَهْوٜىٰهْ ، لَلَّيْ سَرْكِنَّنْ ذَيْ مُتُ عَ بَابِيلَ، غَمَا بَيْ ثِكَ ضَنْڟُوَارْسَ دَ يَرْجٜىٰجٜىٰنِيَرْسَ دَ يَيِ وَسَرْكِنْ بَابِيلَ وَنْدَ يَنَطَشِيبَ؞
17
كُواْ ڢِرْعَوْنَ سَرْكِنْ مَصَرْ تَرٜىٰدَ سُواْجُواْجِنْسَ مَاسُ ڧَرْڢِے دَ ضُنْدُنَا مَيْ يَوَ مَا، بَذَيْ عِيَ تَيْمَكٜىٰشِيبَ، سَعَدَّ سُواْجُواْجِنْ بَابِيلَ سُكَ تَارَ ڧَسَا دُواْمِنْ يَاڧِ، سُكَ كُمَ تَادَ أَبُبُوَنْ هَوْ تَكَتَنْ‌غَرْ بِرْنِ دُواْمِنْ سُكَشٜىٰ رَايُكَ دَيَوَ؞
18
سَرْكِنْ يَهُودَ بَيْ ثِكَ ضَنْڟُوَا دَ يَرْجٜىٰجٜىٰنِيَرْ دَ يَيِبَ؞ غَاشِ دَ حَنُّنْسَ يَطَوْرَا يَرْجٜىٰجٜىٰنِيَرْ، عَمَّا دُكْدَهَكَ يَيِ دُكَنْ وَطَنَّنْ أَبُبُوَ؞ سَبُواْدَ حَكَ، بَذَيْ ڟِيرَبَ؞
19
« ‹إِنْجِنِ عُبَنْ‌غِجِ يَهْوٜىٰهْ ، سَبُواْدَ حَكَ، ذَنْ حُكُنْتَ شِ سَبُواْدَ رَنْڟُوَاتَا وَدَّ يَرٜىٰنَ دَ يَرْجٜىٰجٜىٰنِيَتَ وَدَّ يَكَرْيَ؞
20
ذَنْ وَاڟَا رَاغَتَ عَكَنْسَ، ذَنْ كَامَ شِ عَثِكِنْ تَرْكُواْنَ؞ ذَنْ كَيْشِ بَابِيلَ، ثَنْ كُمَ ذَنْ شَرْعَنْتَشِ، سَبُواْدَ رَشِنْ أَمِنْثِنْ دَ يَيِ مِنِ؞
21
دُكَنْ سُواْجُواْجِنْسَ مَڢِيَ عِيَ يَاڧِ ذَاعَ كَكَّشٜىٰسُ دَ تَكُواْبِے، ذَاعَ وَاڟَرْدَ وَطَنْدَ سُكَ رَغُ كُواْعِنَ؞ تَهَكَ ذَاكُ سَنِ ثٜىٰوَ نِے يَهْوٜىٰهْ نٜىٰ نَا ڢَطَا؞
22
« ‹إِنْجِنِ عُبَنْ‌غِجِ يَهْوٜىٰهْ ، نِے كَيْنَ ذَنْثِرٜىٰ سَابُوانْ رٜىٰشٜىٰ دَغَ رَسَّ مَڢِے سَمَ نَ إِتَاثٜىٰنْ سٜىٰدَ مَيْ ڟَوُاْ، إِنْ دَسَشِ؞ ذَنْ ثِرٜىٰ طَيَ دَغَ ثِكِنْ سَابُوانْ رٜىٰشٜىٰنْ دَسُكٜىٰ وَجٜىٰنْ كَنْسَ، إِنْ دَسَ شِ عَكَنْ بَبَّنْ تُدُ مَيْ ڟَيِ؞
23
عَكَنْ بَبَّنْ تُدُنْ إِسْرَٰٓءِيلَ ذَنْ دَسَ شِ، دُواْمِنْ يَڢِتَرْدَ رَسَّ دَيَوَ، يَبَادَ یَیَ، يَذَمَ إِتَاثٜىٰنْ سٜىٰدَ نَڨُورَيْ؞ ڟُنْڟَيٜىٰ إِرِ إِرِ ذَاسُذُواْ سُذَوْنَ عَڧَرْڧَشِنْسَ، ذَاسُيِ غِدَاجٜىٰنْسُ عَثِكِنْ إِنُوَرْ رَسَّنْسَ؞
24
دُكَنْ عِتَتُوَنْ دَاجِ كُوَ ذَاسُ سَنِ ثٜىٰوَ نِنٜىٰ يَهْوٜىٰهْ نَكَنْسَا بَبَّنْ إِتَاثٜىٰ يَذَمَ ڧَرَمِ، إِنْسَا طَنْيٜىٰنْ إِتَاثٜىٰ يَبُوشٜىٰ، إِنْ مَيْدَ بُوسَشّٜىٰنْ إِتَاثٜىٰ كُمَ يَذَمَ طَنْيٜىٰ شَرَڢْ؞ نِے يَهْوٜىٰهْ نَا ڢَطَا، نِے كُوَ ذَنْ عَيْكَتَ؞› »
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula